Сызықтық перспектива

Шымкент қаласы білім басқармасы «Есту қабілеті бұзылған балаларға арналған №1 арнайы мектеп - интернаты» коммуналдық мемлекттік мекемесі

«Бекітемін»

Мектеп директоры

________________А.Узакова.

Ашық сабақ

Тақырыбы: «Сызықтық перспектива».

Сынып: 5«А»

Мұғалім: Кулмаханбетова С.У.

2017-2018 оқу жылы.

Күні: 19.10.2018ж.

Пәні: Көркем еңбек.

Өтілетін орны : 214 каб.

Сабақтың тақырыбы: «Сызықтық перспектива».

Сабақтың мақсаты:

Білімділік: Оқушылардың сызықтық перспективаны салу барысындағы шеберлік деңгейін арттыру.

Тәрбиелік: Оқушыларды сызу барысында төзімділікке, бастаған ісін аяқтауға, ұқыптылыққа тәрбиелеу.

Дамытушылық: Оқушыларды есте сақтау қабілеттерін жақсартуға және өз бетінше жұмыс істеуге дағдыландыру.

Коррекциялық: Оқушылардың дыбыстарды анық айтуын қадағалау.

Сабақта қолданылатын көрнекі құралдар: Дайын плакаттар, ережелер, суреттер, кеспе қағаздары.

Сабақтың барысы:

І.Ұйымдастыру кезеңі:

Оқушылардың назарын сабаққа аудару.

- Бүгін қазан айының нешесі?

- Қазір жылдың қай мезгілі?

-Қазір қандай сабақ?

- Бүгін сыныпта кім жоқ?

ІІ.Сөздік жаттығулар:

Қарындаш, өшіргіш, ұштағыш, сызғыш.

ІІІ.Меңгерілетін сөздер:

Сызықтық перспектива.

IV. Өткен сабақты қайталау:

-Өткен сабақтың тақырыбы қандай?

- Қала пейзажы дегенді қалай түсінесіңдер?

-Түйісу нүктесі дегеніміз не?

V. Жаңа сабақ.

Бүгінгі сабақтың тақырыбы: «Сызықтық перспектива». Сызықтық перспективада бірдей ағаш, шамдар, бағандар, үйлердің қатарын суреттегенде,олардың бәрі визуалды түрде кішірейіп,алысқа перспективаға кете береді, алыстаған сайын бұл нысандардың ара қашықтығы да қысқара түседі. Мысалы:әрбір шам алдыңғысына жақын орналасады. Үйлер алыстаған сайын кішірейеді.

Көкжиек сызығы – көзіміздің деңгейінде орналасқан сызықтар.

Әр пейзажда ортасында түйісу нүктесі болатын көкжиек сызығы бар. Қызыл сызық – көкжиек сызығы, центрдегі қара нүкте – түйісу нүктесі.

VI.Сарамандық жұмыс: Сызықтық песпектива

Жұмыс жоспары:

1.Көкжиек сызығын сызамыз.

2. Түйісу нүктесін белгілейміз.

3. Үйлердің, ағаштардың, шамдардың нүктесін белгіле.

4. Нүктелерді көмекші сызықпен қосып сыз.

5. Үйлерді, ағаштарды,шамдарды анықтап сал.

VII. Тақырыпты бекіту:

Ойын: Кім жылдам?

Балалар, алдарыңдағы параққа маркердің көмегімен тез-тез сызықтық перспективалы сурет саламыз. Бірақ сызғыш пен көмекші сызықтарды қолданбаймыз. Сурет көз мөлшермен салынуы тиіс. Кімнің суреті дұрыс шықса сол жеңіске жетеді. Бастадық.

VIII. Қорытынды:

-Балалар, біз бүгін сабақта не білдік?

- Сызықтық перспективаны салуды неден бастадық?

VIIII. Оқушыларды бағалау.