Сыныпқа мінездеме

С Ы Н Ы П Қ А М І Н Е З Д Е М Е

(2023-2024 оқу жылы , І-нші жж)

Алғабас жалпы орта білім беретін мектебінің 7 «ә» сыныбында 15 оқушы бар. Оның ішінде 7 ұл бала, 8 қыз бала.

Жалпы сыныптың әлеуметтік құрамы орташа. Материалдық жағынан жеткілікті қамтылған. Денсаулықтары – бірқалыпты.

Сынып оқушыларының ынтасы жақсы, оқуға деген көзқарасы бірқалыпты, I-нші тоқсан бойынша сыныптың орташа баллы 4.12%, пәндер бойынша жалпы білім сапасы - 81,21 % , пән бойынша жалпы ОБД - 69,43 % , сыныптың жалпы үлгерімі -100 % , сыныптың жалпы білім сапасы -66,67 % ,оқу озаттарының саны – 3, оқу екпінділерінің саны – 7 , орташа оқитын оқушылар – 5.Ал ІІ-нші тоқсанға келетін болсақ , сыныптың орташа баллы -4.12%, пәндер бойынша жалпы білім сапасы – 80,89 % , пән бойынша жалпы ОБД - 69,21 % , сыныптың жалпы үлгерімі -100 % , сыныптың жалпы білім сапасы -66,67 % оқу озаттарының саны – 3, оқу екпінділерінің саны – 8, орташа оқитын оқушы саны - 4.

Оқушылар мектепішілік және сыныптан тыс шараларға белсене қатысады, дегенмен де ешқандай шараларға мүлдем қатыспайтын оқушылар да кездеседі. Оқушылар ұйымшыл, бір-бірімен жақсы араласады, сабақ үстінде бір-біріне үнемі көмектесіп отырады.

Сыныптағы жалпы тәртіп – орташа. Үнемі сынып жетекшінің қадағалауын талап етеді.

Оқушылардың еңбекке деген көзқарасы жақсы қалыптасқан, көптеген оқушылар қол еңбегіне бейім.

Сынып оқушыларының эстетикалық жағдайы жақсы, барлық оқушылар мектеп формасын сақтайды, үнемі таза жүреді. Музыкаға, театрға, ән-биге қызығушылықтары бар.

Оқушылардың спортқа қызығушылығы басым, салауатты өмір салтын ұстанады, зиянды әдеттерден аулақ. Волейбол және футбол үйірмелеріне қатысып, жүлделі орындарға ие болып жүрген оқушылар да бар.

Сынып белсенділері өздеріне тапсырылған жұмысты тиянақты орындайды. Сынып басшысы Жанбулат Гүлайхан үнемі сынып оқушыларын түгендеп, кезекшілік қызметін қадағалап отырады. Тәрбие сағаттарын және мектепішілік шараларда оқушыларды ұйымдастырып, сынып жетекшісіне үнемі қолғабыс жасайтын белсенді оқушылар бар. Олар Жанбулат Г , Шапағат И, Бекбулат С , Аяпберген К , Мирам Н , Сарсенбай Е сынды оқушылар.

Сынып оқушыларының басқа сыныптармен қарым-қатынасы жақсы. Алдағы мақсатымыз сынып ішіндегі ұйымшылдықты жандандырып, оқушылардың білім сапасын көтеру, мектеп өміріндегі барлық шараларға белсенділікпен қатысу.