Сынып ұжымын жұмылдыруға арналған тренинг. 7-сынып.

ШҚО, Семей қаласы, № 38 мектеп-лицей

педагог-психолог М.С. Шакиртова

Сынып ұжымын жұмылдыруға арналған тренинг-сабақ

Мақсаты:

• сынып ұжымын жұмылдыру;

• жағымды психологиялық климат тудыру, жеке бас аралық қатынастағы кедергілерді жеңу, коммуникативті дағдыларды дамыту.

Қажетті жабдықтар: қаламдар, оқушылардың есімдері жазылған парақтар, сабаққа арналған презентация.

Тренинг қатысушылары шеңбер болып отырады.

Психолог. Біздің тренингте біз сыныбымыз туралы сөйлесеміз. Біздің сыныбымыз қандай? Сыныптастарымыз қандай? Ең алдымен тренинг ережелерін еске түсірейік. Оқушылар ережелерді айтады. Психолог тренинг ережелері жазылған слайдты көрсетеді.

Жаттығу. «Біз бір-бірімізге ұқсаймыз...»

Оқушылар ішкі және сыртқы шеңбер құрып тұрады. Сыртқы шеңбердегі оқушылар қарама-қарсы тұрған оқушымен ұқсастығын айтады. Ал ішкі шеңбердегі тұрған қатысушы айырмашылығын. Барлық оқушылар ұқсастықтары мен айырмашылықтарын айтып болғанша жаттығу жалғасады.

Рефлексия – ұқсастықтар мен айырмашылықтарды айтқанда қиналдыңдар ма?

Жаттығу «Салфетка»

Қатысушыларға салфетка таратылады. Психологтың нұсқауы бойынша қатысушылар салфетканы бүктеп, екі жақ шетін жыртады. Содан кейін ашқанда оқушылар ұқсас салфеткаларды іздейді.

Жаттығу «Орыныңды ауыстыр...»

Қатысушылар психологтың бұйрығы бойынша орындарың ауыстырады. Мысалы: «Кімнің бойы 140 см, орыныңды ауыстыр?», «Балмұздақ жақсы көретіндер, орыныңды ауыстыр?» және т.б.

Қатысушылар шеңбер болып отырады. Бір қатысушы артық. Бос орынға отыра қалу керек.

Психолог өзіміз әртүрлі болсақ та, қызығушылықтарымыз ұқсас екенін айтады.

Жаттығу «Екі суретші»

Қатысушылар жұппен бөлініп, «мысық, күн, үйдің» суретін салады. Мақсаты: оқушыларды бір-бірімен өзара түсінушілігін зерттеу және арттыру.

Жаттығу «Балдырлар»

Қатысушылар 8 оқушыдан бөлініп, шеңбер болып тұрады. Ортасына бір оқушы балдыр болып тұрады. Оқушы басқа қатысушыларға балдыр тәріздес болып құлау керек. Бұл жаттығу өзара сенімді қатынасты орнатуға арналған.

Рефлексия. Еркін микрофон

• Бүгінгі сабақтан қандай әсер алдыңдар?

• Нені түсіндіңдер?

• Сынып ұйымшыл болған дұрыс па?