Сыныптан тыс іс-шара. Байқау "Екі жұлдыз"

Фанфары ойналады

(музыка ойналады,жүргізушілер ортаға шығады)

І жүргізуші: Қайырлы кеш құрметті ән сүйер қауым!

ІІ жүргізуші: Кеш жарық, «Екі жұлдыз» байқауын тамашалауға келген көрермен!

І жүргізуші: «…Әнді сүйсең менше сүй»-деп Абай атамыз айтқандай,

Сұңқылдаған көмейі

Сыбызғының үніндей.

Қалықтатып созғаны,

Сарыарқаның беліндей.

Біз бүгінгі сайыста мектеп ұстаздары мен оқушыларының жұптасып ән айтуларын тамашалайтын боламыз және оза шапқан жарық жұлдыздарды сіздермен бірге анықтайтын боламыз. Өздеріңізге ұнаған жұптарыңызға қолдау көрсетіп, қошеметтеп отырыңыздар. Әр жұп жарық жұлдыз болуға лайық, олай болса шын жүйрікті бірге анықтайық.

ІІ жүргізуші: Ендеше уақытты көп созбай бүгінгі жұлдызды кеште байқауымызды бағалайтын әділ қазылар алқасымен таныстырып өтейік:

Мектеп директоры

Мәдениет үйінің қызметкері

Мәдениет үйінің қызметкері

Музыка пәні мұғалімі

Мектеп тәлімгері

І жүргізуші:  Бүгінгі екі жұлдыз ән байқауының алғашқы жұбын ортаға шақырамыз

(бірінші жұп ортаға шығып өз өнерлерін көрсетеді)

І жүргізуші: Құрметті қазылар алқасы жаңа ғана өздеріңіз алғашқы жұбымыздың өнерін тамашаладыңыздар. Сөз кезегі сіздерде, айтар пікірлеріңіз қандай? (қазылар алқасы өз пікірлерін айтады)

ІІ жүргізуші: Байқауға қатысушы екінші жұпты ортаға шақырамыз.

І жүргізуші:  Қазақи қалып бойында мүсінделген, тіл табыса білетін кісіңменен, асықпай қадам тастап  жүретін,сүйкімді де инабатты оқушымыз бен   өз ісіне жауапкершілікпен қарайтын, баршаға әрқашан мейірімді дос болуға жарайтын,  қалаған ісіне шын беріле істей білетін, үлкен мен кішіні бірдей сыйлап жүретін әріптесімізді сахна төріне шақырамыз.

ІІ жүргізуші: Ойлаған ойы мен сұңғақ бойында бір міні жоқ,  асықпай қадам басатын, үн-түнсіз қырдан асатын, иман жүзді, ниеті ізгі оқушымыз бен өнебойы келбетіне сай түскен, қашпайтұғын тапсырылған бар істен, ренжімей күлімдейтін, ұжымдастарының  көңілін жақсы істермен тарта алатын,  атқарар ісіне жанын салатын ұлағатты ұстазымызды сахна төріне қошеметтеп шақырайық. 

І жүргізуші: Айтқан сөзі шынайы, мінезі сыпайы, сөзі алтын, көңілі жарқын, өз ісіне ұқыптылықпен бойлаған, қоғамдық істерге талпынатын әріптесіміз бен  ісіне сөзі сай, әдемі киім киісі, сыпайы жүріс-тұрысы, артық бір сөзі жоқ, атқарған ісіне тәрбиешілердің  көңілі тоқ мектебіміздің оқушысын қарсы аламыз.

ІІ жүргізуші: Байқауға қатысушы келесі өнерлі жұпты ортаға қошеметпен шақырамыз.

Іжүргізуші: Құрметті көрермендер кешіміз де шарықтау шегіне жетіп қалды. Бүгінгі сайысты қорытындылайтын соңғы жұпты  қарсы алыңыздар.

(байқау аяқталып, екі жүргізуші ортаға шығады)

І жүргізуші:  Әділ-қазылар алқасын байқаудың қорытындысы жариялау үшін қошеметпен ортаға шақырайық.

ІІ жүргізуші: Сөз кезегі әділ-қазылар алқасына беріледі.

(қазылар алқасы байқаудың қорытындысын шығарып, жеңімпаздарды марапаттайды)

І жүргізуші: Келесі «Екі жұлдыз» сайысында кездескенше хош,сау болыңыздар.