Тақырыбы: Біздің ойыншықтарымыз

Білім беру саласы: Коммуникация.
Бөлімі: Сөйлеуді дамыту.
Тақырыбы: Біздің ойыншықтарымыз
Мақсаты: балалардың ойыншықтар туралы түсінігін молайту, сөйлеуде зат
есімдерді жекеше, көпше түрде қолдану,сөздерде дауысты «ә-ө» дыбыстарды
анық айта білуін қалыптастыру.
Міндеті: а) Білімділік: балалардың ойыншықтар туралы түсініктерін
кеңейту, ойыншықтардың аттарын атай отырып, оларды сипаттап айтуға
дағдыландыру.
ә) Дамытушылық: жануарлардың төлдерінің аттарын жекеше, көпше
түрде айту қабілетін дамыту.
б) Тәрбиелік: ойыншықтарды күтіп ұстауға тәрбиелеу.
Күтілетін нәтиже:
Жасайды: «ә», «ө» дыбыстарын дұрыс айтуға арналған тапсырмаларды;
Түсінеді: жануарлар мен олардың төлдері туралы мағлұматтарды;
Қолданады: педагог сұрақтарына тыңғылықты жауап беру іскерліктерін;
Алдын ала жүргізілетін жұмыс: әңгімелесу.
Сөздік жұмыс: қозылар, күшіктер.
1.Ұйымдастырушылық кезең.
Шаттық шеңбері.
Біз қандаймыз, қандаймыз?
Шұғылалы таңдаймыз,
Күлімдеген күндейміз,
Еш уайымды білмейміз.
2.Негізгі кезең.
– Балалар, сендерді ата-әжелерің, әке-аналарың қандай сөздермен еркелетеді?
– Сендерді үлкендердің жақсы көретіні соншалық, төрт түлік малдың
төлдерінің аттарымен еркелетеді екен. Педагог балаларға бір үй жануарының
және олардың бірнешеу болып тұрған суреттерін көрсетеді.
– Балалар, қандай үй жануарларын білесіңдер?
Олардың баласы (төлі) қалай аталады?
– Бірнеше қозыны қалай айтамыз?
– Бірнеше күшікті ше?
Билингвалды компонент: қозы – ягненок,күшік – щенок.
Сергіту сәті:
Құлыншағым, құндызым,
Құлдырайды, шабады.
Жылтыңдаған жұлдызым
Құстай қанат қағады.
«Не қалай дыбыстайды?» дидактикалық ойыны.
Шарты: үлестірмелі суреттерді пайдалана отырып, жануарлардың қалай
дыбыстайтынын қайталайды. Педагог жануарлардың суретін көрсетеді.
– Бұл не?
– Сиыр.
– Сиырдың төлі қалай аталады?
– Бұзау.
Олар қалай дыбыстайды?
«Мө-мө-мө» дейді, яғнимөңірейді.
– Мынау не?
– Қой.
– Қой төлін қалай атаймыз?
– Қозы, қошақан.
– Қой мен қошақан қалай дыбыстайды?
– «Мә-мә-мә» дейді, яғни маңырайды.
Балалармен үй жануарлары және оның төлдерін атап, қалай
дыбыстайтынын сұрау.
Рефлексия: Балалардан үйде, балабақшада кіммен ойнайтындарын, қандай
ойыншықтарды жақсы көретіндері, қандай үй жануарларын білетіндерін,
олардың төлдерін қалай атайтындары туралы сұрақ-жауап әдісі арқылы
сұрау.