Таңдау курсы: Менің елімнің тарихы

Таңдау курсының тақырыбы: Менің елімнің тарихы

Тарих ғылым,пән ретінде аса маңызды білім саласына жатады.Тарихи білімді адам ғана өзі өмір сүрген қоғамындағы орнын атқаратын қызметін дұрыс анықтай алады.Әбу Насыр әл - Фараби «Тарихты білмей өткенді,қазіргі жағдайда,келешекті болжау қиын» десе,А.Байтұрсынұлы «Сөздің ең ұлысы,ең сипаттысы - тарих» деп өте жоғары бағалаған.Тарих ойға бағындырылған.Оның табиғаты да осында,Тарихи материал оқушылардың жан дүниесінде орын табатындай болуы міндетті.

Жалпы білім беретін мектепте Қазақстан тарихын оқыту ерекше маңызды.Өйткені кез-келген мемлекеттің азаматы өз елінің,мемлекеттің,сол мемлекетті мекендеп отырған халықтардың тарихын білуге құштар.

Жеке пәндерді тереңдетіп оқытуды қамтамасыз ету мақсатында мектептерде бағдарлы оқыту енгізілуде.

«Менің елімнің тарихы» жеке курсы оқушылардың Отан тарихының негізгі оқиғаларына байланысты білімдерін тереңдетуге мүмкіндік береді.Оқушылардың тарихи танымдарын кеңейтіп,адам ата тегі,әулеті жайында,туған өлкеміз,Қазақстан және дүниежүзі туралы кеңірек білу.Қазақстан тарихына айырықша ынта білдірген оқушылардың талап,тілегін қанағаттандыра отырып,олардың Отан тарихын жан-жақты оқып,тереңірек білім алуына мүмкіндік жасау.

Мақсаты:

Тарих пәнін оқуды жаңа бастап жатқан 5 сынып оқушылар үшін жас ұрпақты адамзат басынан кешірген аса елеулі тарихи оқиғалармен,ол жинақтаған бағалы құндылықтармен таныстыра отырып,жауапкершілікке,белсенділікке,тиянақтылыққа тәрбиелеу болып табылады:

оқушылардың білімін тереңдету, шығармашылық қабілетін арттыру;

оқушылардың ғылыми дүниетанымын қалыптастыру;

тарихи оқиғаларға баға бере алатын тұлға қалыптастыру;

Міндеттері:

- Оқушылар бойына патриоттық - азаматтық құндылықтарды дарыту.

- Туған халқына деген құрмет,мақтаныш сезімін ұялату

- Ұлттық рухты дамыту.

- Тарих пәніне деген қызығушылығын дамыту.

- Маңызды істерді шешуге қабілетті,іскер,жауапкершілікті жеке тұлғаны қалыптастыру.

- Өз елінің тарихын терең білуге, құрметтеуге үйрету;

Оқушылардың дайындық деңгейіне қойылатын талаптар

Оқушылар білуі тиіс:

1)Ежелгі Қазақстан тарихындағы маңызды оқиғаларды,тарихи тұлғаларды;

2)Тарихи Отан ұғымын;

3)Мемлекет, мемлекеттің рәміздер тарихы туралы білуі тиіс.

Оқушылардың меңгеру тиіс:

1)Оқу материалдарының мазмұнын өз сөзімен әңгімелесуді,тарихи оқиғаға өз бағасын бере білуді;

2)Тарихи терминдерді қолдану және оларды түсіндіре білуді;

3)Тақырыпты оқып меңгеру барысында тарихи картаны пайдалануды;

5)Тарихи оқиғаға өз бағасын бере білуді.

6)Тест тапсырмаларымен жұмыс істей білуді;

Тұлғалық нәтижелерде оқушылар:

1)Азаматтық жауапкершілік пен жоғары патриоттық сезім және Отанды қорғау мен қызмет етуден;

2)Мемлекеттік және ана тілін меңгеру,Қазақстан территориясында тұратын халықтардың,басқа да этностардың құндылықтарын,мәдетниеті мен дәстүрін құрметтеуден;

3)Өз бетімен білім алу және өзін-өзі жүзеге асыра білу,жасампаздық еңбекке қабілеттілігін ынталандыра білуінен;

4)үлкенге құрмет және кішіге ізет көрсете білуінен;

Жүйелі іс-әрекеттік нәтижелерде оқушылар:

1)Ғылым негіздері және адамзат қоғамының дамуы үшін қажетті ғылыми жетістіктер бойынша игерген жүйелі білімді;

2)Ғылыми ақпаратты талдау,өңдеу жинақтай білу және оларды қолдана алуы;

3)Танымдық,жобалау,құрастыру және іздену,шығармашылықпен қолдану әдістерін;

4)Қазіргі ақпараттық - коммуникативтік қабілеттілік пен көп тілді мәдениеттілікті қолдана білуі тиіс.

Бағалау критериі :Тест.

Пайдаланған әдебиеттер:

Мұғалімдер үшін:

1.Қазақтар -9 томды

2.Қазақстан энциклопедиясы

3. «Ежелгі Қазақстан »балалар энциклопедиясы

4.Атырау. Энциклопедия.Алматы.Атамұра,2000ж

5.«Қазақ тарихы» ғылыми әдістемелік журналы.

6. «Қазақстан тарихы» әдістемелік журнал.

7.ҚР тәуелсіздік рәміздері.Алматы,2005

Оқушылар үшін:

1.Оқушы анықтамасы.Қазақстан тарихы.6-11 сыныптар.

2 .Ежелгі Қазақстан» балалар энциклопедиясы

3. «Өлке тарихының қасиетті мекені» Алматы,2006ж

4.Менің Отаным – Қазақстан. Алматы,2015ж

5.Махамбет атындағы орта мектеп.Атырау 2012ж