Тақырыбы: «Шалқан» ертегісі

Білім беру салалары:  «Коммуникация» «Таным» «Драма» «Әлеумет»
Ұйымдастырылған оқу-іс әрекетінің түрі: Қоршаған ортамен таныстыру, сөйлеуді дамыту.

Тақырыбы: «Шалқан»ертегісі
Мақсаты: « Шалқан» ертегісі туралы мағлумат беру, Шалқан ертегісін көрсете отырып,балаларға бір отбасының татулығын,бірліктерін көрсету.Ертегіні сахналау арқылы ой-қиялын дамыту.Есте сақтау қабілеттерін жеткізу.
Көрнекіліктер: Шалқан, ағаштар,көрініске қажет құралдар.
Тәрбиеші: 

- Қараңдаршы балалар, бізге қонақтар келіп қалыпты.Алдымен қонақтармен амандасып алайық.Балалар шаттық шеңбер құрып амандасады.

Балалар: 

Біздің топта балалар

Тату-тәтті ойнайды

Дос көңілі әрқашан

Тек жақсылық ойлайды.
Тәрбиеші: 

Балалар,сендер қандай ертегі білесіңдер?

Балалар: Үйшік,Шалқан,Бауырсақ,Ақымақ қасқыр,Қызыл телпек.

Тәрбиеші: Балалар біреу есік қағып тұрған сияқты,тәрбиеші есік ашады.

Балалар бізге қонақ келген екен,қонағымызды қарсы алайық.

Ғажайып сәт:
Қоян келеді Сәлеметсіздерме балалар!Мен бүгін сендерге әдейі орманнан «ертегілер еліне» қонаққа келіп тұрмын.«Ересектер»тобының бүлдіршіндері «Шалқан» ертегісін сахналайды деп,орманда жүріп сауысқаннан естіп,арнайы келдім.Сіздерге тапсырмалар ала келдім.

Тәрбиеші: Қоян,сіз дәл уақтында келдіңіз,олай болса балалармен қосылып,ертегіні тамашалауға шақырамыз,балалардың арасынан орын алып отыра қойыңыз.

Әуенмен шалқан ертегісі басталады

Тәрбиеші: 

Ерте,ерте,ертеде бір кемпір мен шал өмір сүріпті.Олар үй шаруашылығына,ата есіктің алдына шалқан егіпті.Күндердің бір күніде Шалқан күннің ыстық сәулесімен үлкен болып өсіпті. Жаз мезгілінде көбелектер билеп жүреді.

Қоян; Балалар,сендер санап білесіңдерме?

Тәрбиеші: 

-Біздің балалар 1-7 ге дейінгі сандарды санай алады.

1-Тапсырма;

Балалар;

-1,2,3,4,5,6,7.

Тәрбиеші: М.Мантессори технологиясы бойынша «Матемеатикалық аймақ»бөлімі арқылы

Дидактикалық ойын: «Заттардың санын тап»

Суреттегі заттарды санап, қыстырғыштағы заттың санына сәйкес белгіле.

Тәрбиеші: 

Жаз өтіп ,күз келеді.Шалқан пісіп жетіледі.

Ата:Ой бәрекелді, менің еккен шалқаным үлкен болып өсіпті.Бәріне жететін болды.

Тәрбиеші: Осылай еңбегіне қуанып шалқанды тартпақшы болады.Әрі тартады,бері тартады,шалқанды жұла алмай қояды.

2-Тапсырма;Жұмбақтың жауаптарын тап.

Қоян;Жарайсыңдар балалар тапсырманы дұрыс орындадыңдар.

Ата:Ойбай шаршап кеттім,белім де ауырады.Қой көмекке кемпірді шақырайын.

-Кемпірім,кемпірім, көмекке келші,қарашы шалқанымыз үлкен болып өсіпті!Жалғыз өзім тарта алмай қойдым.Кел,екеуміз бірге тартайық!

Кемпір:Ой,шынында үлкен болып өсіпті ғой!Кел тартсақ тартайық!

Тәрбиеші:

Осылайша атаның артынан ұстап әрі тартады,бері тартады.Бірақ шалқанды қозғалта алмайды.Кемпір қызын көмекке шақырады.

Кемпір:Қызым,қызым бізге көмекке келші.Атаң еккен шалқанды жұла алмай жатырмыз.

Қыз:Үйдіде мен тазалаймын,едендіде жуамын енді не дейсіздер.Жарайды енді апа сізге көмектесейін.

Тәрбиеші:

Сонымен қызы көмекке келеді.Бірақ күштері жетпейді.Сонымен қыз көмекке итін шақырады .

Қыз:Итім-итім көмекке келші.

Ит:Аф-аф маған алдымен тамақ бер,сонда көмектесейін

Тәрбиеші:

Ит қыздың етегінен,қыз кемпірдің етегінен,кемпір шалдан,шал шалқаннан ұстап ары тартады,бері тартады,бірақ шалқанды суыра алмайды.Енді ит көмекке мысықты шақырады.

Ит:Мысық,мысық бізге көмекке келші,атам еккен шалқанды жұла алмай жатырмыз.

Мысық: Мяу-мяу,көмектесіп жіберейін.

Тәрбиеші:

Мысық иттің құйрығынан ит қыздың етегінен,қыз кемпірден,кемпір шалдан,шал шалқаннан ұстап әрі жұлқылайды,бері жұлқылайды,бірақ шалқан шықпайды.Енді

мысық көмекке тышқанды шақырады.

Мысық:Тышқан,тышқан маған көмектесіп жіберші.

Тышқан:Әрине көмектесіп жіберейін.Олар тарта-тарта шалқанды суырып алады.

Әже;Мен тамақ әэірлегенше,мысығым ән айтып берсін.

Тәрбиеші:

Әжесі шалқанды қосып тәтті тамақ әзірлейді.Бәрі тағамнан ауыз тиеді.

Тышқан:-Бұл тағам өте дәмді екен.Егер келесі жолы тағы көмегім қажет болса мені . шақырыңдар. Мен шалқанды өте жақсы көремін .

Тәрбиеші: Балалар біз қоянмен бірге шалқан ертегісін тамашаладық.Қоян сізге рахмет

Біздің балалармен бірге болып ертегі тамашалағаныңызға .
Қорытынды:

Тәрбиеші:

- Балалар осымен біздің Ертегілер елінде атты ұйымдастырылған оқу қызметіміз аяқталды. Сіздерге ертегі ұнады ма?

Балалар: Ия.

Тәрбиеші: Ертегіде қандай кейіпкерлер ұнады?

Балалар: Ата,әже,қыз .

Тәрбиеші:Шалқан көкөніспа,жеміспа?

Балалар: Көкөніс

Өте жақсы,балалар. Ұйымдастырылған оқу қызметіне жақсы қатысқандарыңыз үшін сіздерге рахмет айтамын.Қонақтарымызға рахмет,сау болыңдар.

Ақтау қаласы әкімдігінің білім бөлімінің «№35 «Балдырған»

мемлекеттік коммуналдық қазыналық кәсіпорны

«Бекітемін»

№35 «Балдырған» бөбекжай директоры

_____________М.М. Кабдрахманова

« » 2020жыл

«Шалқан» ертегісі

/ ашық ұйымдастырылған оқу қызметі /

Дайындаған: №8 ересек топ тәрбиешісі

Оразшаева У.О.

Өткізген: №8 ересек топ тәрбиешісі

Оразшаева У.О.

Ақтау қаласы

2019-2020 оқу жылы