«Шынықсаң шымыр боларсың» эстафеталық жарыс

Тақырыбы: «Шынықсаң шымыр боларсың»

(эстафеталық жарыс)

Мақсаты: Дене шынықтыру және спорт арқылы салауатты өмір салтын қалыптастыру. Оқушылардың дене бітімін шынықтыру, оларды жылдамдыққа, шапшаңдыққа, ұйымшылдыққа баулу.

Жарыстың шарты мен қатысушылар:

Жарысқа жасақталған 2 команда қатыса алады. Команда құрамы: 5 адам. Жарыс бағдарламасы 5 кезеңнен тұрады. Жарысқа қатысушы командалардың бірыңғай спорттық киімі болуы тиіс.

Жарысқа әділ қазылар алқасы:

Директордың тәрбие ісі жөніндегі орынбасары Т.Ізтілеуов,

Қосымша білім беру маманы: М.Сқақов,

Дене тәрбиесі пәнінің мұғалімі Қ.Емжаев

Жарыстың барысы:

1.Кезең. Команда мүшелері допты алып кедергілер арасынан жүгіріп өтіп, белгіден айналып кері қайту керек. Егер допты қолынан түсіріп алса, сол жерден қайта бастау қажет.

Қажетті құрал-жабдықтар: доп-1 дана, кедергі-5 дана.

2.Кезең. а) 2 оқушы 1 оқушыны көтеріп алып, кедергілер арасынан өтіп белгіден айналып келу керек.

ә) Көтеріп келген оқушы секіртпемен секіріп белгіден айналып, кері қарай қайтады.

б) 1 оқушы 2-ші оқушының аяғынан (арба тәрізді) ұстайды, ол қолмен жүріп белгіге дейін барады. Ал, кері қарай орындары ауысады.

Қажетті құрал-жабдықтар: секіртпе-1 дана, кедергі- 5 дана.

3.Кезең. 1 оқушы белгіге дейін жүгіріп барып, белгідегі тұрған шығыршықты беліне киіп алып бастапқы орнына жүгіріп келеді, 2-ші оқушы шығыршыққа кіргізіп екеуі белгіге жүгіріп барып келеді. 1-ші оқушы шығыршықтан шығып қалып, 2-ші оқушы 3-ші оқушыны шығыршыққа кіргізіп белгіге жүгіріп барып келеді. Жарыс соңғы қатысушыға дейін жалғаса береді.

Соңғы қатысушы белгіге шығыршықты бастапқы орнына апарып қойып, жарысты аяқтайды.

Қажетті құрал-жабдықтар: шығыршық - 1 дана.

4.Кезең. Кедергілер арасынан жүгіріп өтіп, гимнастикалық төсеніштен алға қарай домалап түсіп, команданың бір мүшесі ұстаған шығыршықтан өту арқылы белгіден айналып кері қарай тура келеді. Соңғы қатысушы шығыршық ұстаған қатысушымен тізбектеліп аяқтайды. Бір-бірінен ажырап жүгіруге болмайды.

Қажетті құрал-жабдықтар: гимнастикалық төсеніш – 1 дана, шығыршық -1 дана, кедергі -5 дана.

5.Кезең. Теңге алу. Ақ парақшаға оралған күміс теңгені алуға команданың барлық мүшелері қатыса алады.

Қажетті құрал-жабдықтар: Парақшаға оралған күміс ақша – 2 дана.

6.Кезең. Арқан тарту. Төрешінің белгі берумен әр команда қарсыласын белгіленген сызықтан өз жағына қарай тартып шығару керек.

Қажетті құрал-жабдықтар: Арқан- 1 дана.

Қорытынды. Әділ қазы алқалары жеңімпаздарды анықтап марапаттайды.