16-желтоқсан Қазақстан Республикасы Тәуелсіздік күніне салтанатты жиналыстың жүру тәртібі (сценарий)

15.12.2021 ж

1-жүргізуші: Армысыздар, құрметті ұстаздар!

2-жүргізуші: Кеш жарық қадірлі көрермендер! ҚР Тәуелсіздігіміздің 30 жылдығына арналған салтанатты жиналысқа қош келдіңіздер!

1-жүргізуші: Баршаңызды Ұлы дала елінің ұлық мерекесі – Тәуелсіздік күнімен шын жүректен құттықтаймын!

Биыл рухы асқақ, тұғыры биік төл мемлекетімізге 30 жыл толды. Қарапайым тілмен айтқанда, нағыз ердің жасында, ұлы мақсаттардың басында тұрмыз.

Тәуелсіздігімізді жариялағаннан бергі мезгіл ішінде көптеген елеулі табыстарға қол жеткіздік. Еліміздің тәуелсіздігі мен мемлекеттілігінің орныға түсуі, ұлттық қауіпсіздігі, экономикамыздың жедел қарқынмен дами беруі, Қазақстан халықтарының өз болашақтарына деген берік сенімі, қазіргі замандағы өркениетті қауымдастық ортасында іргелі елге айналуы – стратегиялық негізгі бағыттарды құрайды.

Осыған орай бүгін баршамыз салтанатты жиынға келіп отырмыз. Тәуелсіздік күніне байланысты өткізілетін салтанатты жиын ашық деп жарияланады.

(Мемлекеттік Гимн орындалады)

2-жүргізуші: Иә, бүгінгі мерекенің орны өзгеше. Қанымен қара тасқа қашалып, ғасырлар бойғы арман-тілекті бойына сіңіріп, сағым жылдардың елесін арқалап, асыға жеткен арманымыз. Дала төсінде тербеліп тұрар Тәуелсіздік бесігі шартараптағы сағыныштарды біріктірері сөзсіз. Осы орайда, тәуелсіздік жолында шейіт болған боздақтарымызға бүгінгі ұрпақ тарапынан тағзым ретінде бір минут үнсіз еске алсақ. (Барлығы орнынан тұрады)

Тәуелсіздік күні мерекесімен құттықтау үшін сөз колледж директорына сөз беріледі.

Марапаттаулар (тізім бойынша)

(Мерекелік концертпен жалғасады)

1-жүргізуші: Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі,
О, халайық! Құтты болсын қуаныш!

Азат өлкем күндей күлген шығыстан,
Асыл елім жан - жүректі ұғысқан.
Ата бабам аңсап өткен бақытым,
Айналайын, Қазақстан - Гүлстан!

2-жүргізуші: Кең байтақ, көз жетпейтін жерім менің
Таулы орман, жасыл жайлау көлім менің
Бүгінде бар әлемге даңқың жетті
Тәуелсіз Қазақстан – елім менің

1-жүргізуші:

Қасиетті Қазақстан мекенім,
Ақиқаттың алтын бесігі екенсің.
Елім, жерім, Отаным – бақ - дәулетім,
Болашағым, өнер - білім, өркенім.

Бейбіт өмір тілеймін мен халқыма
Туған тілім шұбарланба жарқыра
Тарихымызда таланттылар көбейсін
Бас иемін ата баба рухына.

2-жүргізуші: Майырова Еркежанның орындауында белгілі сазгер Ілесбек Амановтың сөзіне жазылған «Қара бауыр қасқалдақ» әні.

1-жүргізуші: Балжан

2-жүргізуші: Көрініс

1-жүргізуші: Бабаларымыздың қанымен, білегінің күшімен, найзасының ұшымен келген киелі де қасиетті тәуелсіздіктің қандай қиындықпен келгені баршамызға мәлім. Ұлық мерекеміздің аясында тәуелсіздік жолында еліміздің жүріп өткен қадамдарына назар аударып көрелік. (видео көрсетіледі)

2-жүргізуші: Өз басым тәуелсіздіктен кейін туылған буынның өкілі бола тұра, бұл егемендіктің қандай жолмен келгенін жақсы білемін. Қазақстан үшін, қазақ халқы үшін тәуелсіздік аспаннан түскен сый емес еді. Халқымыз бостандықты аңсап, тәуелсіздікке зарығып жетті. Аңсатқан азаттық жолында еліміз аз қиыншылық көрген жоқ. Тәуелсіздік – ата-бабамыздың ежелден келе жатқан арманы. Халқымыздың бостандыққа ұмтылысының және өшпес қайсар рухының арқасында тәуелсіздікке қол жеткіздік. Бұл күнге дейін жеткен ұмытылмас оқиғалар – ел бостандығын қорғау соғыстары мен ұлт-азаттық көтерілістердің тарихымызда өшпес өнеге, өлмес мұра ретінде сақталатыны анық. 

1-жүргізуші: Қазіргі таңда Тәуелсіздік күні – барлығымыз үшін ерекше қасиетті күн. Бірліктің, ынтымақтастық пен татулықтың күні. Мемлекетіміздің тәуелсіздігі – ең алдымен халқымыздың бақыты, ұлтымыздың ұлы мұраты. 

Ән:

2-жүргізуші: Жебесімін көбе бұзар түркінің, 

Егесімін күллі түркі жұртының. 

Назарына түспесе де дұшпанның, 

Жанарыма тұнған шықты іркідім. 

(Көрініс _______________) 

1-жүргізуші: Сен десе тыным таппаймын мазамдай мүлдем, 

Сен десе жаным жаһанға тажалдай күлген 

Сен менің ұлы мұңымсың тағдырым егіз 

Сен менің ұлы жырымсың жаза алмай жүрген. !

2-жүргізуші: Майырова Еркежанның орындауында  ақын Қадыр Мырзалиевтің сөзіне жазылған «Атамекен» әні

1-жүргізуші: Құрметті жиналған көпшілік қауым, осымен біздің салтанатты жиынымыз өз мәресіне жетті. Еліміздің еңсесі биік, туымыздың тұғыры берік, тәуелсіздігіміз мәңгі болғай. Келесі көріскенше қош сау болыңыздар!