Тақырыбы: «Білекті бірді, білімді мыңды жығар».

Мақсаты: оқушылардың білімін тереңдете түсу, логикалық ойлауды, тапқырлықты дамыту, қабілетті және дарынды балаларды қолдай білу және ұйымшылдыққа, жеңімпаз, озық болуға тәрбиелеу.

Көрнекілігі: тірек сызбалар, сұрақтар жинағы, сигналдық белгілер, ұпайлық қызыл дөңгелектер.

Түрі: сайыс

Барысы:

Сыныптағы оқушылар екі топқа бөлінеді. Топтар ортаға шақырылады.

І топ: «Азамат»

ІІ топ: «Әділет»

(Тотар өздерінің қысқаша сәлемдерін жолдайды)

І топ: Асыл-тастан, өнер-жастан,

Шығады деп дарынды.

Халық айтса, халық сөзі,

Әрқашанда нанымды.

Сол өнердің жолын қуған,

Біздің топтың атынан,

Қабылдаңыз шын жүректен,

Сәлем сізге жалынды!

ІІ топ: Келешекке үмітіміз талапты,

Атақ-даңққа бөленеміз қарап тұр.

Сегіз қырлы, ойшылдар боп туғандар

Оза шауып бәйге атындай жарап тұр.

Жүргізуші: Енді ойынның бөлімдерімен таныс болыңыздар.

І бөлім: «Блиц-турнир»

ІІ бөлім: «Брейн-ринг»

ІІІ бөлім: «Көрнекі бейнелеп ойлау»

ІV бөлім: «Көрнекі әрекеттік ойлау»

V бөлім: «Қисынды ойлау»

Жүргізуші:Олай болса, құрметті қонақтар, оқушылар жарыс-ойын сабағымыздың біріеші бөлімі «Блиц-турнирді» бастаймыз. Бұл бөлім бойынша сұрақтарға дұрыс, тез жауап беру керек.

І топ сұрақтары:

1. ҚР мемлекеттік тілі?

2. «Кел,балалар, оқылық!» өлеңінің авторы? (Ы.Алтынсарин)

3. Басты байлық-... (денсаулық)

4. 12 ай (жыл)

5. Дыбыстың қандай түрлері бар?(дауысты және дауыссыз)

6. Күйді орындаушы адам? (күйші)

7. Ұя салмайтын құс? (көкек)

8. Жерге ең жақын жұлдыз? (күн)

9. Орман дәрігері? (тоқылдақ)

10. Қазақша жылдың басы не? (наурыз)

11. 8 наурыз қандай күн? (Халықаралық әйелдер күні)

ІІ топ сұрақтары:

1. ҚР мемлекеттік рәміздерін ата.

2. Жаңа әнұранның сөзін кім жазған? ( Жұмекен Нәжімеденов, Нұрсұлтан Назарбаев)

3. «Ғылым таппай мақтанба» өлеңінің авторы кім? (Абай)

4. Көру мүшесі (көз)

5. 100 жыл (ғасыр)

6. Екі ақыннын өлең жарысы? (айтыс)

7. Күндіз көрмейтін құс? (үкі)

8. Өткен жыл қай жыл? (жолбарыс)

9. Жердің серігі (ай)

10. 9 мамыр қандай күн? (Жеңіс күні)

11. Үш биді ата. (Төле,Әйтеке,Қазыбек)

ІІ бөлім «Брейн-ринг»

( әр топқа үш пән бойынша сұрақтар қойылады)

Жүргізуші:1-ші сұраққа тез жауап беру керек, ал 2-ші сұраққа 30 секунд уақыт беріледі, 3-ші сұраққа 1 минут уақыт беріледі. Ойынымзды «Азамат» тобымен бастаймыз.

Әдебиет оқу пәні бойынша:

Шәкәрім Құдайбердиев қай жылы, қай ауданда өмірге келген? (18580жылы, Семей облысы, Абай ауданында дүниеге келген)

Қазақ тілі пәні бойынша:

Берілген сөздерден сөйлем құрап жаз: Бар,кітаптар,қызық,кітапханада. (Кітапханада қызық кітаптар бар)

Математика пәні бойынша:

Санатта 100 теңге болды. Қойын дәптер сатып алғаннан кейін, оның 40 теңгесі қалды. Қойын дәптер неше теңге тұрады? (100-40=60теңге)

«Әділет» тобына сұрақтарар:

Әдебиет оқу пәні бойынша:

Жүсіпбек Аймауытов қай жылы, қай жерде дүниеге келген? (1889 жылы, Павлодар облысы, Қызылтау ауылында туған)

Қазақ тілі пәні бойынша:

Берілген сөздерден сөйлем құрап жаз: Адамға, пайда, құстар, келтіреді, көп. (Адамға кұстар көп пайда келтіреді)

Математика пәні бойынша:

Асханада 8 л сүт жұмсалғаннан кейін тағы 6 л сүт қалды. Асханада неше литр сүт болған? (8+6 =14 литр)

Жүргізуші: Жарысымыздың 2-ші бөлімін бағалаймыз.

ІІІ бөлім «Көрнекі – бейнелеп ойлау»

Жүргізуші: Балалар бұл ІІІ бөліміміз дүниетану сабағымен байлнысты.

• Қандай жабайы аңдарды білесіңдер?

• Аю, қасқыр, керік, жолбарыс, түлкі, қабан

• Тақтадағы буклетпен жұмыс істей отырып, әр топтан бір-бір оқушы шығып, жабайы аңдардың өзгешелігін ажыратайық.

ІV бөлім «Көрнекі-әрекеттік ойлау»

Жүргізуші: Енді бұл бөлімде үй жануарлары туралы жұмвс жүргізіледі.

• Қандай үй жануарларын білесіңдер?

• Ит, мысық, сиыр, қой, түйе, ешкі, жылқы.

• Қазір геометриялық фигуралардан әр топ үй жануарларын құрастырайық. Оқушылардың тапқырлығын, шапшаңдығын байқаймыз.

V бөлім «Қисынды ойлау»

Жүргізуші: Әр топқа тапсырмалар беріледі.

Құрама сөздің жауабын табу.

1. а)Алғашқы буыны заттың түсі,

«Жылпос» деп ұқ екіншісі

Көлдің сәні-сымбатты құс

Атын тауып айқындай түс

(АҚҚУ)

Анаграмма шешу.

ә) «Т»-дан бастасаң

Дақылдың бірі,

«С»-дан бастасаң

Бояудың түрі

(Сары-Тары)

Құрама сөздің жауабын табу.

2.а) Бірінші буыны- жылға кірмей қалатын

Екінші буыны- әуелеп ұша алатын,

Таптыңба қане балақай,

Сонда бұл қй құс болады?

(Түйеқұс)

Анаграмма шешу.

ә) Егер «С»-дан бастасаң,

Бір баласы қазақтың.

«С»-ны алып тастасаң,

Ең тәуірі ол тамақтың.

(Сайран-айран)

Жүргізуші: Біздің жарыс-ойын сабағымыз осымен ақталды. Ұпай саны көп топты ортаға шақырамыз.

Музыкалық үзіліс жарияланады. Әділқазылар алқасы жеңімпаз топты марапаттайды.

Шәкәрім Құдайбердиев қай жылы, қай ауданда өмірге келген?

Берілген сөздерден сөйлем құрап жаз: Бар,кітаптар,қызық,кітапханада.

Санатта 100 теңге болды. Қойын дәптер сатып алғаннан кейін, оның 40 теңгесі қалды. Қойын дәптер неше теңге тұрады?

Жүсіпбек Аймауытов қай жылы, қай жерде дүниеге келген?

Берілген сөздерден сөйлем құрап жаз: Адамға, пайда, құстар, келтіреді, көп.

Асханада 8 л сүт жұмсалғаннан кейін тағы 6 л сүт қалды. Асханада неше литр сүт болған?

1. ҚР мемлекеттік тілі?

2. «Кел,балалар, оқылық!» өлеңінің авторы?

3. Басты байлық-...

4. 12 ай

5. Дыбыстың қандай түрлері бар?

6. Күйді орындаушы адам?

7. Ұя салмайтын құс?

8. Жерге ең жақын жұлдыз?

9. Орман дәрігері?

10. Қазақша жылдың басы не?

11. 8 наурыз қандай күн?

12. ҚР мемлекеттік рәміздерін ата.

13. Жаңа әнұранның сөзін кім жазған?

14. «Ғылым таппай мақтанба» өлеңінің авторы кім?

15. Көру мүшесі

16. 100 жыл

17. Екі ақыннын өлең жарысы?

18. Күндіз көрмейтін құс?

19. Өткен жыл қай жыл?

20. Жердің серігі

21. 9 мамыр қандай күн?

22. Үш биді ата.