"Шынықсаң шымыр боласың" спорттық сайыс

«АЛМАТЫ ОБЛЫСЫ БІЛІМ БАСҚАРМАСЫНЫҢ ҰЙҒЫР АУДАНЫ БОЙЫНША БІЛІМ БӨЛІМІ» МЕМЛЕКЕТТІК МЕКЕМЕСІНІҢ «ШОШАНАЙ ОРТА МЕКТЕБІ МЕКТЕПКЕ ДЕЙІНГІ ШАҒЫН ОРТАЛЫҒЫМЕН» КОММУНАЛДЫҚ МЕМЛЕКЕТТІК МЕКЕМЕСІ

БЕКІТЕМІН

Мектеп директоры

_________У.Шабаданов

« » қаңтар 2023 жыл

Спорттық эстафеталық сайыс тақырыбы:

«Шынықсаң шымыр боласың»

Сынып: 2-3-4

Орындаған: дене шынықтыру пәні мұғалімі А.Қатаев

Тексерген: ДОІЖО А:Мырзахметова

2022-2023 оқу жылы

«ШЫНЫҚСАҢ ШЫМЫР БОЛАСЫҢ» СПОРТТЫҚ САЙЫС

Сыныптан тыс жұмыс

Тақырыбы: «Шынықсаң шымыр боласың» спорттық сайыс

Мақсаты: Оқушылардың денсаулығын, белсенділігін нығайту, ептіліктерін, шапшаңдықтарын, батылдықтарын, күштіліктерін байқау; Спортқа деген сүйіспеншіліктерін арттыру; Салауатты өмір салтын насихаттау.

Түрі: Эстафеталық жарыс

Өтілетін орны: Спорт зал

Қажетті құралдары: Үлкен, кіші доптар, кедергілер, қаптар, ойыншық аттар

Өтілу барысы:

1. Ұйымдастыру бөлімі

Жүргізуші:

Шынықсаң шымыр боласың,

Сауығып айдай толасың.

Спортты серік ете біл,

Жақсы азамат боласың.

Жеңімпаз болу оңай ма,

Арман болған талайға

Болмасаң да ұқсап бақ,

Жарысқа түсіп қалайда.

2. Негізгі бөлім

Жүргізуші:

Құрметті ұстаздар мен оқушылар, жанкүйерлер бүгінгі «Ғажайып білім әлемі» атты бастауыш сыныптар апталығына орай ұйымдастырылған салауатты өмір салтын насихаттау бағыты бойынша «Шынықсаң шымыр боласың» спорттық сайысымызға қош келдіңіздер! Көңілді жарысқа 2-3-4 сынып оқушылары қатысады.

Жүргізуші:

Жарысқа қатысатындарды шақырамыз,

Әр таңды бақытпенен атырамыз.

Өнерді ой көгінде бақылаңыз,

Сайысқа қатысуға енді ортаға,

Жылдам да шапшаң,

Спортшыларымызды ортаға шақырамыз.

(әр топ сап түзеп, орындарына  келіп тұрады)

1. «Жалын» тобы, 2 сынып

2. «Шымыр» тобы, 3 сынып

3. «Қыран» тобы, 4 сынып

Жүргізуші:

Ал, құрметті халайық!

Жарысты енді көріңдер.

Әділ қазы алқасы,

Әділ баға беріңдер!

Сайысты бастамас бұрын, сайысымызға әділ баға беретін әділқазылар алқасымен таныстырайық.

1. _________________________________________________________ 

2. _________________________________________________________

3. _________________________________________________________

Жүргізуші:

Таза ауа, спорт болсын дәріміз,

Еңбек етіп келгенінше әліміз.

«Алға» — деген бір – ақ мақсат ұстанып,

Сайысқа аттанайық бәріміз!

• Спорттық сайысымыз 5 балдық жүйемен бағаланады.

• Әр топ төмендегі кезеңдер бойынша сайысқа түседі :

1. «ТАНЫСТЫРУ»

2. «ЭСТАФЕТА»

3. «КЕНГУРУ»

4. «АКРОБАТИКА»

5. «ҚАҢБАҚ»

6. «КІМ ШАПШАҢ»

7. «ДОППЕН ЖҮРУ »

8. «КІМ ЖҮЙРІК?»

• Әр кезеңнен кейін әділқазылар өз бағаларын береді.

Жүргізуші:

Құрметті сайыскерлер! Сіздерге сәт сапар!

1-кезең : «Таныстыру»

Олай болса,  ортаға «Жалын» тобын ортаға шақырамыз.

2-сынып

• «Жалын» тобы

Топтың ұраны: Жалындаймыз, жанамыз,

Біз спортшы боламыз!

Келесі «Шымыр» тобын ортаға шақырамыз

3-сынып

• «Шымыр» тобы

Топтың ұраны: Біз шымыр, сергек денеміз,

Спорт сүйер өренбіз!

Келесі «Қыран» тобын ортаға шақырамыз

4-сынып

• «Қыран» тобы

Топтың ұраны: Біз биіктен самғаймыз,

Қарсыластан қалмаймыз.

Жүргізуші:

Құрметті әділқазылар «Таныстыру» кезеңі бойынша баға беріп өтсеіңіздер!

2-кезең: «Эстафета»

Ойын шарты: топ мүшелері таяқшаны алып кедергілерден өтіп, келесі ойыншыға береді.

Құрметті әділқазылар «Эстафета» кезеңі бойынша баға беріп өтсеіңіздер!

3-кезең: «Кенгуру»

Ойын шарты: Топ мүшелері ойыншық аттың үстіне отырып  кедергі арасымен айнала секіре өтіп кері айналып қайту.

Құрметті әділқазылар «Кенгуру» кезеңі бойынша баға беріп өтсеіңіздер!

4-кезең: «Акробатика»

Ойын шарты: Топ  мүшелері гимнастикалық төсеніштен домалап өтіп, ары қарай кедергілер арасымен жүгіріп барып, берілген есептерді шығарады. Кейін қайтадан кедергісіз жүгіріп келу.

Құрметті әділқазылар «Акробатика» кезеңі бойынша баға беріп өтсеіңіздер!

5-кезең: «Қаңбақ»

Ойын шарты: Ойын шарты: команда мүшелері қапшықпен секіріп, кедергіні айналып өтіп келу;

Құрметті әділқазылар «Қаңбақ» кезеңі бойынша баға беріп өтсеіңіздер!

6-кезең «Кім шапшаң?»

Ойын шарты: қасыққа кішкентай допты салып, сонымен кедергіден айналып келу;

Құрметті әділқазылар «Кім шапшаң?» кезеңі бойынша баға беріп өтсеіңіздер!

7-кезең «Доппен жүру»

Ойын шарты: топ мүшелері сапқа тұрып, бірінші ойынша төбесінен асырып допты артындағы оқушыға береді, осылайша кезектесіп, соңындағы оқушы саптың алдына допты әкеліп тұрады. Осылайша саптың бастапқы қалпына келгенше осы іс-әрекеттерді жасайды.

Құрметті әділқазылар «Доппен жүру» кезеңі бойынша баға беріп өтсеіңіздер!

8-кезең: «Кім жүйрік?»

Ойын шарты: Топ мүшелері таяқшаларды алып оң аяқпен секіріп, кедергелрдің арасынан өтеді, қайтарды сол аяқпен секіріп кедергілер арасымен өтіп келіп, таяқшаны келесі ойыншыға береді.

Құрметті әділқазылар «Кім жүйрік?» кезеңі бойынша баға беріп өтсеіңіздер!

3. Қорытынды бөлім

Жүргізуші:

Сайысымыздың жеңімпаздарын анықтайтын да уақыт келіп жетті.

Әділқазы алқалары барлық кезеңді есептеп болғанша 1-сынып оқушысы Бақыт Айзерені өзінің әсем де көңілді әнімен ортаға шақырайық.

Ендеше, барлық кезеңнің қорытынды бағасын есептеп шығарып, марапаттау сәті әділқазылар алқасына беріледі.

Жеңімпаздарды марапаттау.

(Әділқазылардың ұпайларын тыңдау)

І орын – ___________________________________

ІІ орын – ___________________________________

ІІІ орын – ____________________________________

Жүргізуші:Бүгінгі «Шынықсаң шымыр боласың» жарысын, Осымен аяқтаймыз! Қатысқандарыңызға көп-көп рахмет! Жақсылықта, амандықта жүздескенше!!! Сау болыңыздар!!

«ШЫНЫҚСАҢ ШЫМЫР БОЛАСЫҢ» СПОРТТЫҚ САЙЫС