Таныстыру

Таныстыру

Төртуыл руы, Тайлақ бабам, Аманбек атам,

Биыл міне наурызда 25-ке толам.

Көпбалалы анамын, келінмін мен аяулы

Демеп келеді үлкендер берген батаң!

Аманбек атам, Мүгілсім апам немересі

Бүгінде сүйіп отыр бізден шөбересін.

Іске асырдым өмір мен еңбек жолда

Айдын әкем, Құралай анамның тәрбиесін!

Математика маманымын осындағы

Білім ордада Мұхтар Әуезов атындағы

Білімін берсін баршаға деп тілеймін

Замананың заңғарының басындағы!

Нағашы жұрттан қонды білем, бұл жолым,

Мерейімді өсірген ұстаз - жолым!

Қабілетін, дарынын ұштап келем

Шәкірт қауым, оқушының ұстамдарын!

Екі жыл бұрын еңбек жолым басталды,

Өнер мектебінде баулып өрен, жастарды!

Ал, бүгінде орта білім беретін

Орында көрдім білім сарай ашқанды!

Педагогпын, сүем осы маманды!

Мақтан етем мұғалім апам, апай, анамды!

Ұстаз деген адамзатты оқытқан!

Жайлап тұрған білімімен ғаламды!

Әдіс-тәсіл көп қолданам жаңаша!

Кейде өзім де ойнап кетем балаша!

Топта жұмыс орындаған қызықты!

Топ мүддесін оқушы байқап, қараса!

ШҚМУ деген үлкен шаңырақ киелі

Әркім одан білім алса, сүйеді:

Елін, жерін, салт-санасын құрметтеп

Тұрған ұстазға, кім болсын, басын иеді!

Көпбалалы ана болам, ардақты,

Сурет салам, би өнерім жан-жақты!

Осындай болып өсуіме ата-анам

Қарап тұрсам бар ғұмырын арнапты!

Байқау десе қатысамын үнемі,

Бала күннен халық демеп жүреді!

Аманбекова Алтынай Айдынқызымын

Абай орта мектебінің түлегі!

Ауылым менің алтын бесік әрдайым,

Ақжарыма барымды енді арнаймын!

Жоғары және кәсіптік білімдерімді

Жас ұрпаққа білім берумен жалғаймын!