Тақырыбы: «Салт –дәстүрім таусылмайтын байлығым»

Мақсаты:

1. Балалардың бойына халқымыздың рухани байлығын сіңіру,ұлтымыздың дәстүрлерінен үлгі алдыру

2. Ана тіліне деген қызығушылықтарын арттыру

3. Балаларды ұлттық салт дәстүр үлгісінде тәрбиелеу.

Көрнекілігі: нақыл сөздер, мақалдар, жұмбақтар

Түрі: дәстүрден тыс сабақ

Барысы: Ұйымдастыру кезеңі

Құрметті балалар! Бүгінгі тәрбие сағаттының негізгі мақсаты-өз халқымыздың салт-дәстүрлері ,асыл қазыналары туралы балаларымызға ,түсіндіріп,бойларына сіңіру.

Бала тәрбиесіне жалпы адам тәрбиесіне терең мән беріп,оның сәтті қағидалары мен ережелерін жасағандардың бірі –өзіміздің қазақ халқы. Қай сөзін оқып мән берсек, астарында терең ой жатады.халқымыздың көнеден келе жатқан салт –дәстүр әдет ғұрып үлгілері мен өнері соның айғағы.қазір сіздер осы айтылғандарыдың шағын болса да куәсі боласыздар.

Гүлбақыт:

Туған соң адам боп,

Білімсізден жаман жоқ

Ел дәстүрін білмесең ,

Жұрт айтады надан –деп

Әдия:

Ата-бабаң ардақты

Жамандыққа бармапты

Ардай тұтып үлкенді

Ата жолын жалғапты

Нұрбақыт:

Бауырласқан тәніміз

Бұзылмаған антымыз

Кең даланың ежелгі

Қазақ дейтін халқымыз

Өзге ұлттай біздің де,

Бар дәстүр мен салтымыз

Би: «Қамажай»

Көрініс : «Сүйінші!»

Қуанышты жеткізуші бала «Сүйінші! Сүйінші! –деп келеді. Мұндайда қуанған бала,үй иесі :«Қалағаныңды ал!»-дейді Бұл шын қуануды ризашылықты білдіреді.

Ендігі кезекте салт –дәстүр туралы әңгімені балалардың өздері баяндайды.

1.Әлия:

Шашу – қуаныш хабар ретінде жасалатын салтанатты дәстүр. Бала дүниеге келгенде келін түскенде, құда келгенде осындай қуанышты кезде әжелеріміз тәттілер шашады.

2.Кәусар:

Қонақ күту - үйге келген қонақты құрметтеп қарсы алып, мал сойып, қонақасы беру -жомарттықтың, елдіктің белгісі.

3.Мейрамбек:

Сәлем беру - алыс жолдан келген жолаушы немесе сол елдің баласы ауыл ақсақалдарына немесе белгілі адамдарға әдейі іздеп келіп сәлем береді.

Ендігі кезекті дайындаған «Тұсау кесу» рәсімінен көрніс.

№31 «Күншуақ» МДҰ

«Салт –дәстүрім таусылмайтын байлығым»

(Тәрбие сағаты)

№4 «Балдәурен» ересектер тобы.

Тәрбиешілер: А.Ж.Жуканова

Ж.Т.Ашықбаева

Ақтөбе -2018 жыл