Тақырыбы: «Қазақ тілінің білгірлері»Мақсаты: Оқушылардың мемлекеттік тілге деген қызығушылығын арттыру. Түрлі әдіс - тәсілдер арқылы оқушылардың тіл байлығын, ойлау қабілетін, қазақ тілінде еркін сөйлеу шеберліктерін жетілдіру.Сабақтың түрі: сайыс сабақКөрнекілігі: гүлдер, суреттер, слайд, интербелсенді тақта.Жүргізуші: Армысыздар! Құрметті ұстаздар, оқушылар. Бүгінгі «Қазақ тілінің білгірлері» атты сайысымызға қош келдіңіздер! Тіл сайысын өткізудегі мақсатымыз – басқа ұлт өкілдерінің мемлекеттік тілге құрметпен қарауын, сонымен қатар, өзара ынтымақтастықта жұмыс жасай алуға үйрету. Осындай мақсатпен 3-4 сыныптар арасындағы «Қазақ тілінің білгірлері» сайыс сабағымызды бастауға рұқсат етіңіздер.Ақ көңілмен, ниетпен,Әділ баға берсін деп.Шаршамай, еш жалықпай,Айтқаныңызға көндік деп,Әділ-қазы алқасын,Сайлап алсақ жөн болар.Әділ - қазылар алқасы: 1. Қазақ тілі мен әдебиет пәнінің мұғалімі: Ахамай Бауыржан.2. Оқу ісінің меңгерушісі: Кабдрахманова Гүлзада Манаповна.Барлық сайыстар соңында әділ – қазылар алқасы шешімін шығарады. Жеңген топқа мақтау қағазы беріледі. Олай болса, алдымен сайысқа қатысатын оқушыларды қошеметпен ортаға шақырайық. Оқушылар 1, 2 нөмерлі парақшаларды таңдап алады. 1 парақшаны таңдаған топ сайысты бастайды. Психологиялық дайындық«Ақ тілек. Әсем күлкі»- Көңіл – күйлеріңіз қалай?- Керемет! (Қолдарын көтереді)- Сабаққа дайындықтарыңыз қалай?- Тамаша! ( Алақандарын шапалақтайды)- Ынтаңыз ше?- Ғажап! (Қолдарын көтереді).- Бүгінгі көңіл-күйлеріңізді бет әлпеттеріңіз арқылы көрсетіңіздерші.- Ендеше сабағымызды осындай тамаша көңіл-күймен бастайық! Ендігі кезекте сайысымыздың кезеңдерімен таныстырып өтейік. Сайыс мынадай кезеңдерден тұрады: 1. Таныстыру (өз тобын таныстыру).2. «Сөздер сөйлейді» (шашыраңқы сөздерден сөйлем құрау).3. «Кім жылдам?» (сөздікпен жұмыс).4. Сөз мәйегі - мақал» (Отан, туған жер туралы мақал).5. «Өнерпаз болсаң» (үй тапсырмасы: өлең, мақал, жаңылтпаш, жұмбақ)6. Сен білесің бе? (сұрақ – жауап)7. «Кім тапқыр?» (суреттегі сөздерді ым-ишарамен түсіндіру).8. Капитандар сайысы (берілген әріптерден сөздер құрау).Жүргізуші: Беташарын сайысымыздың бастайық,Көрермендерді бір серпілтіп тастайық.Таныстырсын сайыскерлер өздерін,Өнеріне ду қол соғып бастайық.І кезең. Таныстыру.І топ. «Жас қыран»Шығарар намыс топты алдан,Дуалы ауыз тілге арман.Сайысқа келдік біліммен,Тобымыз біздің – «Жас қыран».ІІ топ. «Жас тұлпар»Тұлпардың байқа шабысын,Таңдаймыз жолдың алысын.Білім менен өмірде,Қорғаймыз топтың намысын!ІІ кезең. «Сөздер сөйлейді». Сайыскерлер бұл кезеңде берілген шашыраңқы сөздерден дұрыс сөйлем құрау керек. 1. Дүкенде, анам, сатады көкөністер, менің.2. Қасында, бар, үйдің. Дәріхана, үлкен.3. Сегізде, келеді, мектепке, сағат Данияр.4. Жақсы, бүгін, ауа райы.5. Соғады, жел, суық.6. Ұшып, кетеді, құстар.ІІІ кезең. «Кім жылдам?». Оқушылар орыс тіліндегі сөздерді қазақ тіліне аударады. Бұл сайыста оқушылар тез, жылдам жауап берулері керек.І топрекаозеропраздникспортсменприродадевиздлинавысотаІІ топкружоквремяДоброе утро!витаминподароктруджелаюрадостьІV кезең. Сөз мәйегі - мақал». Сайыскерлер Отан, туған жер, тіл туралы мақалдар айтудан жарысады. 1. Отансыз - адам, ормансыз - бұлбұл.2. Қарға баласын аппағым дейді, Кірпі баласын жұмсағым дейді. 3. Өнер алды - қызыл тіл. 4. Тіл тас жарады, тас жармаса бас жарады. 5. Басқа пәле тілден. 6. Туған жердей жер болмас, Туған елдей ел болмас.V кезең. «Өнерпаз болсаң». Бұл кезең үйге берілген тапсырма. Олай болса, оқушылардың дайындап келген өнерлерін тамашалайық. Жүргізуші:Әрбір тілде сөйле әлемді таң қылып,Ана тілін білмеу қандай заңдылық?Өсер балаң, байтақ далаң тұрғанда,Қазақ тілі жасау керек мәңгілік!VI кезең. «Сен білесің бе?». Тақтада он екі ұяшықта сұрақтар берілген. Берілген сұрақтарға ойланып, дұрыс жауап беру керек. 1. Қандай мерекелерді білесің?2. Отбасыңда қанша адам бар?3. Сүт тағамдарын ата.4. Қандай жыл мезгілдерін білесің?5. Апта күндері мен ай аттарын ата.6. Жуан, жіңішке дауысты дыбыстарды ата.7. Жемістердің қандай түрлері бар?8. Көкөністің қандай түрлері бар?9. Өзендер мен көлдерді ата.10. Қандай қалаларды білесің?11. «С днем рождения!» сөзінің аудармасы қалай?12. Сен бос уақытыңда не істейсің?VII кезең. «Кім тапқыр?». Оқушылар берілген суреттерді іс – қимылмен, ыммен түсіндіреді. Суреттерді түсіндіргенде сөйлеуге болмайды.VIII кезең. Капитандар сайысы. Топ басшылары берілген әріптерден сөздер құрайды (а, ә, ү, ұ, і, қ, ғ, ң, ы, ө, h). Жүргізуші: Қазылар орнықтырар әділдікті.Кімдердің жауаптары кәміл шықты,Білім мен тапқырлықтың сайысында,Жеңіске жетер дейміз нағыз мықты, - дегендей, сайыстың қорытындысын білу үшін әділ – қазыларға сөз кезегін береміз. Тіл – ұлттың қайталанбас байлығы. Тілден артық қазына, тілден артық қасиет жоқ екеніне тағы көз жеткіздік. Құрметті ұстаздар мен оқушылар «Қазақ тілінің білгірлері» атты сайысымыз өз мәресіне жетті. Алтын уақыттарыңызды бөліп келгендеріңізге алғысымыз шексіз. Келесі кездескенше, сау болыңыздар!
ҚР Білім және Ғылым министірлігінің стандартымен жасалған
19 Сәуір 2018
514
1 рет жүктелген
