Танысу треннингі

Жаттығу «Менің атым және қасиетім»

Қатысушылар шеңбер болып отырады, бір-біріне допты немесе ойыншықты бере отырып, өздерінің атын айтады және өздерінде бар қасиеттерді есімінде, тегінде және әкесінің атының бастапқы әріптерінен басталатын қасиеттерді айтады. Бұл жаттығуды «Қарлы жентек» әдісімен орындауға болады: әрбір келесі қатысушы бұған дейін айтылғандарды қайталайды және өзінің аты мен қасиетін қосады.

Қорытынды: қатысушылардың бір-біріне қасиеттері ұқсамайтындарын айта отырып, дегенмен барлығы жұмысты бірге істейтіндігін атап көрсетеді.

Жаттығу «Мен сенімен жүздесуге қуаныштымын»

Мақсаты: қатысушылардың өзін-өзі тануға жағдай туғызу. Басқаға көңіл сыйлау. Қатысушылардың өзіндік санасы мен рефлексиясына ықпал ету.

Психолог: қазір мынадай тапсырманы орындаңдар: қасыңызда тұрған оқушыға қолыңызды созып, мынадай сөздерді айтыңыз: «Мен сенімен жүздесуге қуаныштымын». Ал ол өзінен кейінгіге осы сөздерді қайталайды.

Сөйтіп қайталанып, барлығы қолынан ұстасып, шеңбер түзеп, ұжым болып келесі жұмысқа ауысады.

Жаттығу «Жүздесу салт жорасы»

Қатысушылар шеңбер жасап, әр түрлі мемлекеттің «амандасу» түрлерін қолдана отырып, бір-бірімен сәлемдеседі. Мен мемлекетті және оның сәлемдесу әдісін айтам, сіздер оны іс-әрекетпен көрсетесіздер:

• Қазақстан мемлекетінде қол берісіп сәлемдесу;

• Италияда – ыстық құшақтасу;

• Зимбабияда - бір-бірінің арқа түйістіру;

• Македонияда – шынтақпен амандасу;

• Никарагуада – бір-бірінің иықтарымен амандасу;

• Австриялық аборигендерде сәлемдесудің 3 түрі қолданылады: алақанмен шапалақтау, секіру, жамбаспен итеру.

Жаттығу «Танысу»

1. Өз есімін айтып, шұғылданатын іс-әрекетіңді айту.

2. Өз есімін айтып, шығу тарихын айту.

3. Өз есімін айтып, қасиеттерді айту.

Ә- әдепті

Д – дарынды

І – ілтипатты

М –мейірімді

І- ізгілікті