Ұйымдастырылған оқу іс-әрекетінің технологиялық картасы

Тобы:«Ақбота» ересек

Тәрбиеші:Қияқбай.Г.С

Білім беру саласы:«Таным»

Бөлімі:«Жаратылыстану»

Тақырыбы:«Табиғат бұрышындағы тіршілік».

Мақсаты:Табиғат бұрышындағы тіршілікті бақылату арқылы олардың құпия сырлары мен тіршілігі туралы түсінік беру.

1.Білімділік: балықтар,гүлдер туралы әңгімелеу, олардың тыныс алулары, көбеюлері қоректенуі, қимыл-қозғалыстары, тіршілік ету орталарымен таныстыру.

2.Дамытушылық:еңбек іс-әрекеттеріне баулып, тірі табиғатқа деген қамқорлық жасау дағдыларын қалыптастыру. Балалардың шығармашылық ойлау қабілетін , сөздік қорын көбейту, ауызекі сөйлеулерін  дамыту.

3.Тәрбиелік:Туған жердің табиғатын сүюге, адамгершілікке,отанға деген сүйіспеншілігін арттырып , еңбек сүйгіштікке тәрбиелеу.

Әдіс-тәсілдер: шаттық шеңбері,әңгімелесу,көрсету,түсіндіру,сұрақ-жауап, қортынды,бағалау.

Шаттық шеңбері:

Арайлап таң атты

Алтын сәуле таратты.

Жарқырайды күніміз,

Жарқырайды даламыз.

Қайырлы таң, балалар!

Қайырлы таң, қонақтар!

Балалар тәрбиешімен бірге қайталайды.

Балалар қазір жылдын қай мезгілі?

-Көктем мезгілі

Көктем мезгілінде неше ай бар:

-Үш ай бар

- Наурыз,Сәуір,Мамыр.

Көктем мезгіліндегі табиғаттағы құбылыстарды атайықшы:

-Көктемде қар ериді.

-Көктемде күн жылынады.

-Көктемде құстар жылы жаққа ұшып келеді.

-Көктемде талдар бұршік атады.

Ғажайып сәт:Көлікпен табиғатқа саяхатқа шығамыз.

Тақтадан табиғат бұрышынын суретін қарау.

I.Гүлдермен таныстыру

Гүлім,гүлім,өсе бер,

Әдемі боп,асыл боп.

Күндей жайнап кете бер,

Қызыл,сары,жасыл боп.

Гүлдерді атау,таныстыру. Гүлдер туралы мағұлмат беру.

Гүл отырғызу әдіс-тәсілін көрсету

Ойын:«Гүлді аяқта»

Шарты:гүлдін түсіп қалған күлтелерін желімдеу,түстерін атау,гүлді аяқтау
II.Балықтар әлемімен таныстыру.

Балықтармен таныстыру,атау.Балықтар туралы мағұлмат беру.

Су астында балықтар

Сазан,шортан,бекіре

Неше түрлі балық бар

Шошытасың секірме.

Балалар енді акваруді жабдықтап, суға балықтарымызды жіберейік,балалармен бірге.Балалар еңдеше сәл сергіп алайық

Сергіту сәті.

Достар бірге жүреміз

Бірге ойнаймыз күлеміз.

Бірге балық аулаймыз

Орман,көлге, шыңға біз

Саяхатқа шығамыз.

Ойын:«Балық аулаймыз»

Шарты: тұзды теңізден балық аулау, аулаған балықтарды санау.

III.Біздін бау-бақшамыз.

Пияз сарымсақтарды таныстырып суару.

Сергіту сәті.

Жаңбыр жауды тық-тық,

Сен далаға шық-шық.

Соғады жел гу-гу,

Құстар ұшты ду-ду.

Жел тұрды у-у-у,

Жаңбыр жауды тырс-тырс,

Жаңбыр қатты жауды тырс-тырс,

Жаңбыр басылды, күн ашылды.

IV.Ұялар көрмесі

Құс ұясын бұзбаңдар,

Балапанын алмаңдар.

Құстар біздің досымыз,

Обалына қалмаңдар.

Таспен атып торғайды

Ұя бұзған оңбайды

Құс өкпелеп кетеді

Бақшамызға қонбайды.

Балалардың құстарға арнап жасаған ұяларымен таныстыру.

Жемсауытқа жем шашу.

Балабақшаға оралу

Қортынды:

Сұрақ-жауап :

Қайда саяхатқа бардық ?

Не отырғыздық?

Балалар бүгінгі саяхат ұнадыма?

Бағалау: Тәтті сыйлау

Қол ұстасып тұрайық,

Шеңберді біз құрайық,

Көріскенше күн жақсы

Сау-саламат болайық!

Күтілетін нәтижелер:

Біледі:Табиғат бұрышындағы тіршілік туралы

Игереді:гүл отырғызу жолдарын

Түсінеді:Балықтардың аквариумда өмір сүретінін біледі.

№23 «Балауса» МДҰ

Ашық қаралым

Тақырыбы:«Табиғат бұрышындағы тіршілік».

Тәрбиеші: Қияқбай.Г.С

Ақтөбе 2021 жыл