Сабақтың тақырыбы: Табиғат кешені, географиялық қабық - Жердің ерекше кешенді қабығы

Сабақтың мақсаты: 

1. Оқушыларға табиғат кешені, оның заңдылықтары, географиялық қабық, жер қыртысындағы зат айналымы туралы білім беру.Табиғат кешендерінің өзіндік ерекшеліктеріне тоқтала отырып, оны қорғау жолдарын қарастыру. «табиғат кешені» ұғымдарын жетілдіру.

2. Өз бетінше ізденіспен шығармашылық тұрғыда жұмыс істеуге дағдыландыру. Өз ойларын еркін де сауатты, нақты жеткізу қабілеттерін арттыру. 

3. Табиғаттағы болатын құбылыстарды танып білуге тәрбиелеу және бірін - бірі сыйлауға ұжымдылыққа тәрбиелеу.

Сабақтың көрнекілігі: Дүние жүзінің жарты шарлар картасы

Сабақтың түрі: теориялық

Сабақтың әдісі: өзара оқыту сабағы, Доп лақтыру, ДЖИГСО , Өрмекші әдісі

Рефлекция: SMS-хабарлама

Бағалау: Бағдаршам, бас бармақ, смайликтер

Сабақтың барысы:

І. ҰЙЫМДАСТЫРУ КЕЗЕҢІ

Оқушылармен, келген қонақтармен сәлемдесу, сабақта кім бар-жоғын анықтау.

Оқушыларды найзағайдың жарқылы белгісімен топқа бөлу

Топ атаулары:

І-топ. Табиғат кешені

ІІ-топ.Құрлық пен мұхиттағы табиғат кешендер

ІІІ-топ. Географиялық қабық

ІІ. ҮЙ ТАПСЫРМАСЫ "Доп лақтыру әдісі"

Топқа бөлінгенде алған найзағай жарқылының артында үй тапсырмасына қатысты сұрақтар жасырылған. сол сұрақтарға жауап береміз.

1. Топырақ деген не?

2. Топырақтану ғылымы нені зерттейді?

3.Топырақ қалай түзіледі?

4.Топырақ кескіні дегеніміз не?

5.Топырақты зерттеген орыс ғалымы кім?

6.Топырақтың түрлері

7.Топырақты зерттеудің негізін салушы

8.Топырақтың қасиеті

9.Қарашірік дегеніміз не?

10. Топырақ географиялық қабықтардың қай бөлігінде орналасқан?

11 Топырақты қорғау дегенді қалай түсінесің?

12. Топырақ қабаттарын ата

13.Мелиорация дегеніміз не?

14. Қандай топырақ құнарлы?

15. Неге топырақты биосферадағы тіршіліктің тірегі деп атайды?

ІІІ ЖАҢА САБАҚ

Жаңа сабақ туралы қысқаша түсінік беру

І. "ДЖИГСО " әдісін пайдалана отырып, әр топқа жаңа тақырып бойынша тақырыпшалар бөліп беріледі. Әр топ өз тақырыпшаларын қорғап шығады.

1. Табиғат компоненттері

2. Құрлықтағы және мұхиттағы табиғат кешендер

3. Географиялық қабық

(Әр топ бір-бірін бағдаршам әдісі арқылы бағалайды).

ІІ. Сәйкесін тап тапсырмасы. ( Жеке жұмыс; бас бармақ арқылы бағалау)

Құрлықтағы табиғат кешені биосфера

Мұхиттағы табиғат кешені тау жынысы

Географиялық қабық ойпат

Табиғат компоненті теңіз

ІІІ. Семантикалық карта ( Топтық жұмыс; смайлик арқылы бағалау)

ІV. Постер қорғау
І-топ. Табиғат кешені

ІІ-топ.Құрлық пен мұхиттағы табиғат кешендер

ІІІ-топ. Географиялық қабық

ІV. ҚОРЫТЫНДЫ (Өрмекші әдісі)

Оқушылар бүгінгі өткен тақырып бойынша бір-бірлеріне сұрақтар қояды.

V. РЕФЛЕКСИЯ. "SMS -хабарлама"

Оқушылар қағаздан жасалған қалта телефонға бүгінгі сабақтан алған әсерлерін SMS -хабарлама түрінде жазады.

VІ. ҮЙГЕ ТАПСЫРМА

Табиғат кешені, географиялық қабық - Жердің ерекше кешенді қабығы