Танымдық сағат "Ғасырдың ғажап адамы" 1 сынып

«Ғасырдың ғажап адамы»

Тақырыбы: «Ғасырдың ғажап адамы»

Мақсаты: а) қазақ халқының тұңғыш  президенті Нұрсұлтан  Әбішұлы Назарбаевтың өмір жолы,туып-өскен,оқып  білім  алған ,қызмет  еткен жерлері   туралы  мағлұмат  беру;

ә) елбасының  өмір жолынан үлгі  ала  отырып Отанын ,халқын  сүюге, ержүректілікке,азаматтыққа, патриоттық  сезімге тәрбиелеу;

б) шәкірт  жүрегінде  елбасына  деген  сүйіспеншілік  сезімін ояту,құрметтеу.

г) елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын ақсақтатқан Елбасының кісілік келбетін меңгеру.

Көрнекілігі:слайдтар  көрсету, шарлар,суреттер,буклет « Нұрсұлтан Назарбаев-тұңғыш президент», қанатты сөздер

Ұйымдастыру барысы:

Мұғалім сөзі:   Ежелден еркіндік аңсаған ер қазақтың асыл мұраты еңселі ел болу еді. Елім деп еңіреп, «Егемен  болмай ел болмас, етектен кесіп жең болмас»- деп жырлап өтті. Мың өліп, мың тірілген қазақ халқы аса шытырман талас- тартыспен тәуелсіздікке қол жеткізді.

1991 жылғы 16 желтоқсанда әлемнің саяси картасында жаңа мемлекет Қазақстан Республикасы пайда болды.

Біз қазір Қазақстанға саяхатқа шығамыз. Жолда біз  түрлі- түрлі аялдамаларға тоқтаймыз.

І аялдама:   «Менің Қазақстаным» сұрақтарға жауап береді.

Топтастыру стратегиясы арқылы жүзеге асады.  /Топтар  топ болып жауап береді/

 Осыған орай    «Ғасырдың ғажап адамы»  атты тәрбие сағатымызды бастауға рұқсат етіңіздер. Тәрбие сағатында тұңғыш президентіміз Н.Ә.Назарбаевтың өмір жолы мен еңбек жолы туралы сөз етеміз.(слайд арқылы көрсету)

Мұғалім сөзі:  Сонымен  2006 жылы 7 қаңтар күні әнұран қабылданды. «Менің Қазақстаным» әні дүние жүзіне таралды.

Қазақстан Республикасының президенті Нұрсұлтан Назарбаевтың өмірбаянын қысқаша баяндап өтемін (слайд көрсету арқылы)

1 . « Бала Нұрсұлтан»  /Бала кездегі суреттері қоса беріледі./

1940 жылы 6 шілдеде Іле Алатауының баурайындағы Үшқоңыр жайлауында Әбіш пен Әлжан Назарбаевтардың шаңырағында көптен күткен ұл өмірге келді. Оған әке - шешесі Нұрсұлтан деп ат қойды.
Сәбиге ат таңдаудың өзі жатқан бір хикаяға айналды. Тойға жиналған ағайын - туыс түрлі есімдерді тұс - тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын».Әлемдегі барлық әжелер секілді Мырзабала да немересінің азамат болып қалыптасуына ерекше еңбек сіңірді. Нұрсұлтанның анасының аты- Әлжан . Мырзабаланың ұлы, Нұрсұлтан Назарбаевтың әкесі – Әбіш 1903 жылы Алатаудың бөктерінде, Назарбай бидің шаңырағында өмірге келді.
2.Нұрсұлтанның оқушы кезі.  / Оқушы кездегі суреттері қоса беріледі/

Нұрсұлтан Әбішұлы Назарбаев 1948 жылы Шамалған селосындағы Фурманов атындағы қазақ- орыс орта мектебінің 1 сыныбына қабылданады. Оны 1 сыныптан 4 сыныпқа дейін Исмаилова деген мұғалима оқытады. Ол кішкентайынан сабаққа зерек болады. Тіпті кеште керосин жарығының шамымен де сабақ оқып отыратын.  Ұстаздарының айтуы бойынша ол үздіктер қатарынан көрінген.  Ауылдағы кітапханалағы кітаптардың да көбін талғамай оқи берген.  12 жасында домбыра, сырнай тартып айналасындағыларды таңқалдырған. Дене тәрбиесі сабағын жақсы көрген. Мектептегі  күрес үйірмесіне қатысқан. 

3.  Назарбаевтың жастық шағы   / Жастық шақтағы суреттері қоса беріледі/

Ол ерте есейді, орта мектепті бітіре салысымен Кеңес Одағындағы аса ірі Қарағанды металлургия комбинатының көлемді құрылысына аттанды.Құрылыста біраз еңбек еткеннен кейін бір топ қазақстандықтармен Украинаның Днепродзержинск қаласына барып металлург –жұмысшы мамандығын меңгерді.

4.  Назарбаев- Елбасы   / Елбасы болған кездегі суреттері қоса беріледі/

1991 жылы 1-желтоқсанда Республика жұртшылығы тұңғыш рет Нұрсұлтан Әбішұлы Назарбаевты Республикамыздың Президенті етіп сайлады.
Нұрсұлтан Әбішұлы Назарбаев – Ата-анасын қатты құрмет тұтқан,ұлттық дәстүрде тәрбиеленген, халқының бар қадір-қасиетін бойына жинаған, тілін, тарихы мен мәдениетін, әдет-ғұрпы мен салт-дәстүрін, жетік білетін, ұлтын жан тәнімен сүйетін, оның мәртебесін өсіріп, халқының үміті мен сенімін, ақтап келе жатқан қалың елінің жанашыры, мұңдасы, тағдырласы бола білген ұлтжанды азамат.

Балалар тақпақтар айтады.

1-оқушы

Биіктей бер, Нұр аға,
Қыран қанат талмасын.
Қадірлемей тұрама,
Халық сіздей тұлғасын.

2 - оқушы
Гүлдене бер, Отаным,
Көтерген туын Нұр ағам.
Көбейткен достың қатарын,
Нұр аға - біздің ұлы адам.

 ІІ- аялдама   «Ойлаушымен ой толады» айдарымен жұмыс жасаймыз.Оқушылардың танымдық қабілетін арттыру.

Шарты: берілген суреттер бойынша құрастыру.

1. Бала Нұрсұлтан

2. Назарбаевтың оқушы кезі.
3. Нұрсұлтанның жастық шағы

4. Назарбаев – Елбасы.
Өз столдарында 4 түрлі конверт болады. Соның суретке байланыстысын құрастырады.

ІІІ- аялдама «Рәміздерді тауып көр» айдарымен жұмыс жасаймыз. Бірнеше елдің рәміздерін жапсырып, соның ішінен Қазақстанның рәміздерін тауып, орынына жапсырады

Қазақ елінің жарқын болашағы, халықтарының бірлігі және бейбіт өмірі президентіміз Нұрсұлтан Әбішұлы Назарбаевтың қолында

Ән хормен:  «Көк тудың желбірегені» 

.