Сыныптан тыс тәрбие сағаты Алтын күз

«Күз мереке,береке»

Мақсаты: Күз мезгілінің ерекшеліктері туралы жаңа білім беру.

Дамытушылық: Дүниетанымдарын сөйлеу мәдениетін дамыту.

Тәрбиелік: Экологиялық, адамгершілікке тәрбиелеу.

Көрнекіліктер: Жапырақтар,маскілер,жемістер,көкеністер, шарлар.

Тәрбиеші: Құрметті ата-аналар, ұстаздар және қонақтар «Ертегілер» тобының сіздерге дайындаған «Күз мереке, береке» атты ертеңгілігіне қош келдіңіздер.

Тырна көкте тыраулап,

Қош ,қош айтты «кеттім»-деп

Шөптің басы қыраулап

Күзде келді «жеттім»-дей отыра ортамызға кішкентай бүлдіршіндерімізді қошеметтеп қарсы алайық.

- Балалар далада жан-жақтарыңа қарадыңдарма? Қызыл, сары жапырақтар, ауа-райында өзгерістердіңболып жатқанын байқадыңдарма?(Иә)

- Бұл сыйқырды жасаған кім деп ойлайсыңдар?

-Иә, бұл күздің келгені

Ал енді күздің әдемі жапырақтарын ортаға шақырайық .

Ақерке: Кездескен соң күзіммен

Бұтағынан үзілген

Ай жапырақ сары алтын

Айналаның бәрі алтын.

Фируза: Шырқалған егер аяулы әні

Құстың ерте оянғаны

Жапырақтардың сарғайганы

Сары күздің таянғаны

Аяла: Алтын сары,қызыл көк

Алуан-алуан жапырақ

Күзгі бақта күлімдеп

Көз тартады жалтырап

Тәрбиеші: Рахмет! Күз жапырақтары қандай әдемісіңдер.

-Балалар тыңдаңдаршы мынау қандай әуен , кім келе жатыр екен?

Алтын күз: Алтын түске боялды,

Тау мен қырда дала тұз

Келдім міне ортаға

Менің атым Алтын күз!

Тәрбиеші: Қарашы күз келді, күз келді

Сары алтын жауыпты іздері

Құс біткен керуен түзеді

Көңілсіз неліктен күз енді?

Алтын күз неліктен көңілсізсің?

Алтын күз: Балалар , менің бүкіл даланы алтын түске бояйтын алтын қылқаламды жоғалтып алдым, сондықтанда барлық дала көңілсіз.

Тәрбиеші: Сен мұңайма бүгін мереке ғой, қылқаламың табылар . Балалар Алтын күздің көңілін көтеріп күз мезгіліне арнап тақпақтарымызды айтып берейік.

Рабиға: Қуандырып біздерді

Мерекелі күз келді

Кел жемісті алтын күз

Кемелденсін халқымыз

Наргиз: Берекесін сыйлауға

Өлкемізге күз келді

Жемістерді жинауға

Шақырады біздерді

Айша: Күз де келді, күз келді

Күздерін жаз үзгелі

Күз де келді, күз келді

Көкте бұлттар жүз енді.

Ән: «Алтын күз»

Жанболат: Алқаптан бидайды

Қоймаға ел жинайды

Тырнасы тізілген

Ұнатамын күзді мен

Ақнұр: Мен алмамын, алмамын

Таңдай жұпар бар дәмім

Зухра: Мен шиемін, шиемін

Күннің көзін сүйемін

Қышқыл шырын менде бар

Басымды мен иемін.

Нұрболат: Мен өрікпін, өрікпін

Бау-бақшаға көрікпін

Баптап мені күткен соң

Талды бойлап өрікпін.

Сымбат: Мен жүзіммін, жүзіммін

Моншақ болып тізілдім.

Тәрбиеші: Балалар кім келе жатқан әндетіп? (Түлкі)

-Балалар! Алтын күздің қылқаламын түлкі алыпты ғой.

-Сәлем түлкі, қолындағы Алтын күздің қылқаламы ғой қайтар өзіне.

Түлкі: Жоқ , неге қайтарамын менің қолыма түскен нәрсе жоғалғанмен бірдей.

Тәрбиеші: Бұл қаламды Алтын күз жоғалтып алып, даланы алтын түске бояй алмай жүр.

Түлкі: Қарай гөр өздерін, барлық жерді әдемілемекші , ал менің үйімді кім әдемілеп береді екен? Мен үйімді жөндеп безендіріп аламын да ешкімді кіргізбеймін.

Тәрбиеші: Тоқта түлкі біз сенің көңіліңді көтерсек сен бізге қылқаламды қайтарасынба?

Түлкі : Жарайды.

Азат: Жаздай күткен бәріміз

Сары алтын күз ,сары күз

Алтын ұя бақшада

Би билейміз бәріміз!

Би: «Жау-жаңбыр» 1. Зухра 2. Сымбат 3. Фируза 4. Ақнұр.

Түлкі :Ой балалар қандай тамаша билейсіңдер. Маған қатты ұнады. Мен қылқаламды Алтын күзге қайтармас бұрын сендермен бір ойын ойнағым келіп тұр. Ойнауға дайынсыңдарма? Ойын : Себетке жемістермен, көкеністерді жинау.

Ойынның шартты: 2 топқа бөлінеді 4 баладан 8 бала шығады ортаға 2 себетке 1 топ жемістерді ,2 –ші топ көкеністерді музыка біткенше жинайды қай топ бірінші жинайды сол топ жеңеді.

1:Алихан, Амира, Оразгали, Айбота.

2:Ержигит, Ақерке, Аяла, Наргиз

Тәрбиеші: Ал енді Түлкімен достығымыз үшін бір ән айтып берейік барлығымыз.

Ән: «Бізде де, бар бау -бақша»

Түлкі: Ой балалар сендерге рахмет көңілім көтеріліп қалды қылқаламды Алтын күзге қайтарып берейінде орманға кетейін сау болыңдар балалар!

Айбота: Кім білмейді шалқанды

Талайлар маған таңқалды

Бәріңе сый боламын

Тауып көр меннен дарханды

Орыс халық ертегісі «Шалқан»

Ата – Елжан

Әже-Рабиға

Немере-Амира

Күшік-Оразғали

Мысық-Алихан

Тышқан-Ержігіт

Алтын күз: Берекелі бақ дәулет

Артта түссін тойланып

Сау болыңдар балалар

Келгенше жыл айналып.

Тәрбиеші: Осымен біздің «Күз мереке, береке» атты ертеңгілігіміз аяқталды . Келгендеріңізге рахмет Сау болыңыздар.

«Күз мереке , береке»

Тәрбиеші: Г.Ш. Батталова.