Тақырыбы: Бөлімді қайталау. Әдебиеттік оқу. 4-сынып

Сабақтың тақырыбы: «Өткен өмірден» бөлімін қайталау.

Сабақтың мақсаты: Бөлім бойынша алған білімдерін қалай меңгергендерін тексеру. Оқушыларға өздеріне тұжырымдар жасатып, өз ойларын дәлелдету. Ой қозғауларын пайдаланып, сұрақ қою арқылы жан-жақты ойлауға үйрету. Өзіндік жұмыс істеуге, ізденуге үйрету. Отанын қорғайтын, ер жүректі, патриот азамат етіп тәрбиелеу.

Сабақтың түрі: дамытушылық

Әдістері: ой қозғау, сұрақ-жауап, көрнекілік стратегиясы

Пәнаралық байланыс: дүниетану, орыс тілі, математика

Көрнекіліктері: ғажайып үштік, бақылау картасы, қоржын, құпия сөз

Сабақтың барысы: І. Ұйымдастыру кезеңі.

1. Оқушылар назарын сабаққа аудару.

2. Кезекші мәліметін тыңдау.

ІІ. Үй тапсырмасын тексеру.

І. Полиглот. Берілген әріптерден сөз құрау, оны орыс тіліне аудару.

Т, о, н, а Отан – Родина

Т, е, к, м, п, е мектеп – школа

Е, ж, р жер – земля

Б, ы, т, р, а батыр – герой

ІІ. Ғажайып үштік. Оқушылар өздерінің қалаған сандарын таңдап, берілген сұрақтарға жауап беру.

1- Мәтіннен Қ. Рысқұлбеков жөнінде не білдің?

2- Әңгімеде Қайраттан басқа тағы қандай «Желтоқсан құрбандарының» аттары аталған?

3- Желтоқсан оқиғасы қашан болды?

4- Оқиғаға қатысушылардың арман-тілектері не еді?

5- Қазақстан қай жылы өз тәуелсіздігін жариялады?

6- Қайраттың ата-анасының есімдері кімдер?

7- Қазақ жастары не үшін көтеріліске шықты?

ІІІ. Жаңа сабақ.

Бақылау картасы. Берілген сұрақтарды жауаптарымен байланыстыру.

ІҮ. Құпия сөз. А) Ребусты шешкенде батырлар туралы мақал-мәтел шығады.

Ә) Кертіктерді сәйкестендіріп мақал-мәтел құрастыру.

Ү. «Хан талапай» ойыны. Нөмірленген асықтардағы сұрақтарға жауап беру.

№ 1- асық. Төмендегі жоспарлардың қай мәтіндерге қатысты екенін тап.

1-жоспар 2-жоспар

А) Нар бала а) Абақтыда

Ә) Қабанбай ә) Айыптау қорытындысы

Б) Дарабоз б) Кездесу

№2- асық. Бауыржан Момышұлы Кеңес Одағының батыры атағын қай жылы алды?

№3-асық. Ағыбай батырдың ерлігін, даңқын халқы қалай шығарды?

№4-асық. Болат қайнауда шынығады,

Батыр майданда шынығады. (Мақалдың мағынасын аш)

ҮІ. Сабақты қорытындылау. «Батыр» сөзіне ассоциация құру.

- Яғни, оқушылар бұл бөлім ақ найзаның ұшымен, ақ білектің күшімен елімізді қоршаған жаудан қорғаған ер бабаларымыз, арыстай азаматтарымыз туралы оқып білдік.

Ұлыларымызды ұмытпай есімдерін қастерлеп өту – біздің парызымыз.

Ү. Үйге тапсырма:

1. Тарау материалдарын қайталау.

2. Мақал-мәтелдерді оқып, жаттау.