Табиғатты қорғайық-жасыл әлем жасайық!

Білім беру ұйым атауы

«Табиғатты қорғайық – жасыл әлем жасайық»

«Жұлдыз» ересек тобы

Топ тәрбиешісі:Суинова Рита Нурлановна

2025-2026 оқу жылы

Ашық ұйымдастырылған іс-әрекет

Тақырыбы: «Табиғатты қорғайық – жасыл әлем жасайық»

Дағды: Әлеуметтік-эмоционалды дағдыларды қалыптастыру

Іс-әрекеттердің кіріктірілуі:

Қоршаған әлеммен таныстыру

Шығармашылық (мүсіндеу, құрастыру)

Таным

Коммуникация

Тобы: ересек топ
Ұзақтығы: 25–30 минут

Мақсаты

Балалардың табиғат туралы түсініктерін кеңейту, қоршаған ортаға қамқорлықпен қарауға тәрбиелеу, мүсіндеу және құрастыру арқылы шығармашылық қабілеттерін дамыту.

Міндеттері

Табиғат нысандарын (ағаш, гүл, күн, бұлт, су) ажырата білу;

Табиғатты қорғау туралы қарапайым түсінік қалыптастыру;

Мүсіндеу арқылы заттың пішінін беру;

Құрастыру барысында ұжыммен жұмыс жасауға үйрету.

Әдіс-тәсілдері:
Көрнекілік, сөздік, практикалық, ойын, әңгімелеу, сұрақ-жауап, проблемалық жағдаят тудыру, бақылау және талдау, қимыл-қозғалыс, шығармашылық жұмыс (мүсіндеу, құрастыру), ұжымдық жұмыс тәсілі, сенсорлық қабылдау, экологиялық тәрбие беру тәсілі, эмоциялық әсер ету, сергіту сәті, қайталау, бекіту, рефлексия, мадақтау, ынталандыру.

Көрнекіліктер

Табиғат суреттері (орман, ағаш, гүл)

Пластилин

Құрастыруға арналған кубиктер, лего

«Жасыл әлем» макетінің негізі

Музыкалық сергіту әуені

Ұйымдастырылған іс-әрекет барысы

I. Ұйымдастыру кезеңі

Шаттық шеңбері

– Балалар, бір-бірімізге күлімдеп қарайық.
– Қолымызды жүрегімізге қойып айтайық:
«Табиғатты аялау – біздің міндетіміз!»

II. Қызығушылықты ояту

(Әңгіме, қоршаған ортамен таныстыру)

Тәрбиешінің әңгімесі:

– Балалар, көздеріңді бір сәтке жұмып, айналамызды елестетіп көрейік.
– Сендер табиғат дегенде нені көріп тұрсыңдар?
(ағаш, гүл, күн, бұлт, су, құс, жер)

– Ағаш бізге не береді?
(таза ауа, көлеңке, жеміс)

– Күн бізге не береді?
(жылу, жарық)

– Су не үшін керек?
(ішеміз, жуынамыз, өсімдіктерге қажет)

– Ал құстар мен жануарлар ше?
(табиғатты көркейтеді, тіршілік етеді)

Проблемалық сұрақ:
– Егер табиғат болмаса, адамдар қалай өмір сүрер еді?
(ауа жоқ, су жоқ, өсімдік өспейді)

Талдау:
– Табиғатқа зиян келтірсек не болады?
– Ал табиғатты қорғасақ ше?

Қорытынды (экологиялық түйін):

– Табиғат – біздің ортақ үйіміз.
– Табиғатты аялау, қорғау – әр адамның міндеті.
– Біз табиғатты:
сындырмаймыз,
ластамаймыз,
күтіп-баптаймыз.

Өтпелі сәт (мотивация):

– Ендеше, балалар, біз де табиғатты қорғаушы болайық!
– Қазір бірге жасыл, әдемі әлемді жасап көрейік.

(Балалар қолдарын жүрек тұсына қойып айтады:)

Экологиялық ұран:
«Табиғатты қорғаймыз –
Жерімізді аялаймыз!»

III. Негізгі бөлім

1-бөлім: Бақылау және талдау

– Суреттерге қараңдар, бұл қандай табиғат көрінісі?
– Қандай түстерді көріп тұрсыңдар?
– Ағаш пен гүлге қалай қамқор боламыз?

2-бөлім: Шығармашылық тапсырма

1-тапсырма: Мүсіндеу

Тақырыбы: «Ағаш пен гүл»

– Балалар пластилиннен:
ағаштың діңін,
жапырағын,
гүлін мүсіндейді.

Мақсаты:
Пішін, көлем, түсті ажырату, ұсақ моториканы дамыту.

2 -тапсырма: Құрастыру

Тақырыбы: «Жасыл әлем»

– Балалар топпен бірігіп:
кубиктерден немесе легодан
саябақ, гүлзар, ағаштар орналасқан
жасыл әлем макетін құрастырады.

Ереже:
– Бір-біріне көмектесу
– Ортақ шешімге келу

IV. Сергіту сәті

«Табиғатпен қимылдаймыз»

Тәрбиешінің нұсқауы:
– Балалар, енді өзімізді табиғаттың бір бөлігі ретінде елестетейік.
– Мен айтқан табиғат құбылысына сәйкес қимыл жасаймыз.

Күн –
Қолымызды жоғары көтеріп,
саусақтарымызды ашып,
күн сияқты жарық шашамыз.

Жел –
Денемізді оңға-солға жайлап тербетіп,
қолымызбен желдің жай қозғалысын көрсетеміз.

Ағаш –
Аяқтарымызды нық қойып,
денемізді тік ұстаймыз,
қолымызды жоғары көтеріп,
ағаштың бұтақтарын бейнелейміз.

Гүл –
Алдымен отырып,
гүлдің бүршік күйін көрсетеміз,
сосын жайлап тұрып,
қолымызды ашып,
гүл сияқты жайқалып ашыламыз.

Қорытынды қимыл

– Терең дем аламыз
– Демді жай шығарамыз
– Табиғатқа күлімдейміз

Тәрбиешінің сөзі:
– Табиғат бізге күш, сергектік сыйлады!
– Енді әрі қарай жұмысымызды жалғастырамыз.

V. Қорытынды бөлім

Рефлексия:
– Біз бүгін не жасадық?
– Қандай жұмыс саған ұнады: мүсіндеу ме, құрастыру ма?
– Табиғатты қалай қорғаймыз?

Қорытынды сөз:
– Сендер нағыз табиғат қорғаушыларысыңдар

Мадақтау

– «Табиғат жанашыры» атағы
– Жұлдызша, смайлик, жылы сөздер