Сыныптан тыс жұмыс "МАД көшбасшысы -2016" МАД

Күні: 16.02.2016 жыл Уақыты: 11³⁰

Тақырыбы: Бүлдіршіндер көшбасшысы

Мақсаты: Мектепалды даярлық тобындағы балалардың алған білім мен

біліктерін көпшілік алдында көрсете білуге, өздерін еркін

ұстауға баулу, жылдамдылыққа, шыдамдылыққа тәрбиелеу.

Көрнекілігі: безендірілген сынып, сылдырмақ

І. Ұйымдастыру кезеңі

-сайысқа қатынасатын балалармен таныстыру;

-әділ-қазылар алқасын сайлау, көрермендермен таныстыру;

-балалардың психологиялық ахуалын жақсарту;

-сайыстың бөлімдерімен таныстыру;

1-бөлім: «Кім жылдам?»

2-бөлім: «Ойнай отырып ойлан»

3-бөлім: «Бәйге»

ІІ. Негізгі бөлім

«Кім жылдам?» бөлімі

-Тақтадан балалар қай сала бойынша жарысатынын таңдайды, қойылған сұрақтарға жарыса жауап береді. Математика, айналаны қоршаған орта, сауат ашу, денсаулық салалары қамтылады.

Математика саласы бойынша:

1. Ағашта 3 торғай отыр еді оған 2 торғай келіп қонды. Барлығы неше торғай болды? ( 5 торғай)

2. Екі қолыңда неше саусақ бар? ( 10 саусақ )

3. Теңізде 8 балық жүзіп жүр еді оның 3-уі басқа жаққа жүзіп кетті. Неше балық қалды? ( 5 балық )

4. Екі жарты алманы қосса неше алма болады? ( 1 алма )

5. Ағашта 3 банан өсіп тұр. Жерде 4 маймыл бананды жеуге әрекеттеніп жатыр. Неше банан жетіспейді? ( 1 банан )

6. Орындықта неше аяқ бар? ( 4 аяқ )

Айналаны қоршаған орта саласы бойынша:

1. Бір жылда неше мезгіл бар, ата.

( жаз, күз, қыс, көктем )

2. Қыста ұйқыға кететін аң. ( аю )

3. Қандай жануарлар мезгілге байланысты түсін өзгертеді? ( қоян, қасқыр, тиін, түлкі )

4. «Қызыл кітап» деген не? ( тұқымы азайып бара жатқан аңдар мен өсімдік, құстарды қорғауға алатын кітап )

5. Қосмекенді жануарды ата ( бақа, тасбақа, ақ аю)

6. Мыңдаған жылдар өмір сүретін ағаш ( шырша, қарағай)

Денсаулық саласы бойынша:

1. Адамның негізгі дене мүшелерін ата ( бас, кеуде, қол, аяқ )

2. Ауаның қасиетін ата ( түссіз, иіссіз, дәмсіз )

3. Ауырмас үшін, денсаулық мықты болу үшін не керек? ( тамақ, дәрумендер, күнделікті жаттығу жасау керек)

4. Баста қандай мүшелер орналасқан? ( көз, құлақ, мұрын, ауыз )

5. Жүрек қай жерде орналасқан? ( кеуде қуысында )

6. Адамда неше тіс бар? ( 32 тіс )

Сауат ашу саласы бойынша:

1. Қазақ тілінде неше әріп бар? ( 42 әріп )

2. Ә қандай дыбыс? ( дауысты )

3. Я қандай дыбыстардың қосарлануы арқылы жасалған? ( й мен а)

4. Ата сөзінде неше әріп бар? ( 3 әріп)

5. Қадап қойып қазыққа байлап қойдым шеңберді? ( Ю әрпі )

6. Қалам қандай дыбысынан басталып тұр? ( қ дыбысы )

( Жинаған ұпайларына қарай келесі бөлімге өткізу, ұпайы аз 2 оқушыны ойыннан шығау)

ІІ бөлім

«Ойнай отырып ойлан»

2 минут ішінде құрастырмақтан мағыналы заттар құрастыру, санын есептеу.

( Жасаған заттарын санап, аз жасаған 2 оқушыны ойыннан шығару)

ІІІ бөлім

«Бәйге»

Әр оқушыға 10 сұрақтан қою

А- варианты

1. Қазақстан қандай мемлекет? (Тәуелсіз мемлекет)

2. Үшбұрыштың неше қабырғасы бар? (3 қабырғасы )

3. Құстар неше топқа бөлінеді? (2 топқа отырықшы және жыл құстары)

4. Мемлекеттік рәміздерді ата (Ту, елтаңба, гимн)

5. Есту мүшесіне не жатады? ( құлақ)

6. Тудың түсі қандай? (көк)

7. Түйенің төлін ата ( бота )

8. Аққаланы қандай қардан жасайды? ( жабысқақ қардан)

9. «Ақ алтын» дегеніміз не? ( мақта)

10. Алма көкөніс пе, жеміс пе? ( жеміс)

Ә- варианты

1. Қазақстанның президенті кім? ( Н.Ә.Назарбаев)

2. Төртбұрыштың қанша қабырғасы бар? ( 4 қабырғасы)

3. Тоқылдақты тағы қалай атайды? ( орман емшісі )

4. Қазақстанның туында нелер бейнеленген? ( күн, бүркіт, ою-өрнек)

5. Көру мүшесін ата ( көз )

6. Төрт түлік малды ата ( жылқы, сиыр, қой, ешкі, түйе)

7. Қардың түрін ата ( қырбық қар, ұлпа қар, сұр қар, қиыршық қар)

8. Қара алтын дегеніміз не? ( көмір )

9. Қияр көкөніс пе, жеміс пе? ( көкөніс )

10. Қыстағы судың күйін ата ( мұз )

Жалпы ұпай сандарын есептеу, «Бүлдіршіндер көшбасшысы - 2016» номинациясына сай келетін оқушыны анықтау, марапаттау, сыйлық тапсыру, басқа оқушыларға үлгі ету

Сүмбе орта мектебі

Бастауыш сынып мұғалімі Сванбекова Адемі Майратовна