Табиғатқа қамқорлық 4 сынып

Сабақ мақсаты: Табиғатқа қамқорлық жасау арқылы ішкі тыныштық құндылығының мәнін ашу

Міндеттері :

Білімділік-Табиғатқа ұқыптылықпен қамқорлық жасаудың маңыздылығы туралы түсініктерін кеңейту.

Дамытушылық - табиғат әсемдігіне ұқыптылықпен қарап, сыйластық қасиетін дамыту

Тәрбиелік – табиғатты сүюге, қорғауға тәрбиелеу.

Ресурстар

Үнтаспа, презентация материалы, бейнеролик-https://www.youtube.com, http://gazeta.rodnaya.info

Сабақ барысы:

1.Ұйымдастыру кезеңi.

«5-Т» ережесін еске түсіру

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi. Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқындап, шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен Нұр ішіндемін... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

3.Үй тапсырмасын тексеру.

«Атаның өнегесі» әңгімесін оқу

Сұрақтар:

1. Әңгіме не туралы?

2. Атасы немересін неліктен жол үстінде тоқтатты?

3. «Жол жүрсең, жоралғаңды сақта» дегенді қалай түсінесіңдер?

4. Атасы мен немересінің бұлақ көзін ашуын табиғатқа қамқорлық деп айтуға бола ма? Неліктен?

5. Атасы мен немересінің табиғатқа қамқорлығы тағы қандай істерінен көрінеді?

6. Өздерің табиғатқа қамқорлық көрсеткен кездеріңді еске түсіріп, бөлісіңдер.

4.Дәйексөз

«Табиғат бұл адам бойына қуат, көңіліне шабыт, сезіміне лəззат шапағатын беретін сұлулық пен əсемдік əлемі.»
Тұрсынжан Шапай

Дәйексөзден қандай ой түйдіңдер?

5.Оқиғаларды әңгімелеу. (әңгімелесу)

Табиғаттың ұлы мектебі

Бір күні ұстазға бір адам келіп, иіліп:

- Кішкентай кезімнен жұмыс істеуге тура келді, бірақ мен ешқашан оқымадым. Мен жас та, бай емес болсам да, мені шәкіртетіп қабылдаңыз.

Ұстаз: «Сіз тегін оқи аласыз, бірақ үйдегі және мектептегі барлық жұмыстарды орындайсыз», - деп жауап берді.

Мектеп ұстаздың үйінің жанындаорналасқан. Әр күні ұстаз таңертең сабаққа бір сағат қалғанда мектепке барып, барлық қажетті заттарды дайындады.

Бірақ жаңа шәкірті ұстазынан да бұрын келіп, мектептің барлығын жылтыратып тазалап қойған.

- Барлығын қай кезде үлгергенсіз? – деп, ұстазы таң қалды.

«Күн маған бірінші сәулемен тұруға үйретті, сондықтан уақыт жеткілікті болды», - деп жауап берді шәкірт.

Білім алу жаңадан бастаған шәкіртке өте қиын болды, бірақ ол алған бетінен қайтпады:

-« Тау өзендері тауларды бағындырғандай,менде білім шыңын бағындырамын.» Олар маған сабырлылықты үйретті.

Кіші шәкірттер жаңадан келген шәкіртті жиі күлкіге айналдыратын. Алғашында шәкірт оларға назар аудармады, бірақ содан кейін бір бұзақымен сөйлесуге шешім қабылдады. Ол шәкірттен қорқып, үлкен ағашқа көтерілді. Күтпеген жерден баланың астындағы бұтағы сынып кетті, ол жерге қарай құлап бара жатты. Жаңа шәкірт қолдарын сақиналап, құлаған баланы қағып алды. Екеуі жерде домалап кетті. Бақытымызға орай, олар жай ғана қолдарын сырып алды.

Кешір, жолдасым, - деді бұзақы бала.

- Мен ашуланбаймын. Менің анам жерден кешіруді үйренуім керектігін айтты. Жер әрдайым адамдарды кешіреді », - деп жауап қатты.

- Жерден тағы не үйрендіңіз? - деп сұрады ұстаз.

«Көп нәрсе», - деп күлді шәкірт. - Мен гүлден - сүйіспеншілікті, судан- тазалықты, кең даладан - жомарттықты үйрендім.

- Сіз көп нәрсені біледі екенсіз. Табиғаттың ұлы мектебі - өмірдің басты мектебі », - деп ұстаз мақұлдады.

Сұрақтар:

1. Шәкірт ұстазға қандай мақсатпен келді?

2. Ұстаздың шәкіртке қойған талабы қандай?

3. Бұзақы бала өз ісіне өкінді ме? Неліктен?

4. Шәкірттің бойынан қандай қасиеттер көруге болады?

5. Біз табиғаттан нелерді үйрене аламыз?

Бейнеролик көру: «Көлсай көлдері»

6.Шығармашылық іс-әрекеттер, топтық жұмыс

Балалар 3 топқа бөлінеді.

1.Әрқайсысы жеке табиғатта ұқсағысы келетін заттың суретін салу. Неліктен оған ұқсағысы келетіндерін жазу.

2.Әр топ өзінің шағын галереясын құрастырып, өз ойларымен бөліседі.(гүл, ай, күн, жұлдыз, тау, аққу, құс, жылқы, бұлбұл, су, ағаш, т. б.)

7.Топпен ән айту.

«Табиғат тамашасы» Нұр-Мұқасан тобы

Таң атып,күн батады,

Жүректі жырлатады,

Табиғаттың әні тамаша!

Ақша бұлттар тіл қатады,

Таулары сыр тыңдатады,

Көңілмен сезіп қараса.

Жусан аршаларым,

Таңданып тамсанамын,

Жұпар аңқыған балдай

Тәтті таң самалын,

Әндетіп қарсы аламын,

Табиғатым менің, шынымен де керемет қандай.

Қайырмасы:

Жайнаған жазы,көктемнің ерке назы,

Күздің қоңыр сазы ғажап,

Жапалақтап аққары, Қыстың күлім қатқаны

Жаныңа сыйлайтын ләззат!

Кең дала жайнағанда, құстарым сайрағанда

Бойды кетер шаттық аралап,

Өнер көңілім қайнағанда,

Толқындар ойнағанда

Көз тоймас неткен ғаламат.2 рет

Көркем көлдерінде, құлпырған белдерінде,

Түрлі түске боялады.

Момын шөлдерінде,сұлу әсем көлдерінде

Табиғатты мәңгі- жүрекке сүйіп аялат.

Қайырмасы:

Момын шөлдерінде,

Сұлу әсем көлдерінде

Табиғатты мәңгі, жүрекке сүйіп аялат.

Қайырмасы

8.Үй тапсырмасы.

«Табиғат ана» әңгімесін оқу.

9.Сабақтың соңғы тыныштық сәтi.

-Балалар, енді бір сәт тынышталып, көзімізді жұмайықшы. Бүгінгі сабақтан алған әсерлерің мен жақсы ойларыңды естеріңе түсіріп көріңдер. Бүгін сендер өте көп жақсы істер жасадыңдар, сабақты жақсы оқыдыңдар, жақсы ойлар айттыңдар сол үшін сендерге рахмет айтамын!