Сыныптан тыс шара "Соңғы қоңырау мерекесі"

БҚО, Сырым ауданы, Қоңыр ауылы,

ЖББ А.Жұмағалиев атындағы

Жосалы ОМБК тәлімгері Н.Ихсанова

«Сыңғырла, соңғы қоңырау!» салтанатты жиынының сценариі 2016 – 2017 оқу жылы

Өтетін күні: 25.05.2017 ж

Өтетін орны: Қосымша №1

Басталу уақыты: 09.00

Шақырылатын қонақтар: ардагер ұстаздар

Жабықталуы: шарлар, плакат

Көңілді әуен ойнап тұрады: (08.30-09.00)

Фанфор №1

Жүргізуші: Қайырлы күн құрметті қонақтар, ұстаздар! Қадірменді ата - аналар! Қымбатты мектеп бітіруші түлектер!

Оқу жылын аяқтау іс шаралары шеңберінде Сырым Датұлына 275 жыл, Алаш үкіметінің құрылғанына 100 жыл және Жаһанша Досмұхамедовке 130 жыл толып отыр.

Еліміз жаңа тарихи кезеңге аяқ басты. Елбасы Нұрсұлтан Әбішұлының жыл басындағы халыққа Жолдауында «Қазақстанның үшінші жаңғыруы жаһандық бәсекеге қабілеттілік» екенін жариялады.

Олай болса, мектебімізде 11 жыл бойы тәлім – тәрбие берген ұстаздар мен ата - аналардың еңбегінің жемісі болып саналатын жас түлектердің мектеп қабырғасынан шығып үлкен өмірге қадам басардағы мерзімімен сәйкес келіп отыр.

Бұл –алтын ұя мектебін бітіріп, қияға қанат қағатын, жастар үшін ең бір қымбат, ең бір қимас, ең бір ұмытылмас жүрек тебірентерлік сәт.

Жас жүректің өмірлік құштары гүл,
Бағбан ұстаз баулыған құстары бұл.
Қоштасып бүгінгі күн ұясынан,
Сол құстардың бір тобы ұшқалы тұр.

Ортаға алтын ұя мектебінің табалдырығынан үлкен өмірге ұшқалы отырған мектеп бітіруші түлектерімізді және мектебіміздің үздік оқушыларын қошеметпен ортаға шақырамыз...

/11-сынып оқушылары сынып жетекшілерімен және 27 үздік оқушы әннің сүймелдеуімен ортаға шығады./ /фон: «Жас Ұлан арманы»/

Жүргізуші:

Келесі салтанатты жиынымыздың төріне мектеп бітіргеніне 5,10,15,20,25,30,35,40 жыл болған түлектерді шақырамыз.

/фон: «Ақ бантик, қызыл галстук»/

Жүргізуші:

Әкелсін туын, көтеріп асқақ айбыным,
Қуантып елді, жасартып мәңгі ай, күнін.
Әкелсін туды, шырқалсын өршіл әнұран,
Паш етіп жатқа қазақтың дархан байлығын.
Қазақстан Республикасының Мемлекеттік Туы енгізілсін.

/ҚР Туы кіреді, фон: «Көк тудың желбірегені»/

ҚР Мемлекеттік Туын алып шыққан:

Қазақ күресі, туризмнен, пән олимпиадалардың облыстық, аудандық жарыстардың бірнеше дүркін жеңімпазы, облыстық «Өркен» қосымша білім беру орталығының «Алғыс хат» иегері Жәнібеков Нұрсұлтан Нұрбергенұлы.

Жыл сайын өтетін облыстық «Ақшақар» жарысының, тоғызқұмалақ ойынының, пән олимпиадасының облыстық, аудандық жарыстардың бірнеше дүркін жеңімпазы Серікқали Аружан Әскербекқызы.

Жалпы білім беретін пәндер бойынша ғылыми жобалар конкурсының, биология пәні олимпиадасының, шығармалар байқауының облыстық, аудандық жарыстарының жеңімпазы Уразова Гүлфия Мақсотқызы.

Туды қабылдайтындар:

«Абай оқуларының» шығармалар, көркемсөз оқу байқауларының облыстық, аудандық жарыстарының жеңімпазы Қылышбаев Серікбол Ерболұлы.

Аудандық «Жайық толқыны» фестивалінің І орын, облыстық кезеңінің Алғыс хат иегері Орынбасар Әсем Бақытжанқызы.

«Қадыр оқуларының», шығармалар байқауының облыстық, аудандық жарыстарының бірнеше дүркін жеңімпазы Қамидолла Алтын Бекқызы.

Жүргізуші: Құрметті қонақтар, ұстаздар, оқушылар!

«Сәт сапар, жас түлек!» атты салтанатты жиынын ашық деп жариялаймын!

/Хабарлаусыз ӘНҰРАН/

Жүргізуші:

Бүгінгі салтанатты жиынымыздың қонақтарымен таныстырып өтсек:

1. Сырым аудандық кәсіпкерлер палатасы филиалының төрағасы Балғалиев Айдынғали Базарғалиұлы

2. Жосалы округ әкімі Ғабдешов Қобыланды Ғабдешұлы

3. Және құрметті де қадірлі ардагер ұстаздарымыз.

Жүргiзушi:

Алғашқы сөз кезегі Сырым аудандық кәсіпкерлер палатасы филиалының төрағасы Балғалиев Айдынғали Базарғалиұлына берiледi.

Жүргiзушi:

Құттықтау сөз үшін мектеп директоры Тажгалиев Әскербек Серікқалиұлына беріледі.

Келесі оқу озаттарын мақтау қағаздарымен марапаттау үшін оқу ісінің меңгерушісі Үсенова Назгүл Ғалымжанқызына беріледі.

/Оқу озаттарын марапаттау, фон: «Жас Ұлан»/

/Хабарлаусыз би: «Дәстүр»/

Жүргiзушi:

Келесі сөз кезегі ардагер ұстаз Жәңгірханов Батырғали Қамешұлына беріледі.

Жүргiзушi:

Сөз кезегі мектеп бітіруші түлектердің ата-аналарының атынан Досқараев Тасболат ағайға және Уразов Мақсот ағайға береміз.

Жүргiзушi: Қдырғали Гүлназ және Орынбасар Әминаның орындауында «Ұстаз» әні.

Жүргiзушi:

Келесі құттықтау сөз бүгінгі бітіруші түлектердің сынып жетекшісі Гүлнар Ізімғалиқызына беріледі.

Жүргiзушi:
Мойытпасын қиындықтар сендерді,

Батылдықпен асыңдаршы сан елді.

Біліміңмен қуантсаңдар мектепті

Жақсы іспен қуантыңдар енді елді

Құттықтау сөз бітіруші түлектердің атынан Қадыр Ерданаға беріледі.

Хор: «Ұстазым»

Көркем сөз оқу – 5

Мектеп бітірушілер вальсі, флешмоб

Ән: «Ұстазым»

Ердана мен Ақнұр

Жүргiзушi:
Ортаға 1-сынып оқушыларын шақырамыз

/1-сынып оқушыларына сыйлықтарын табыстайды/

/фон: «Мектебім»/

Жүргiзушi:

Келді міне, ұл-қызың

Әр жылы сенен самғаған

Сағынбайтын өмірде,

Мектебін, сірә, бар ма жан?! – дей келе мектеп бітіргеніне 5,10,15,20,25,30,35,40 жыл болған түлектердің атынан құттықтау сөз __________________________________________ беріледі.

Жүргiзушi:

Жалпы білім беретін пәндер бойынша облыстық ғылыми жобалар конкурсының ІІ орын иегері, биология пәнінен оқушылардың облыстық олимпиадасында ІІІ орын иегері, "Мен Қазақстандықпын" республикалық шығармалар байқауының облыстық кезеңінің «Алғыс хат» иегері, аудандық олимпиаданың І орын иегері Уразова Гүлфия Мақсотқызының «Ұстазға арналады аяулы әнім» облыстық балалар ән байқауының ІІІ орын иегері, «Жас қыран» қоғамдық бірлестігінің мүшесі, озат оқушы 4-сынып оқушысы Сапин Саятқа білім кілтін табыстайды.

(Білім кілтін 4 сынып оқушысына тапсырады)

/фон: «Мұғалім»/

Жүргiзушi:

Соңғы қоңырау соғу салтанаты қазақ күресі және спорттық бағдарлау, туризмнен облыстық, аудандық жарыстардың бірнеше дүркін жеңімпазы, аудандық олимпиаданың жеңімпазы, облыстық «Өркен» қосымша білім беру орталығының «Алғыс хат» иегері Жәнібеков Нұрсұлтан Нұрбергенұлы және 1-сынып оқушысы, оқу озаты Сансызбай Дәулет Бақтыбайұлына беріледі.

/Соңғы қоңырау соғу сәті/ /фон: «Ақ бантик, қызыл галстук»/

Бәрі сын араласаң өмір ауылын,

Бәрі шын қоштасарда қоңырау мұң

Мәнісін ұғасыңдар өткен күннің,

Дауысын сағынғанда қоңыраудың.

Жүргiзушi:

Құрметті қонақтар, ұстаздар! Қазақстан Республикасының Мемлекеттік Туын шығару рәсіміне кезек береміз.

/ҚР Туы шығады, фон: «Көк тудың желбірегені»/

Жүргiзушi:

Ұшырады мектебің өз қолынан

Көріне біл ғылымның сан қырынан

«Қайран,мынау қазақтың ұлы ғой» деп

Көріне біл тұғырдан, биік шыңнан

Гранттарды еншілеп,

Қуансын, тасып жүректер

Ұстаздарың тілекші,

Жолдарың болсын түлектер!

Құрметті мектеп бітіруші жас түлектер! Ата-аналар мен қонақтар! Аяулы ұстаздар! Бүгінгі соңғы қоңырау мерекесіне арналған «Сәт сапар, Жас түлек!» атты салтанатты жиынымызды жабық деп жариялайын! Қош, сау болыңыздар! (музыка ойнап тұрады)

ІІ бөлім ТҮЛЕКТЕРМЕН КЕЗДЕСУ, өтетін орны орталық клуб