Сабақ мақсаты:

әр оқушының өзіндік мүмкіндіктеріне сеніп, оларды қабілеттеріне орай дұрыс іс-әрекет етуі және талпыныс арқылы мақсатқа жету туралы түсініктерін тереңдету.

Міндеттері:

• Адам бойындағы күш-жігері мен қабілеттеріне сенім білдіру туралы

түсініктерін тереңдету;

• Әр оқушының өз мүмкіндігіне сенуіне, табандылық қасиеттерін дамытуына ықпал ету;

• Өз бойларындағы мүмкіндіктерін бағалай білуге және дұрыс іс-

әрекет ету арқылы мақсатына жете білуге тәрбиелеу.

Ресурстар

Сабақ барысы:

1. Ұйымдастыру кезеңі. Тыныштық сәті.    Нұрға бөлену

  Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде  отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

Сұрақ:

Қандай сезімді бастан кешірдіңдер?

Баяу музыка

Үй тапсырмасын тексеру

Үй тапсырмасы: «Мен қандай адам болғым келеді?» сұрақтарға жауап беру

Оқушылардың «Менің қалауым не? Мен нені жақсы көремін?

Мені не қызықтырады ? Сұрақтарына жазған жауаптарын оқыту

1. Дәйексөз.

2. «Ізденген жетер-мұратқа». Халық нақылы

3. Сұрақтар:

4. Дәйексөздің мағынасын қалай түсінесіңдер?

Әңгімелеу. «Бүркіттің досы-сұңқар»

Құстарға ерекше қасиеттері қалай көмектеседі?

Жақсы адам болу үшін қандай қасиеттеріңді дамытар едің?

 Оқулық

17 бет

Шығармашылық жұмыс

5-тапсырма: Көп нүктенің орнына қажетті сөздерді қойып өлеңді оқыңдар.

Оқулық, 16 бет

Жоба күнделігін толтыру.

Менің қандай қабілеттерім бар?

Мен достаса аламын ба?

Мен достарыммен бірге не істегенді ұнатамын?

Жұмыс дәптері

1 оқушыға оқыту

Адам алдына мақсат қоя білуі керек. Мақсаты айқын адам оған қол жеткізуге талпынады. Мақсатқа жетуге талпыныс-адамды сенімді, жігерлі, күшті етеді.

«Жаңаны білеміз» айдары

Топпен ән айту Өлеңі: Н.Баймұхамедов

Әні: Б.Байқадамов

Көлдей шалқып жас өмір,

Тасып жатқан шағында

Кемерінен шалықтап,

Асып шатқан шағында

Ойын ойнап, ән салмай

Өсер бала болар ма

Күміс күлкі көрмей ол

Кемеліне толар ма.

Қ-сы:

Айгөлек ау айгөлек,

Айдың жүзі дөңгелек,

Айдай толған кезімде

Би билеймін дөңгелеп.

Асыл сөздің ұстасы-

Ақын болар ұрпақпыз

Өнер, білім, еңбекке,

Жақын болар ұрпақпыз

Он саусағы майысқан

Шебер болар ұрпақпыз,

Тұла бойы толған бір

Өнер болар ұрпақпыз.

Айгөлек ау айгөлек,

Айдың жүзі дөңгелек,

Айдай толған кезімде

Би билеймін дөңгелеп

Үй тапсырмасы

«Қожа Ахмет Йассауи» Аңызды оқу.

 Оқулық, 20 бет

1. Соңғы тыныштық сәтi.

Баяу музыка қосылады.

- Көзімізді жұмып, тыныштықта  бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.Баяу әуен қойылады.