Жетісу облысы,Талдықорған қаласы,№12 «Байтерек» бөбекжайының тәрбиешісі Кемешева Сауле Турсуновна

Тақырыбы: «Табиғатты қорғайық!»

Мақсаты: Қоршаған орта жайлы білімдерін, ұғымдарды қалыптастыру барысында сөздік қорды байыту және дамыту. Табиғатқа деген сүйіспеншілікке, қамқорлық қатынасқа, табиғатты сақтауда жауапкершілікті сезінуге тәрбиелеу.

Шаттық шеңбері:

Қоршаған өмір әлемі,

Не деген көркем, әдемі!

Сол сұлулықты сақтайық,

Мадақтайық, мақтайық!

Ой шақыру:

-Көшеде қағазды қайда тастайсыңдар?

-Қоқысты жерге тастауға болады ма? Неліктен?

Суретпен жұмыс.

Әділ анасымен саябаққа келді. Саябақта ол алтыбақан, әткеншек тепті. Анасы Әділге балмұздақ сатып берді. Ол қуанды. Әділ балмұздақтың орама қағазын жерге тастады.

Анасы:

- Әділ, қағазды жерден көтер, - деді.

Әділ:

- Неге? - деді

- Жерді ластама. Табиғатты аяла. Қоқыс жәшігіне таста.

Сұрақ-жауап:

- Әділ анасымен қайда келді?

- Анасы Әділге не сатып берді?

- Әділ балмұздақтың орама қағазын қайда тастады?

-Анасы Әділге не деді?

-Әңгіме не туралы?

-Әділ балмұздақтың орама қағазын қай жәшікке тастау керек?

Сергіту сәті: «Күн, ауа және су »

Күн мен ауа және су /қолдар.жоғары көтереміз/

Бәрімізге керек пе?

Иә, иә,иә! /алдыға қарай иілеміз/

Күн жылыну үшін бе? /қол соғамыз/

Иә, иә,иә! /бір орында жүреміз/

Ауа тыныс алу үшін бе? /қол соғамыз/

Иә, иә,иә! /отырамыз/

Су шынығу үшін бе? /қол соғамыз/

Иә, иә,иә! /қолдарымызды жан-жаққа сермейміз/

Денеңде күш арта ма ?

Иә, иә,иә! /қол соғамыз/

3 орталыққа бөлу:

1 орталықта- «Қоқыстарды өз жәшігіне орналастыр» дидактикалық ойыны

2 орталықта- «Ойлан тап»

3 орталықта- «Кім тез табады?»

Табиғат-Анаға тілек айту:

Гүлдей бер, Жер-Ана! 
Аспаның ашық болсын! 
Аспаныңды бұлт торламасын! 
Тоғайың аң мен құсқа толсын! 
Суың мөлдір, таза болсын! 
Өзен, көлің, теңізің балықтарға толсын! 
Орманың қызыл, жасыл гүлдерге толсын! 
Күнің жарық болсын! 
Хормен :  Табиғат сені сүйеміз, 
Басымызды иеміз!