Ортаңғы (3 жастан бастап), ересек (4 жастан бастап) жастағы топтарға арналған ҰОҚ конспектісі

Өткізу күні: 

Тәрбиеші: 

Білім беру саласы: «Шығармашылық»

Пән: Сурет салу

Өтпелі тақырып: «Техника және біз»

Тақырыбы: «Ұялы телефон»

Мақсаттары:

Тәрбиелік: Ұқыптылыққа тәрбиелеу

Дамытушылық: түстерді ажыратуға дағдыландыру.шығармашылық қабілеттерін дамыту

Оқыту: телефон суретін салуды үйрету.

Педагогикалық технологиялар:ойын,дамыту

Ресурстармен қамтамасыз ету: суреттер,үлгі,телефон ойыншығы,бояу,қылқалам,су,сүрт кіш

Билингвалдық компонент: ұялы телефон мобильный телефон

Ұйымдастырылған оқу қызметінің барысы:

 I.Ұйымдастырушылық кезеңі:

Балалар, біз оқу қызметімізді бастамас бұрын, ойын ойнап кетейік. Ойынның аты: «Не зат,не үшін керек?» деп аталады.

Ойынның шарты: балалар шеңберде тұрып бірінші бала техника бұйымдарының атын атайды екінші бала қажеттілігін айтады.

Мысалы: үтік – киімдерді үтіктеу, тоңазытқыш – азық-түлікті сақтау.

(балалар ойынды қызыға ойнайды)

II. Негізгі бөлім:

Дұрыс айтасыңдар!

Осы заттар барлығын Тұрмыстық техника деп атаймыз.

Осы тұрмыстық техниканың ішінде біз:

«Телефонды» зерттейік.

-Ал, енді, тақтаға назар аударайық.Тақтада телефон суреттері.

«Телефон – байланыс құралы»
Алғашқы телефонды ойлап тапқан американдық ғалым А.Т.Белл. Ол құрылғыны 1876 жылы ойлап тапқан. Содан бастап адамдар оны байланыс құралы ретінде пайдаланылады.
Бірақ біз оны еріккеннен біреумен ойнау үшін немесе қорқыту үшін пайдаланбауымыз керек.
• Егер үйде жалғыз қалып өрт шықса, телефонның қандай нөмірін тересің? (01)
•Бұзақылар,ұрылар,мазаңды алса ше? (02)
• Бөпең немесе апаң ауырып қалса ше? (03)
• Егер үйде газдың иісі шығып тұрса ше? (04)
«Кел, сөйлесейік!» - дейді.
Ең алғаш телефон соққанда, телефон соғып тұрған адам не істеу керек? (Амандасу керек)
Соңынан ше? (қоштасып кету)
- Ал біз сөйлесе аламыз ба? Қане сөйлесіп көрейікші.
- Дәрігермен.
- Өрт сөндірушімін
- Апаймен. (Балаларды рөлге ендіріп сөйлету, сөйлеткендерін талдау. Қандай қате кетті?)
Телефонның әр түрімен таныстырып кету
• Қазір көп пайдаланып жүргеніміз – ұялы телефон.
Оның зиянын айтып кету және де оны 15 жастан кейін ғана пайдалануға болатынын түсіндіріп кету.Ұялы телефон құрылысымен таныстыру.

Бүгін біз ұялы телефонның суретін саламыз.Салу жолын түсіндіру.
Сергіту сәті:
Телефон
Әй, телефон, телефон,
Мамаң келіп бұраса.
Кім керегін сұраса,
Тез шақырып келесің,
Айтқанына көнесің,
Әй, телефон, телефон,
Ал мен келіп бұрасам,
Кім керегін сұрасам,
Тыңдамайсың бірін де,
Гуілдейсің, мұның не?

Балалар орындарына отырып ұялы телефон суретін салады.

«Иә,жоқ» -ойыны

Ойынның шарты: берілген сұрақтарға «Иә»,немесе «жоқ»-деп жауап беру.

Сұрақтар:

Ересектерсіз үтікті қосу?(жоқ)

-Батерейкалы ойыншық машинамен ойнау? (иә)

— Кір жуатын машинаға қолды салу?(жоқ)

— Робот машинамен ойнау?(иә)

Ұялы телефонды көп пайдалануға бола ма? (жоқ)

Қорытынды:сұрақ жауап арқылы қорытындылау,жақсы салған балаларды мадақтау