Сыныптан тыс шара "Химия үздігі"

Тақырыбы: Химия үздігі – 2023

Мақсаты: жалпы химиядан алған білімдерін жинақтап, жүйелеп, өз бетімен еңбектенуге, іскерліктерін арттыруға дағдыландыру. Химия пәнінен ерекше жетістіктері бар оқушылардың арасынан «Химия үздігі – 2023» иесін анықтау

Барысы:

• Армысыздар, құрметті оқушылар! 8 – 10 сынып оқушылары арасында өткізгелі отырған «Химия үздігі – 2023» зияткерлік сайысына қош келдіңіздер!

Жоспармен таныстырып өтейін:

І Бәйге

ІІ Химиялық лото

ІІІ Әріптер сөйлейді

ІҮ Қара жәшік

Сайысымыздың әділ бағаларын қойып, бақылап отыратын әділқазы алқаларымен таныс болыңыздар:

Жолдасова Г. Б – химия пәнінің мұғалімі

Бикеева Қ.Т – ағылшын тілі пәнінің мұғалімі

Біреуінің жүрегінің түгі бар
Біреуінің арқалап жүрген қоғамдағы жүгі бар
Біреуінің күмбірлеген күйі бар
Біреуінің қатты істейтін миы бар

• Кезекте Бәйге сайысы

Сіздердің алдарыңызда 4 түрлі химиялық ыдыстар берілген және әр ыдыста ұпай санына сәйкес сұрақтар жасырылған. Кезекпен химиялық ыдыстарды таңдай отырып, жасырылған сұраққа жауап бере аласыз және сол сұраққа сәйкес ұпайға ие боласыздар. Егер ойыншы өз сұрағына жауап бере алмаса, басқа ойыншыларға жауап беру арқылы сол ұпайға ие болуға болады. Бұл кезең соңында ұпай саны аз 4 ойыншымен қоштасамыз.

Конусты колба сұрақтары

10. Авагадро саны тең? 6,02*10²³

20. Қышқылдарды жіктелуі бойынша сипаттаңыз? Сутектің санына байланысты – бірнегізді, екінегізді, үшнегізді. Оттекке байланысты – оттекті, оттексіз

30. NH₃ молекуласындағы химиялық байланыс түрі? Ковалентті полюсті

40. Оттектің аллотропиялық түр өзгерісі? Озон

Колба сұрақтары

10. Химиядағы басты ұғым? Химиялық элемент

20. Химиялық реакция типтерін атаңыз? Қосылу, айырылу, алмасу, орын басу

30. Пышақпен кесуге болатын металл? Натрий

40. Ауыр жұмыс жасағанда адам тез шаршайды, неліктен? Бұлшықеттерде сүт қышқылы жинақталады

Химиялық стақан сұрақтары

10. Темекі түтініндегі зиянды химиялық зат? Никотин

20. Сұйық металл? Сынап

30. Қандай металдарды керосиннің астында сақтайды? Сілтілік металдар

40. Жануарда да адамда да болатын

Талай снаряд, бомбаларды жаратын.

Полиграфияда да сенім артып,

Жапырақта хлорофилді түзетін (магний)

Спиртшам сұрақтары

10. Сау адамның ағзасында болатын қышқыл? Тұз қышқылы

20. Қоршаған орта әсерінен металдардың бүлінуі? Коррозия

30. «Миллионер» атанған элемент? Көміртегі

40. Пластикалық хирургияда сынған сүйекті бекітуге қолданатын металл? Титан

4 ойыншы сайыстан шығарылады

• Екінші кезең – Химиялық лото

Ойын картасында заттардың 6 комбинациясы 6 сәйкес реакциялардың өнімдері жазылған карточкалар берілген. Осы реакцияларды сәйкестендіріп, коэффициенттерін қойыңыздар. Бағалау: өнімді дұрыс тапқаны үшін 5 ұпай, дұрыс теңестіргені үшін 5 ұпай. Барлығы 60 ұпай. 5 минут уақыт беріледі

FeCI₃

AICI₃

Ca₃N₂

AI₂O₃

NaOH

S

4 ойыншы сайыстан шығарылады

• Үшінші кезең – Әріптер сөйлейді

Бұл кезеңде бір әріптен таңдап аласыздар және сол әріптен басталатын химияға қатысты сөздер айту қажетсіздер. Әр айтылған сөз 5 ұпаймен бағаланады. Дайындалуға 2 минут уақыт беріледі.

Әріптер: А С К М Т Г Б Н

4 ойыншы сайыстан шығарылады

• Келесі кезең – Қара жәшік

Берілген қара жәшіктің ішінде 1 ғана сұрақ бар. Сұрақ оқылады, әрқайсыңызға ойлануға 1 минут уақыт беріліп, содан кейін жеке – жеке жауаптарыңыз тыңдалатын болды. Қай ойыншының жауабы дұрыс, сол ойыншыға 50 ұпай қосылады.

Сұрақ: Біз негізі үш егіз жігітпіз: мен – Ақбаймын, Қарабай, Қазбек деген ағаларым бар. Түріміз де мінезімізде ұқсайды. Менің мінезім нашар, тез тұтанып шыға келем, өзім улы заттар қоймасында істеймін. Ағаларым маған қарағанда момын, Қарабай әскери адам, түтінін бұрқыратып темекі шегеді де жүреді. Ал Қазбек сіріңке зауытының директоры.

Жауабы: Өзім фосформын. Ағаларым Ақбай - ақ фосфор, Қазбек – қызылфосфор, Қарабай - қара фосфор. Ақ фосфор – қараңғыда жарық шығарады, оңай тұтанатын улы зат. Қызыл фосфор – сіріңке, шырпы өндірісінде қолданылады. Қара фосфор әскери оттық жасауда қолданылады.

Қорытындылау. Марапаттау

Бағалау парағы