Сыныптан тыс сабақ " Қызық екен "

Тақырыбы: «Қызық екен»

Мақсаты: Оқушыларды жан-жақты ақпараттануға, білімдерін нақтылап, оны өмірде қолдана білу қабілеттерін арттыруға алғырлық пен ұйымшылдық қарым-қатынас дағдыларын дамытуға, ойын ашып айта білуге үйрету. Оқушының өзін одан әрі дамытуына бағыттау.

Сабақтың түрі: сайыс сабақ

Көрнекілігі: интербелсенді тақта, тірек сызбалар, тапсырмалар.

Армысыздар құрметті қонақтар, оқушылар және ойынға қатысушылар. 9-сыныптар арасында өткелі отырған таңқаларлық деректерге толы «Қызық екен» ойынымызға қош келдіңіздер.

«- Білімді болу деген сөздің мағынасы – белгісіз нәрсені

ашуға қабілетті болу деген ұғым». Әл-Фараби

.

Ойын ережелері: Әр топта 4оқушыдан қатысады. Тақтада әр түрлі бағыттағы 12 ұяшыққа жасырылған сұрақтарға топтар кезектесіп жауап береді. Әр дұрыс жауапқа 10 ұпайдан.

Ойын кезеңдері:

I «Ғажайып алаң»

II. Ойлан, тап!

III. «Кім тапқыр»

I «Ғажайып алаң» тапсырмалары.

1. Ғарышқа ұшырылған алғашқы өсімдік?

А) хлорелла

Ә) хломидоманада

Б) хлорококк

2. Адам ағзасындағы ең мықты бұлшықет?

А) тіл

Ә) табан

Б) жүрек бұлшықеті

3. И.А.Жандеркин әлемге әйгілі қандай қолтұқым шығарды?

А) ақбас сиыр

Ә) арқар - меринос

Б) көшім, мұғалжар

4. Фотосинтез кезінде өсімдіктердегі жасыл түс қалай пайда болады?

А) хлорофилдер ферменттердің әсерінен жасыл түс түзеді

Ә) лейкопластар жасыл түс түзеді

Б) хлорофилдер сәулелерді сіңіріп, түстерді шағылыстырады

5. Жапония мен Қытайда «қос жапырақты» деп аталып кеткен гүлдің ерекшелігі?

А) алып жапырақты

Ә) су тисе гүлі түссізденеді

Б) тамырсыз гүл

6. Шикі картопқа сутек пероксидімен әрекет еткенде қандай өзгеріс байқалады?

А) картоп езіледі

Ә) картоп көпіреді

Б) картоп қараяды

7. Жауған жаңбыр тамшылары :

А) тартылыс күшіне бағынады

Ә) бір-бірімен қиылыспайды

Б) белгілі бір ретпен жауады

8. Апельсинді су толы ыдысқа батыру үшін не істеу керек?

А) апельсинге бояу қосу керек

Ә) апельсиннің қабығын аршу керек

Б) апельсинді тесу керек

9. Қолтырауындар су түбіне терең бойлау үшін ...

А) тас жұтады

Ә) көп су ішеді

Б) жүзіп барады

10. Киелі саналатын құстар бүркіт, аққу, және....

А) қарлығаш

Ә) көгершін

Б) лашын

11. Ксантофобия деген не?

А) түрлі түсті заттардан қорқу

Ә) сары түсті заттардан қорқу

Б) қызғылт түсті заттарды ұмыту

12. Акула үнемі аузын ашып жүреді, себебі....

А) аузын жабуға тісі кедергі

Ә) суға батып кетпес үшін

Б) қорегін ұстау үшін.

II-кезең: Ойлан, тап.( логикалық сұрақтар)

1. Бұл түйеқұс қорегін көбіне иіс сезу арқылы табады. Басқа құстардан ерекшелігі түнде белсенді тіршілік етеді. Олар құрттармен, жәндіктермен, жидектермен қоректенеді. Халықаралық табиғат қорғау одағының «Қызыл кітабына» тіркелген.

Киви

2. Америкалық эмбриолог, генетик. Генетикалық зерттеулерді ең алғашқы болып жеміс шыбыны дрозофилаға жүргізген. Осы жұмыстарының нәтижесінде ол шәкірттерімен бірге тұқымқуалаушылықтың хромосомалық теориясын ашты? Бұл кім ?

Т.Морган.

III- кезең: Кім тапқыр.

Берілген тапсырмадан биологиялық термин сөздерді табу керек. Әр сөзге бір ұпайдан алады.

Осы уақыт аралығында ойыншылардың жақтастарына сұрақтар қойылады.

Тірі табиғаттың элементарлық бірлігі? Түр

Бинарлық наменклатураны ұсынған швед ғалымы ? К.Линней.

Жануарлар дүниесін омыртқалылар және омыртқасыздар деп бөлген ғалым? Ж.Б.Ламарк.

Эволюциялық дәлелдемелерді ата:

Морфологиялық дәлелдемелер, эмбриондық дәлелдемелер,

Полеонтологиялық дәлелдемелер, биогеографиялық дәлелдемелер

Екі топтың барлық ұпайлары есептеліп, жеңімпаз топ анықталады.

Өздеріңізге рахмет айта отырып, ойынымызды Қ.Сәтбаевтің «.... Біліміңді еңбек пен өмірдің өзінде шыңдап отыр. Сонда ғана білім деп аталатын асыл тас ешқашан тот баспастан жалтырай да жарқырай да береді» - деген сөзімен аяқтаймыз. Сау болыңыздар.