Ұйымдастырылған оқу қызметінің технологиялық картасы

Тобы: «Ботақан» II кіші

Білім беру саласы: Коммуникация

Бөлімі: Сөйлеуді дамыту

Тақырыбы: Жәндіктер

Мақсаты: Балалардың сөздік қорын дамыту, табиғаттағы тіршіліктің оянуын, жәндіктердің тіршілігі, олардың атауы, пайдасы мен зияны туралы түсініктер беру. Тақпақтар, мақал – мәтел, жұмбақ шешу арқылы, балалардың ойлау қабілетін жетілдіру. Жәндіктерді ажырата білуге жаттықтыру.

Дамытушылық: есте сақтау қабілетін дамыту.

Тәрбиелік мәні: табиғатты қорғау, оларға қамқорлық, адамгершілікке, достыққа баулу. Көрсету, әңгімелеу, тірек сызба арқылы жұмбақ шешу, ойын түрлері әдіскерлік тәсіл ретінде қолданылады.

Сөздік жұмыс: зиянды, пайдалы

Көрнекілік: жәндіктер суреттері, дидактикалық материалдар, жәндіктер.

Балалар қонақтармен сәлемдесіп, шаттық шеңберіне жиналу.

Шаттық шеңбері:

Табиғат біздің анамыз

Табиғатқа баламыз

Иіліп сәлем береміз

Біз әдепті баламыз.

Балалар, бүгінгі оқу іс – әрекетіміздің тақырыбы «Жәндіктер»

Балалар, Қатынас, Таным, Өнер, Ғылым орталықтарына бөлініп отырады.

«Қатынас» орталығы

Балалар, қазір қай мезгіл? (Көктем мезгілі)

Көктем мезгілінде неше ай бар? (Үш ай бар)

Үш айды атаңыз? (Наурыз, сәуір, мамыр)

Көктем мезгілінде қандай өзгерістер болады? (күн жылынады, ағаштар бүршік жарады. Құстар жылы жаққа ұшып келеді, жәндіктер жер бетіне шыға бастайды.)

Мына жәндіктер қалай аталады? (Көбелек, ара, инелік, өрмекші, құмырсқа, қоңыз)

Бұл жәндіктердің пайдасы қандай? (Бал алады, зиянды құрттардан тазартады.Көбелек гүлдерді тозандандырады, талшығынан жібек мата алынады.Қоңыз өсімдіктердің жапырағын зиянды құрттардан тазартып, емдейді. Құмырсқа еңбекқор, илеуіне қонған құстардың үстіндегі бүргелерін тазартады.Шегіртке зиянды көк шөптерді, егінді жеп құртып отырады. Шегірткелер топталып жүреді. Ара гүлдердің шырынынан бал жинайды. Қоңыздар топырақты қазып шіріген заттарды ыдыратып табиғат тазалығын сақтауға үлес қосады. )

Жәндіктер туралы кім тақпақтар біледі?

1. Балалар – ау, балалар!

Алаңқайға шығайық

Көктем тілін ұғайық

Құрт – құмырсқа, көбелек

Ұшып жүрген бөгелек

2. Ызыңдайды күнімен

Ызыңдайды түнімен

З-з-з-з-з-з-з-з-з-з-з-з-з-

Құпиясын біліп ал:

Қашады ол түтінен.

3. Ұстап алдық қоңызды,

Жақтырмады ол бізді

Гүж –гүж – гүж –гүж

Айтып жүрме ренжіп!

Ж-ж-ж-ж-ж-ж-ж-ж-ж

4. Көбелек пен инелік

Қалды тіптен именіп

Мұңды әуен бастады

Шегірткеміз күйзеліп

Ш-ш-ш-ш-ш-ш-ш-ш-ш

Жұмбақ шешу

1. Екі басы жұдырықтай

Ортасы қылдырықтай

/құмырсқа/

2. Ызыңдап ән салып

Лас жерге қонады.

/шыбын/

3. Тоқыған ауы – шыбынның жауы

/өрмекші /

4. Жіп – жіңішке инедей,

Екі көзі түймедей.

Тікұшаққа ұқсайды,

Бірақ биік ұшпайды.

/инелік /

5. Гүлдерге қонады.

Шырынын сорады

Түрі – түсі сары – ала

Бұл не ? /ара /

6. Өзі кілем түрінде,

Құдды қырдың гүліндей,

Гүлге қонса кетеді,

Айырмасы білінбей.

/көбелек /

«Таным» орталығы

Балалар, қандай жәндіктерді білесіздер ? (көбелек, ара, инелік, шегіртке, құмырсқа)

Жәндіктердің бейнесін құрастыру.

Балалардың алдарында конвертті ашып, жәндіктерді бейнесін құрастырып шығару.

Сергету сәтті: ойын «қай жәндік қалай дыбыстайды?»

Жәндіктер қалай дыбыстайды?

Ара – ызылдайды. (Ыз –ыз –ыз -ззззз)

Шыбын – ызыңдайды. (ыжжж- ыжж)

Шегіртке – шырылдайды.

Бақа – бақылдайды, құрылдайды.

Ойын «Не артық»

(жәндіктер мен құстар)

«Ғылым» орталығы

Балалар, біздерге жәндіктердің пайдасы өте зор. Жәндіктердің адам денсаулығына тигізер маңызы өте жоғары. Өрмекшінің өрмегі қаны тоқтамаған жараға ем. Араның балын жаңғаққа араластырып қан айналымын жақсарту үшін пайдаланылады. Жаңғақтың қоректік құны жоғары. Оның құрамында ақуыз, қанықпаған май қышқылы, темір бар. Ол адам денесіне өте қажетті пайдалы азықтық ретінде қарастырылады. Миды қуаттандырады, қан айналысын жақсартады, өтке байланған тасты ерітеді. Е дәрумені бар.құмырсқадан амин қышқылын алады.

Күтілетін нәтеже

Білуі керек: жәндіктер туралы білуі

Болуы керек: есте сақтау қабілетті