Сыныптан тыс іс - шара "География әлеміне саяхат"

Өтілген күні: 27.01.2017ж.

Сынып: 6 «А, Ә, Б, В»

Тақырып:

«География әлеміне саяхат» атты топтық интеллектуалдық сайыс сабақ

Мақсаты:

Балалардың география пәніне қызығушылығын, белсенділігін дамыту, оқушыларды ұйымшылдыққа, достыққа, тез ойлап, тез шешім қабылдауға, бір-біріне көмектесуге, жарыс барысында белсенділік көрсетуге, жеке тұлға ретінде дамуына мүмкіндік жасау арқылы тәрбиелеу мақсат етілді.

Өткізілу түрі: Жарыс

Сабақтың барысы

1 - Жүргізуші:

• Сәлеметсіздерме, құрметті «География әлеміне саяхат» сайысының көрермендері мен қатысушылары. Бүгінгі сайысымызға қатысушы топтар:

1-ші топ: 6 «А» сыныбы

2-ші топ: 6 «Ә» сыныбы

3-ші топ: 6 «Б» сыныбы

4-ші топ: 6 «В» сынып оқушылары

2 – жүргізуші:

• Олай болса сайыстың кезеңдерімен таныстыра кетейін.

1. – кезең: «Таныстыру»

2. – кезең: «Ой қозғау»

3. – кезең: «Карталар әлеміне саяхат»

4. – кезең: «Ең, Ең, Ең» капитандар жарысы

5. - кезең: «Шығармашылық жұмыс»

6. - кезең: «Постер қорғау»

1. – жүргізуші: Енді сайысымыздың бірінші кезеңін бастасақ. Бірінші болып өздерін таныстыратын 6 «А» сыныбы

6«А» сыныбы ортаға шығып топты, топ басшысын, топтың ұранын, топтың эмблемасымен таныстырады.

2 – жүргізуші: Екінші болып 6 «Ә» сыныбы шығады

6 «Ә» сыныбы ортаға шығып топты, топ басшысын, топтың ұранын, топтың эмблемасымен таныстырады.

1 – жүргізуші: Үшінші тобымыз 6 «Б» сыныбы

6 «Б» сыныбы ортаға шығып топты, топ басшысын, топтың ұранын, топтың эмблемасымен таныстырады.

2. – жүргізуші: Ең соңғы төртінші топ 6 «В» сыныбының таныстыру кезеңіне дайындығын тыңдасақ.

6 «В» сыныбы ортаға шығып топты, топ басшысын, топтың ұранын, топтың эмблемасымен таныстырады.

1 – жүргізуші: Сонымен 1 кезең таныстыру кезеңіне қорытынды жасасақ. Сөз кезегі әділқазылар алқасына беріледі.

Әділқазылар алқасы 4 топты таныстыру кезеңі бойынша 5 ұпай көрсеткішімен бағалайды.

2 – жүргізуші: 2 - кезеңді бастамас бұрын кезеңнің шарттарымен таныстыра кетейік. Бұл кезеңде әр топқа 5 сұрақтан беріледі. (Әр сұрақ 5 ұпай)

1 жүргізуші: 1 – ші топқа 6 «А» сыныбына берілген сұрақтар:

1. Галактика дегеніміз не?

Жауабы: Өте көп жұлдыздар жиынтығы мен жұлдыздар жүйесі

2. Кібісе жылы дегеніміз не?

Жауабы: 366 күннен тұратын жыл. Бұл жылы ақпан айы 29 күнге толады.

3. Екі дүние бөлігінен тұратын материк?

Жауабы: Еуразия

4. Жауын – шашын түрлері?

Жауабы: жаңбыр, қар, бұршақ, шық, қырау, қылау

5. Литосфералық тақталарды ата?

Жауабы: Еуразия тақтасы, Тынық мұхит тақтасы, Африка тақтасы, Сотүстік Америка, Оңтүстік Америка, Үнді Аустралия, Антарктида, Наска тақтасы

2. – жүргізуші: 2 – ші топқа 6 «Ә» сыныбына берілген сұрақтар:

1. Әлемдегі ең биік тау?

Жауабы: Гималай

2. Ауданы жөнінен 2 – ші материк?

Жауабы: Африка

3. Картоптың Отаны?

Жауабы: Оңтүстік Америка. Оны қолдан өсіре бастаған алғашқы жер – Чили мен Перу

4. Фернан Магелан Жер шарын айналып шыққан жыл?

Жауабы: 1519 – 1522 жж.

5. Азия мен Еуропаны бөліп тұрған тау:

Жауабы: Орал

1. – жүргізуші: 3 – ші топқа 6 «Б» сыныбына берілген сұрақтар:

1. Тереңдікті үздіксіз өлшеп отыратын құрал?

Жауабы: Эхолот

2. Ең терең шұңғыма?

Жауабы: Мариан 11022м

3. Аболюттік биіктігі 200 м – ден 500 м-ге дейінгі жазықтар қалай аталады?

Жауабы: Қырат жазықтар

4. Екі материктен тұратын бір дүние бөлігі?

Жауабы: Америка

5. «География» ұғымын енгізген

Жауабы: Эротосфен

2 – жүргізуші: 4 – ші топқа 6 «В» сыныбына берілген сұрақтар:

1. Кракатау жанартауы өте қатты атқылаған жыл?

Жауабы: 1883ж.

2. Жердің сыртқы қатты қабаты?

Жауабы: Литосфера

3. Қарталар мазмұнына қарай нешеге бөлінеді?

Жауабы: 2- ге, Жалпы географиялық және Тақырыптық

4. Қазақстанның ең биік нүктесі?

Жауабы: Хантәнірі шыңы 6695 м.

5. Антарктида материгін ашқан ғалымдар?

Жауабы:Ф.Ф.Белинсгаузен, М.П.Лазарев

1 – жүргізуші: Сонымен 2 кезең «Ой қозғау» кезеңіне қорытынды жасасақ. Сөз кезезгі әділқазылар алқасына беріледі.

Әділқазылар алқасы 4 топты «Ой қозғау» кезеңі бойынша әр сұраққа 5 ұпай көрсеткішімен бағалайды. Барлық бес сұрақ 25 ұпайды құрайды.

2 – жүргізуші: 3 – кезең «Карталар әлеміне саяхат» деп аталады. Бұл кезеңде әр топқа 5 сұрақтан беріледі. (Әр сұрақ 5 балл)

1 –жүргізуші: 1 топ 6 «А» сыныбына

1. Ұлыбритания

2. Тянь – Шань

3. Жапон теңізі

4. Батыс Сібір жазығы

5. Чили

2 –жүргізуші: 2 топ 6 «Ә»сыныбына

1. Қазақстан

2. Анхель

3. Баренц

4. Арабия

5. Африка

1. жүргізуші: 3 топ 6 «Б» сыныбына

1. Мадагаскар

2. Гренландия

3. Германия

4. Танганьика

5. Каспий

2 – жүргізуші: 4 топ 6 «В» сыныбы

1. Лондон

2. Гималай

3. Амазонка

4. Гвинея

5. Арал

1 – жүргізуші: Сонымен 3 кезең «Карталар әлеміне саяхат» кезеңіне қорытынды жасасақ. Сөз кезегі әділқазылар алқасына беріледі.

Әділқазылар алқасы 4 топты «Қарталар әлеміне саяхат» кезеңі бойынша әр сұраққа 5 ұпай көрсеткішімен бағалайды. Барлық бес сұрақ 25 ұпайды құрайды.

2 – жүргізуші: 4 – кезең «Капитандар сайысы» деп аталады. Бұл кезеңде тек әр топтың капитандары сайысқа түседі. Әр топқа 5 сұрақтан беріледі. (Әр сұрақ 5 балл)

1 – жүргізуші: 1 топ 6 «А» сыныбына

1. Ең үлкен ойпат (Амазонка)

2. Ең үлкен түбек (Арабия)

3. Ең үлкен арал (Гренландия)

4. Ең биік шың (Джомолунгма 8848м)

5. Ең ылғалды материк (Оңтүстік Америка )

2 – жүргізуші 2 топ 6 «Ә» сыныбына

1. Ең үлкен шөл (Сахара)

2. Ең суыққа төзімді құс (пингвин)

3. Ең үлкен мұхит (Тынық мұхит )

4. Ең халқы көп мемлекет(Қытай)

5. Ең тұзды мұхит (Атлант)

1 – жүргізуші: 3 – топ 6 «Б» сыныбы

1. Ең ұзын тау (Анд)

2. Ең үлкен көл (Каспий)

3. Ең кішкентай мұхит (Солтүстік мұзды мұхит )

4. Ең ыстық материк (Африка)

5. Ең үлкен мемлекет(Ресей)

2 – жүргізуші: 4 топ 6 «В» сыныбына

1. Ең терең көл (Байкал)

2. Ең кіші материк (Аустралия)

3. Ең үлкен бұғаз (Дрейк)

4. Ең ұзын өзен (Ніл)

5. Ең суық материк (Антарктида )

1-жүргізуші: Сонымен 4 кезең «Капитандар сайысы» кезеңіне қорытынды жасасақ. Сөз кезегі әділқазылар алқасына беріледі.

Әділқазылар алқасы 4 топты «Капитандар сайысы» кезеңі бойынша әр сұраққа 5 ұпай көрсеткішімен бағалайды. Барлық бес сұрақ 25 ұпайды құрайды.

2. -жүргізуші: Міне 5 – ші кезеңге де келіп жеттік. Бұл кезең «Шығармашылық жұмыс» деп аталады. Демек әр топ өздерінің дайындап келген өз қолдарынан жасаған шығармашылық жұмыстарын көрсетіп, таныстырады. Бұл тур 50 балдық көрсеткішпен бағаланады.

1-жүргізуші: 1 топ 6 «А» сыныбын шығармашылық жұмысымен ортаға шақырайық.

6 «А» сыныбы ортаға шығып өз жұмысын таныстырады және жұмыстарына байланысты басқа топ мүшелерінің сұрақтарына жауап береді.

2. жүргізуші : 2 топ 6 «Ә» сыныбын шығармашылық жұмысымен ортаға шақырайық.

6 «Ә» сыныбы ортаға шығып өз жұмысын таныстырады және жұмыстарына байланысты басқа топ мүшелерінің сұрақтарына жауап береді.

1. -жүргізуші: 1 топ 6 «Б» сыныбын шығармашылық жұмысымен ортаға шақырайық.

6 «Б» сыныбы ортаға шығып өз жұмысын таныстырады және жұмыстарына байланысты басқа топ мүшелерінің сұрақтарына жауап береді.

2. -жүргізуші : 2 топ 6 «В» сыныбын шығармашылық жұмысымен ортаға шақырайық.

6 «В» сыныбы ортаға шығып өз жұмысын таныстырады және жұмыстарына байланысты басқа топ мүшелерінің сұрақтарына жауап береді.

1 – жүргізуші: Сонымен 5 кезең «Шығармашылық жұмыс» кезеңіне қорытынды жасасақ. Сөз кезезгі әділқазылар алқасына беріледі.

Әділқазылар алқасы 4 топты «Шығармашылық жұмыс» кезеңі бойынша топтың дайындап әкелген шығармашылық жұмыстарын 50 ұпай көрсеткішімен бағалайды.

2 - жүргізуші: 6 – шы кезеңде әр топ өздеріне берілген тапсырма бойынша постер қорғайды. Топ жұмыстары 10 балдық көрсеткішпен есептеледі.

1- жүргізуші : 1 топ 6 «А» сыныбына берілетін тақырып «Аспан әлемі»

2– жүргізуші: 2 топ 6 «Ә» сыныбына берілетін тақырып «Гидросфера»

1. - жүргізуші: 3 топ 6 «Б» сыныбына литосфера

2 –жүргізуші: 4 топ 6 «В» сыныбына физикалық география

Әр топқа 10 мин уақыт беріледі. 10 минуттан кейін әр топ өз жұмыстарын постер қорғайды.

1 – жүргізуші: Сонымен 6 - шы кезең «Постер қорғау » кезеңіне қорытынды жасасақ. Сөз кезезгі әділқазылар алқасына беріледі.

Әділқазылар алқасы 4 топты «Постер қорғау» кезеңі бойынша 10 ұпай көрсеткішімен бағалайды. Сонымен қатар әр топтың қортынды ұпайларын айтып жеңіске жеткен топтарды мақтау қағазымен марапаттайды.

2-жүргізуші: Осымен біздің «География әлеміне саяхат» атты интеллектуалдық сайыс сабағымыз аяқталды. Баршаңызға рахмет.