Сынып сағаты: "Кел, балалар, оқылық" 1-сынып

Солтүстік Қазақстан облысы

Қызылжар ауданы

Архангельское селосы

«Архангельское орта мектебі» КММ

Бастауыш сынып мұғалімі

Дукетбаева Анаргуль Тлегеновна

Сынып сағатының тақырыбы: Кел, балалар, оқылық!

Сынып сағатының мақсаты: Ыбырай Алтынсариннің өмірімен таныстыру, .Ы.Алтынсарин туралы түсініктерін кеңейту, оның өлеңдерінің мағынасын түсініп, меңгеру. Кітаптарымен таныстыра отырып, оның мағыналарын ұғындыру. Білімге деген ынталарын , құлшыныстарын арттыру.

Сабақтың әдісі: Түсіндіру,сұрақ-жауап,әңгімелеу, сахналау

Көрнекілігі: Суреттер, портреті, нақыл сөздері, бейнежазба, мультфильм «Әке мен бала»

Сабақтың барысы:

І. Ұйымдастыру кезеңі.
Оқушылардың зейінін,назарын психологиялық жаттығулар арқылы сабаққа аудару.

«Шаттық шеңберіне» тұрып бір-біріне жақсы тілектер тілеу

ІІ. Сынып сағатының тақырыбын оқып, оның мағынасын өздері ашып, талқылайды

• Бұл жолдар не туралы?

• Не үшін оқуға шақырады? Өз ойларыңды айтыңдар.

• Өлең жолдарының авторы кім?

• Ыбырай Алтынсарин туралы не білеміз?

• Оның қандай өлеңдерін білесіңдер?

Өлеңнің жатқан білетін жолдарынан үзінділерін жатқа айтып шығады.

ІІІ. Ыбырай Алтынсарин туралы бейнефильм көру

ІV. Көрген бейнефильм бойынша сұрақтарға жауап беру.

1. Ыбырай Алтынсарин кім?

2. Ол қай облыста туған?

3. Ол алғашқы не ашты?

4. Алғашқы қандай кітап жазды?

5. Орск қаласында тұңғыш не ашты?

6. Биыл туғанына неше жыл болды?

7. Оның қандай әңгімелерін білесіңдер?

V. «Әке мен бала» деген әңгімесіне түсірілген мультфильмді көріңіздер. (Мултьфильм көреді)

Көрген мультфильмді әңгімелеп, талдап айтып шығады.

VІ. – Енді осы әңгімені сахналап көрсетеміз

(Оқушыларды рөльдерге бөліп сахналап көрсету)

• Балалар осы әңгімеден қандай қорытынды шығарамыз?

• Әке өзінің баласына қандай тәрбие берді деп ойлайсыңдар?

Аз істі істеуге ерінсең, көп іске тап боласың.

• Осы айтылған сөздерді үнемі естеріңде сақтап жүріңдер

• Ыбырай атамыз өзінің барлық өлеңдерінде, әңгімелерінде балаларды білімге, адалдыққа, адамгершілікке, ұқыптылыққа, тазалыққа шақырып отырған.

• Мына кітаптарды сендер мектеп кітапханасынан алып оқуларыңа болады.

VІІ. Қорытынды:

• Ыбырай атамыздың туғанына неше жыл болды?

• Қай облыста туды?

• Қандай көріністен үзінді сахналадық?

• Ол көріністен өздеріңе қандай өнеге алдыңдар?

• Кел, балалар, оқылық! өлеңі балаларды неге шақырды?

• Осы өлең жолдарын оқып жаттап алыңдар

Ыбырай Алтынсариннің туғанына 175 жыл толуына байланысты

«Кел, балалар, оқылық!» атты сынып сағаты есебі