"Тапқырлар тартысы"

Сыныптан тыс сабақ

Тақырыбы: "Тапқырлар тартысы" 

Сыныбы: МАД «ә» тобы

Мақсаты: Сынып оқушыларының пәндер бойынша алған білімдерін саралау, топпен бірлесе отырып жұмыс істей білуге үйрету. Оқушылардың сөздік қорын молайту, дүниетанымдарын кеңейту, тіл байлығын, шығармашылық қиялын, логикалық ойлау қабілеттерін дамыту, өз ойларын еркін жеткізе білуге дағдыландыру.

Сабақтың түрі: өткен білімді бекіту.

Сабақтың типі: жарыс сабақ

Әдіс - тәсілдері: сұрақ - жауап, топпен жұмыс.

Көрнекілігі: топ аттары жазылған қағаздар, интербелсенді тақта, слайд.

Сынып сағатының барысы

I. Ұйымдастыру бөлімі

Құрметті ұстаздар, оқушылар!"Тапқырлар тартысы " сайысына қош келдіңіздер!

1. Оқушыларды топқа бөлу: I. топ" Астана"

II. топ "Болашақ"  

ІІІ. Топ «Бәйтерек»   

2. Тақырыпты, мақсатты хабарлау.

3. Әділқазылар мүшелерімен таныстыру

4. Жарыстың шартымен таныстыру.

Жарыс 5 кезеңнен тұрады.

1. «Сиқырлы сөздер».

2. «Кім зерек?»

3. Кім көп біледі?

4. «Кім жылдам?»

5. Жұмбақшылар сайысы

ІІ. Негізгі бөлім

1– кезең. "Сиқырлы сөздер"

Қазір экранға назар аударайық.  Әр топқа әріптер беріледі. Сол әріптерге сөз құрау керек. Қай топ көп сөз құрайды сол топта көп ұпай болады.(Әр сөзге 5 ұпай. 5 минут уақыт беріледі).

2 - кезең."Кім зерек?" кезеңінде сұрақтар қойылады. Қай топ бірінші болып бағдаршамды көтерсе, сол топ жауап береді. Әр дұрыс жауапқа 10 ұпай.

1. 5 ке 2 санын қосқанда неше болады? (7)

2. Б дыбысы қандай дыбыс? ( Дауыссыз дыбыс)

3. Табиғат нешеге бөлінеді? ( Жанды және жансыз)

4. Бір аптада неше күн бар? (7)

5. Бір жылда неше мезгіл бар? (4)

6. Дыбыстар неше түрге бөлінеді? (2. Дауысты, дауыссыз)

7. Жаздан кейін қай мезгіл? (Күз)

8. Дауысты дыбыс дегеніміз не? (дауысты дыбыс әндетіп, созылып айтылады)

9. Қазақстан Республикасының астанасы қай қала?(Астана)

10. Біздің елбасымыз кім? (Н. Ә: Назарбаев)

3 - кезең "Кім көп біледі?" Бұл кезеңде әр топқа сөздер жазылған парақ беріледі. Сөздерге дыбыстық талдау жасайды. Әр дұрыс талданған сөзге 10 ұпай

4- кезең "Кім жылдам?"

Қима суреттер беріледі және сол суретке сөйлем құрау. Қай топ бірінші құрайды 15 ұпай, екінші құрағанға 10 ұпай, үшінші құрап біткенге 5 ұпай.

5-кезең "Жұмбақшылар сайысы " жауабын білетін топ жалаушаларын көтереді (10 ұпай)

1.Суға салса батпайды,

Отқа салса жанбайды. (Мұз)

2.Қабы сояу,

Діні бояу. (Қарындаш)

3.Тілі жоқ өзінде,

Сөзі бар ізінде. (Қалам)

4.Білімнің жол басшысы,

Шәкірттің қолбасшысы. (Мұғалім)

5.Кішкентай ғана бойы бар,

Айналдырып киген тоңы бар. (Қой).

6. Қабат-қабат қаптама,

Ақылың болса аттама. (Кітап)

7. Үй үстінде алтын тас,

Алайын десем алынбас. (Жұлдыз)

8. Жағасы құрақ,

Мөлдір суат. (Көз)

9. Асты тас, үсті тас,

Ортасында шандыр бас (Тасбақа)

10. Аппақ ас, сызы бар,

Балалар қызығар. (Балмұздақ)

ІІІ. Қорытынды бөлім

Әділқазыларға сөз беру. Жеңген топты анықтау. Марапаттау.

Ойын толқын жатқандай асып, тасып,

Біреу мығым, біреулер шалыс басып.

Бұл ойыннан өтеді ғұлама ойлар.

Жеңсең де, жеңілсең де қалма жасып дей отырып бүгінгі сайысымызды аяқтаймыз. Қош сау болыңыздар!