Сурет: Әжемнің өрнегі

Іс-әрекет кезеңдері

Тәрбиеші іс-әрекеті

Балалардың іс-әрекеті

Мотивациялық қозғаушылық

• Балалар, Айсұлудың әжесі бізге керемет текемет беріп жіберіпті. Киізден жасалған қазақтың ұлттық үй бұйымы – текеметті көрсетеді. Текеметтер сан түрлі қазақ оюларымен әшекейленуі де мүмкін екенін, қазақ шеберлерінің сәндік қолданбалы өнердің керемет өрнектерін ұрпақтан – ұрпаққа беріп келе жатқанын айтады.

• Айсұлу өзінің қуыршақтарына осындай әдемі текеметтің суретін салып берулеріңді өтінеді.

Балалар педагогтің текемет жайлы айтқан қызықты мәліметтерін тыңдайды.

Ұйымдастырушылық-ізденістік

• Біз Айсұлудың ойыншықтарына текеметті түрлі түсті бояуларды пайдаланып өрнектеп берейік. Сендердің алдарыңда аяқталмаған текеметтің суреті тұр, осы текеметті қылқаламады сары, қызыл, көк бояуларға батырып бояймыз. Алдымен сары түске ортасындағы шаршыны бояймыз, содан кейін бояуды қызыл түске алмастырып алып, жоғарыдағы және төмендегі үшбұрыштарды бояймыз. Шеттерін көк және қызыл түстермен немесе өздерің таңдаған түстеріңмен бояуларыңа болады.

Міне, текеметіміз де дайын болды. Айсұлу қуыршағына арналған текеметтің дайын болғанына ризашылығын білдіреді. Педагог суретті бояған кезде балалардың ұқыпты жұмыс жасауын қадағалайды. Бояған кезде сызықтан шығып кетпеуді ескертеді.

«Бұл неге ұқсайды?» дидактикалық ойыны.

Мақсаты: Балалардың ойлау ұшқырлығын, қиялын дамыту мақсатын көздей отырып, балаларға денелердің қандай геометриялық пішіндерге ұқсайтынын тапқызу.

Балалар педагогтың көрсетуімен қылқаламды пайдаланып текеметті өрнектейді. «Текемет» сөзін бірнеше қайталап айтады. Әр геометриялық пішінді ұқыпты бояуға тырысады.

Шар, гүл, бақбақ, доп, аққала, мұнара, жарты дөңгелек, қайық, шелек, шыршалардың қандай геометриялық пішіндерге ұқсайтынын айтады.

Рефлексиялық - түзетушілік

Педагог балаларға барлығының жа жақсы жұмыс істегенін айтып, мадақтап, текеметтерінің өрнектерінің әдемілігін Айсұлу әжесіне көрсететінін айтады.

Өздерінің жұмыстарына баға бере қарайды.