Танымдық оқиға

Тақырыбы: Биші

Оқу барысында мен балаларға, балалар біз 8-наурыз аналар мерекесіне дайындаламыз деп едім, І есімді қыз маған апай мен би билесем болады ма? - деп айтты. Мен кішкентай қыздың бұл ұсынысына таңырқап, ойланып қалдым да.

Жарайды онда сен аналар мерекесіне үнді биін биле дедім. І есімді қыз қуанып кетті. Бұл жаңалықты анасына айтыпты. Анасы да қатты қуанды.

Әні-міні дегенше 8-наурызда келіп қалды. І есімді қыз өте жақсы өнер көрсетті. Барлық балалар, ата-аналар ду қол шапалақтап, оған анасы мәз болды. Енді 22 наурыз Ұлыстың ұлы күні мерекесіне І есімді қыз аққу биін немесе қамажай биін билейінші деп өтініш білдірді. Мен бұл өтінішіне қуана-қуана келісім бердім.

Наурыз мерекесі басталды І есімді қыз апай мен қобалжып тұрмын деді. Мен І есімді қызға ештеңені уайымдама сен өте жақсы билейсің, сенің қолыңнан бәрі келеді деп барынша қолдау білдірдім.Сөйтіп ентігін басып І есімді қыз жақсы көңіл-күймен ортаға шығып, мың бұрала билеп көрермендердің қошеметіне ие болды.

І есімді қыз өзінің жақсы орындап шыққанына өте қуанышты еді. Мен де оның талантына тәнті болып, сүйсіне қарадым.Көрермендердің ізгі қошеметіне ие болды.Қасындағы достары да қуанып мәз-мейрам болды.І есімді қызда достарының қолдап жатқанына қатты қуанды. Енді ол қызға тәрбиешілердің бәрі барынша қолдау білдіріп, талантын шыңдап, тек биік белестерден көрінуіне себепші болуға ниеттерін білдіріп жатты.

І есімді қыз өте сабырлы,байсалды,көркіне ақылы сай достарының арасында да өзінің басқа достарынан ерекше екендігі көрініп тұрады.Ертеңгілік іс-шараларда белсене қатысып жүреді.Сабақ барысында да суретті өте әдемі салады.

Осы қыздың бойынан көптеген ерекше дарындылықтыІ байқап жүрмін .І есімді қыздың анасына қызының қандай тұнып тұрған талант екенін ескере отырып, оның талантын ашуда көп жұмыс жасау керектігімізді түсіндірдім. Анасы да қатты қуанды. Сіз не айтсаңыз да бәрін орындаймыз, мен де қызымның биік белестерден көруді менде қалаймын. Бүгіннен бастап қызымды би үйірмесіне жазып та қоямын деді. І есімді қыз қазір балабақшадағы оқуын да биді де қоса алып жүр. Жүзінен күлкі кетпей,өзі сондай бақытты қыз. Өйткені өзінің қалаған ісімен айналысып жүр. Нәтижелері де көңіл қуантарлық.Би үйірмесіндегі апайы да І есімді қыздың талантына тәнті болды. Мені қатты жақсы көреді, сыйлайды. Мен де ол қызға барынша мейірімімді, қолдауымды көрсетіп отырамын. Мен І есімді қыздың үлкен белестерді бағындыратына сенімдімін. Енді осы қызды аудандық би жарысына апаратын ойымда бар.