«Таңғажайып алаңы» интеллектуалды шоу

Тақырыбы: «Таңғажайып алаңы» интеллектуалды шоу

Мақсаты: 1. Білімділігі: Оқушылардың музыкалық білімдерін тиянақтау. Теориялық білімдерін тереңдете түсу, оқушылардың практикалық дағдысын дамыту;

2. Дамытушылығы: Оқушының ой-өрісін, есте сақтау қабілетін дамыту.

3. Тәрбиелігі: Оқушылардың музыка өнері жөніндегі түсінігін кеңейте отырып , әсемдікке, мәдениеттілікке, сабырлыққа тәрбиелеу

Түрі: ойын- сабақ

Сабақтың барысы:

Ойын толқын айналған қатты ағысқа,
Табылғандай танымда жат дауыста.
Біреу озып келеді қатарынан,
Біреу қалып жатады асығыста.
Ойын толқын жатқанда асып-тасып,
Біреу мығым,біреулер шалыс басып.
Бұл ойыннан өтеді білімділер.
Жеңсе де,жеңілсе де қалма жасып.

Армысыздар ма құрметті қонақтар және ойынға қатысушы сайыскерлер!

«Білекті бірді жығады,білімді мыңды жығады» деген дана халқымыз. Біз білім теңізінен жүзіп өткенде ғана еліміздің тірегі,сүйеніші боламыз.
Бүгінгі «Ғажайып алаң» интеллектаулды ойынына қош келдіңіздер!

ІІ. Ойынның шарты

Ойынға 9 ойыншы қатысқалы отыр. .Ойын 3 айналымнан тұрады. Бұл айналымдағы жеңіп шыққан жеңімпаздар финал ойынына қатысады. 
Финалдан шыққан оқушы «Супер – ойынға» қатысады.

Және жауап беруі түрлі көңіл-күй бейнеленген смайликтермен бағаланады.Кімде көп күлімсіреген смайлик болса сол келесі айналымға өтеді.

Ойын кезегін күтпей жауап берген оқушы ойыннан шығарылады немесе бірден жауап берген кезде бір әріптен қате жіберсе ойыннан шығады.

ІІІ. Ойынның жүру барысы

Тақтаға музыкаға байланысты сөздер беріледі. Бұл сөздерді барабанды айналдыру арқылы ойыншылар табады. Әріптеп табу арқылы немесе бірден жауабын беру арқылы табуға болады. Егерде жасырынған сөзде ойыншы айтқан әріп екі немесе одан да көп кездесетін болса, сәйкесінше сонша есе ойыншының ұпай саны еселенеді. Ойыншы үш әріпті қатарынан тапса екі сандықша әкелінеді, 1 сандықшаның ішінде теңге жасырылған, сол сандықшаны тапқан оқушы смайликқа ие болады. Алдарыңыздағы айналдырма барабан тұрады. Бұл барабанның бетінде сандар белгіленген. Сандарды жинау арқылы ұпайын толықтырады. Егер оқушы финал ойынына шықса, жеңімпаз атанады.

Барабан бетіндегі Ө (банкрот) белгісі жинаған ұпайларыңызды түгелдей күйдіріп, әріп немесе сөз айту мүмкіндігінен айырып, келесі адамға кезегіңіз беріледі. Барабан бетіндегі сөйле белгісі сіздің қазақша ән шырқап немесе тақпақ айтуыңызды талап етеді. Егер бұл талапты орындай алмасаңыз кезегіңізді келесі ойыншыға беруіңізге тура келеді. Ал егер талапты орындасаңыз, ойынды жалғастырасыз.

- Ендеше,дайын болсақ түрлі түсті фишкаларда берілген сандарды таңдау арқылы реттік номер беріледі.

І –айналымды бастаймыз
(бірінші айналымға шыққан қатысушылар өздерін таныстырып өтіп,барабанды айнадыру арқылы тапсырманы орындайды.)

1- айналым сұрағы:
Ол құрал , алғашқы түрі Грекияда пайда болған. Күрделі механизмдерден тұрады. Белгілі бір тембрде дыбыс шығарады.ХҮ ғасырда Ресейде, кейіннен Қазақстанда да пайда болды. ( орган)

2- айналым: Дәстүрлі әндерде кездеседі.Онда өзгермейтін заңдылықтар бар, әр тармағында ( силлабика)

3- айналым: Кескіндемеде түстер мен масштаб сәйкестігін.Музыкада мажор-минор, қатты-ақырын дыбыстарды,жоғары-төмен қарама-қайшылықтарды білдіреді. (контраст)

Рахмет сіздерге! 
Педагог балаларды мадақтап. Қоштасады.

- Бізде ең мықты ойыншыларымыз қалды.Кезекті финал ойынына берейік.

Финал :

Ағылшын тілінен аударғанда танымал деген мағынаны білдіретін.Эстрада өнеріндегі жеке жанр.

Супер ойын

1.Тігінен : Музыканың ең бай және күрделі жанры  ( опера)
2.Көлденең:Қазақтар өмірінде маңызды орын алатын, өзіндік музыкалық сипаты бар аспап ( домбыра)
3.Тігінен: Қазақ халық биі.Қуыршақ театрының бастау. ( Ортеке)

- Құрметті қонақтар,білімді балалар! Бүгін сендер керемет ойын көрсеттіңдер!

Осымен тоқтап қалмай әрі қарай білімдерімізді шыңдай түсейік.Біздің әлі алдымызда талай сайыстар күтіп тұр. көшбасшысы, Жұлдызды сәт, Әуенді тап, Кім? Не? Қашан? Интеллектуалды ойындарда өз тапқырлықтарыңмен білімдеріңді шыңдай түсе беріңдер дей келе бүгінгі сайысымызды аяқтауға рұқсат етіңіздер.