«ТАПҚЫРЛАР МЕН ТАПҚЫШТАР»

«ТАПҚЫРЛАР МЕН ТАПҚЫШТАР»

ҰОҚ:  Балалардың  ой- өрісін, қиялдарын  дамытып, шығармашылық қабілеттерін қалыптастыру. Сөздік  қорын молайту. Сыйластыққа, ұжымшылдыққа тәрбиелеу.

Тәрбиеші:-Армысыздар, құрметті қонақтар!

Күндей жадырап,жұлдыздай жарқырап,

Судай мөлдір, таза көңілмен бүгінгі

«Тапқыр мен тапқыштар» – ойын-сайысын  ашық  деп  жариялаймын.

Ортаға 1-ші «Балақай» тобын,  2-ші «Бөбек»  тобын шақырамын.

Тәрбиеші:  

- Сайысымыз 5 бөлімнен  тұрады.               

 1-ші бөлім: Екі  топ  басшыларын  таныстыру.

 2-ші  бөлім: Бәйге, сұрағын оқимын,сендердің  сұраққа  жауап берулерің, шапшаңдықтарың  белгілі  болады.

 3-ші бөлім: Тапқырлар сайысы.Қойылған сұрақтарға жауап  беру.

 4-ші бөлім: Бейнетаспадағы  тапсырма. Қай ертегіден үзінді?

 5-ші бөлім: Құрастыру.Бір  затты екі  тәсілмен құрастыру.  

  Сайысымызды бастамас бұрын әділқазылар  алқасымен таныстырамын.

  Әділқазылар алқасы қонақтардан сайланады.

  Әділқазылар  мүшесінің төрайымы:

  Көмекшілері:

  Енді жеребе тастайық. Ендеше, мына қоржынның  ішінен нөмірленген  асықты алып сайысты қай топ бастайтынын білейік.

 1-ші бөлім:  Екі топ басшыларын таныстыру

  «Балақай» тобы ұраны:

                                      Достар бірге  жүреміз,

                                      Бірге ойнаймыз, күлеміз.

                                      Міне,біздер қандаймыз!

                                      Бөлінбейді  іргеміз,

                                      Әрқашанда біргеміз.

  «Бөбек» тобына бізден жалынды сәлем!

«Бөбек» тобы   ұраны:                                     

                                       Шын жүйріктер сыналады жарыста,

                                       Жарыстың ба, орта жолда  қалыспа.

                                       Тұлпарша жүйткіп шабатын,

                                       Бөбек тобы – жарыста.

«Балақай» тобына бізден жалынды сәлем!

Тәрбиеші:  

-  Кімдер жүйрік, білімпаз біз білейік.

    Бақшамыздың  жеңімпазы деп жүрейік.

    Қазылардан тек қана  әділдікті,

    Ал сайыскерлерге  сәттілік тілейік!

    /Балалар  өздерін таныстырып  болған  соң, дөңгелек үстел басына  отырады./

1-ші топтың сұрақтары.

2-ші  бөлім:   Бәйге, сұрағын оқимын, сендердің  сұраққа  жауап берулерің, шапшаңдықтарың  белгілі  болады.

        Есеп:

1. Қай сан көп 5 немесе 7?  / 7/

2. Бүтін көп пе бөлік көп пе?  /бүтін/

3. 2+6 қосындысы?  /8/

4. Дөңгелек бұрыштарымен болады ма?  /жоқ/

5. 7-1 айырмасы? /6/

           Қоршаған  дүниемен  таныстыру.

1. Қыста қай аңдар ұйықтайды?  / қоңыр аю, кірпі/

2. Ақтау қаласы қай теңіздің жағасында орналасқан? /Каспий/.

3. Байланыс құралдарын ата? /телефон, компьютер, факс, хат, құттықтау хаттары/. 

4. Бейбітшілік  құсын ата? /ақкөгершін/

5. 12 ай нені құрайды?  / жыл /.

            Сауат ашу.

1. Дыбыс  дегеніміз  не?  /Дыбысты естиміз, айтамыз/

2. Сөйлемдердің соңында  қандай белгі тұрады?    / нүкте/

3. Әріп дегеніміз  не?    /дыбысты таңбалайтын таңба/

4. Сөз ойла.  /дыбыстық талдауға сөз ойла  - таға, бақа ..../

5. Бейне  таспадағы сөзді буынға бөліп оқып бер. /Достар/

3-ші бөлім.  Тапқырлар сайысы.

1. Үстел үстінде 2 алма, 2 алмұрт  жатыр, үстел үстіндегі  көкөністердің санын айт?   /жоқ/

2. Кесе, қазан, сандық,  қасық, тәрелке, құман –аталған заттардың қайсысы ыдысқа жатпайды?   /сандық/.

3. Әкеңнің әкесі кім?  /Ата/.

4. Қадай жыртқыш аң  құлпынаймен  қоректенеді? /аю/.

5. Үстел үстінде 3 кесе  қант тұр, соның  2-ін төгіп алды. Үстел үстінде неше  кесе қалды? / 3 кесе/

6. Адам не  жетіспегенде өмір сүре алмайды? /ауа/

7. Әжейдің  немересі Айгүл, күшігі Ақтөс,мысығы  бар.Әжейдің неше немересі  бар?  /бір  немересі/

8. Ертегідегі  бауырсақтың  шашының  түсі  қандай?  /жоқ/

9. Бос ыдыстың  ішінде неше жаңғақ  бар? / Жоқ/.

10. Тасбақа барлығынан  озып шығады  дейді. Осы рас па?/жоқ/      

Тәрбиеші:   

-Көңіліміз қаласа,

 Сыртқа шығып таласа.

 Қар  лақтырып ойнаймыз.

 Қыстың күні тамаша.

Сергіту сәті: «Қатып қал»

Дәрумендік  үзіліс.  ( алма тосабын  ішу)

4-шы бөлім.  Бейнетаспадағы  тапсырма.

1-ші тапсырма:  Оқыған үзіндіден ертегінің атын табу.   

-Қарлығаштың амалы таусылып, шырылдап  ұшып келе жатқанда  Дәуітті кездестірді.

- Сүйкімді  достым, неге  зарлана жылайсың?-деп сұрады  Дәуіт Қарлығаштан. /Қарлығаш пен Дәуіт/

2-ші тапсырма: Мақал мәтелді аяқта. Дені саудың,  /жаны сау/

5-ші бөлім.  Үлгіге  қарап  бір затты  екі  тәсілмен  құрастыру.

 2-ші топтың  сұрақтары.

2-ші  бөлім:  Бәйге, сұрағын оқимын, сендердің  сұраққа  жауап берулерің,  шапшаңдықтарың  белгілі  болады.

       Есеп.

1. 7 санына байланысты қандай ұғымдар бар? /жеті киелі сан/

2. Қай пішінге  4 -деген сан лайық?   /шаршы, төртбұрыш/

3. Аптаның үшінші күні қалай аталады? /сәрсенбі/

4. 7+3 қосындысы? /10/

5. 5 санның көршілерін ата? / 4-6/.

       Қоршаған  дүниемен  таныстыру.

1. Біздің Республикамыз қалай аталады? /Қазақстан/

2. Тиін  немен қоректенеді? /жаңғақ/

3. Сиыр – бұзау, жылқы –құлын, ешкі -  ?/лақ /

4. Бағдаршам не үшін қажет?  /жол тәртібін реттеу үшін/

5. Сен қай балабақшаға барасың? /«Дарын» гимназиясына/

        Сауат ашу                

1. Ата сөзінде неше  буын бар? /екі/

2. Қай сөздер бас әріппен жазылады? /адамның есімдері, қаланың аттары/

3. Дыбыстар нешеге бөлінеді? /екіге/

4. Сөз ойла.  /дыбыстық талдауға сөз ойла  - тан, нан, лақ ..../

5.  Бейне таспадағы сөзді буынға бөліп оқып бер. /Ана/

3-ші бөлім.  Тапқырлар сайысы.

1. Табақта үш алма, қолымда екі алма. Қосқанда барлығы, болады неше алма?  /бес алма/

2. Кітап неден жасалған? /қағаздан/

3. Анаңның анасы саған кім болады?  /Әже/

4. Екі қойдың неше аяғы бар? /8/

5. Кітап, дәптер, тон,  қалам, қарындаш – аталған заттардың қайсысы оқу  құралына  жатпайды?  / тон/

6. Екі қолымызда неше саусақ бар?  /он саусақ/.

7. Үйге келді Мадияр, оған қоса Алдияр, кейін келді Адина. Қанша болды үйде бала?  /Үш бала/

8. 1 жұмыртқа 3 минутта піседі, ал 4 жұмыртқа неше минутта піседі?  /3 минутта/

9.  4 санның құрамын ата?  / 2+2, 3+1, 0+4/

10. Біздің ғаламшарымыз қалай аталады? / Жер/

4-шы бөлім. Бейнетаспадағы тапсырма.  

1-ші тапсырма:  Оқыған үзіндіден ертегінің атын табу.     

Баласы көшеге шығысымен-ақ  шақыр деген кісілердің  аты-жөнін  ұмытып  қалады. Үйге барып, қайыра сұрауға бата алмайды. Ол  тұрып-тұрып: «Ауылдың адамын тегіс шақырайын, солармен шақыр деген адамдары да келер»,-деп ойлады.  /Қайырымды қоян/

 2-ші  тапсырма:  Мақал-мәтелді аяқта.

Денсаулық -    /зор байлық/

5-шы бөлім. Үлгіге қарап бір затты екі тәсілмен құрастыру

 Тәрбиеші:

- Құрметті  қонақтар,  бүгінгі сайысты  жабық деп  жариялай отырып, балалардың  орындауында  «Бақшадағы  достарым» әнін қабыл    алыңыздар.

Балл санау. Қорытындылау. Марапаттау.