Сурет "Қысқы орман"

«Арман» шағын орталығы тобындағы ұйымдастырылған оқу қызметінің конспектісі

Өткізу күні: 21.02.19ж.

Тәрбиеші: Ахметжанова АМ

Білім беру саласы: «Шығармашылық»

Пән: Сурет.

Өтпелі тақырып: «Мен және қоршаған орта»

Тақырыбы: «Қысқы орман»

Мақсаттары:

Тәрбиелік: Табиғатты сүйе білуге,оны аялап,қорғай білуге тәрбиелеу.

Дамытушылық: Ағаштың бейнесін қағаз бетіне дұрыс бейнелей білу дағдыларын қалыптастыру,

Оқыту: Балаларға дәстүрлі емес тәсілмен сурет салуға үйрету.

Педагогикалық технологиялар:ойын технологиясы, денсаулық сақтау, ТРИЗ.

Ресурстармен қамтамасыз ету: тақырыптық суреттер, желім, тұз, парақ.

Билингвалдық компонент (ортаңғы тобы): табиғат – природа, тұз – соль, ағаш – дерево.

Ұйымдастырылған оқу қызметінің барысы

1.Ұйымдастырушылық кезеңі:
Жұмбақ жасыру арқылы тақырыпты таныстыру.
Аяз қысып, өрнек сызып,
Терезені торлайды.
Кейде, ұлып, кейде ысқырып,
Ұйтқып боран соғады.
Айтыңдаршы балалар,
Бұл қай кезде болады?
- Балалар, бұл қай кезде болады?
- Қыста
- Қыс айларын атап айтайық
- Желтоқсан, қаңтар, ақпан.
- Қыста табиғатта қандай өзгерістер болады?
- Күн суытып, аяз қысып, боран соғып, қар жауады. Жердің бетін, айналаның бәрі аппақ қар басады екен. Ағаштар да аппақ қар жамылады. Құстар жылы жаққа ұшып кетеді.
- Құстар неге жылы жаққа ұшады?
- Қорегі жоқ, азық тауып жей алмай қалатын болады. Қыстап қалатын құстарға қамқор болуымыз керек.
Балалар, біз бүгін сурет сабағынан қысқы ағаш түрлерін саламыз. Олардың суреттерін салуды үйренеміз.
- Қандай ағаш түрлерін білесіңдер?
- Шырша, аққайың, тал, терек және жеміс ағаштары.
Мына терезенің алдындағы ағаштарға қараңдаршы. Бұл қандай ағаш?
- Аққайың
Дұрыс айтасыңдар балалар ағаштың діңі, бұтағы болады.
Ағаштың бұтақтары әртүрлі орналасады екен. Мына шыршаның бұтағы діңіне көлбеу орналасқан. Ал тал теректердің бұтағы жоғары қарай орналасады екен. Ағаш діңі төменгі жағы жуан, жоғарғы жағы жіңішкеріп кетеді екен. Түсі қоңыр болады.
Шырша қыста да, жазда да жасыл түсті, қылқан жапырақты болады.
Негізгі бөлімі

-Балалар біз бүгін дәстүрден тыс тәсілмен қысқы ағашты саламыз.

-Мынау суреттерге назар аударыныз. Бұл суретті тұзбен салған. Мен сендерге қалай салуға болатының көрсетем.

Өзіндік жұмыс. Балаларға көмектесу.

Өлең жолдарын оқу. Балалардың жұмыстарына талдау жасау.
Ақпан, ақпан қыс әлі,
Ақ түтек аяз қысады.
Арылмай жатыр даладан,
Ақсақал қыстың құшағы.

Ақпан, ақпан қыс әлі,
Келеді қашан құс әні.
Қарлығаш, тырна, бозторғай,
Қалықтап қашан ұшады.
Сергіту жаттығуы:

Қонақтады бақтарға,
Ақ көбелек ақ қанат.
Аунап таза ақ қарға,
Балалар жүр шаттанып.
Қорытынды
-Қане, ормандағы ең әдемі ағаш кімдікі екен, қайсысы екен, таңдап көрейік – деп еңбек нәтижесіне талдау жасап, мадақтау.
- Ағашты сындыруға, жапырағын жұлуға болмайды.
Біз бүгін сурет сабағында ненің суретін салдық?