Жалпыадамзаттық құндылықтар күнін өткізу аясында «Сүйіспеншілік – әрбір жүректе » атты іс - шараның ашылуы.
Мақсаты:- Жалпыадамзаттық құндылықтар аясында оқушыларға махаббат, бақыттың құндылық ретіндегі мағынасы және мейірімді адами қасиеті мен өзара көмек әрекеттері туралы түсінік беріп, қамқорлық жасау, көмек көрсету дағдыларын дамыта отырып, рухани адамгершілік қағидаларын өз бақыты үшін дұрыс қолдана білуге, өмірді бағалай білуге тәрбиелеу.- Оқушыларды өз болашағының бағытын айқындап, мақсат қоя білуге үйрету;- Оқушылардың өзін-өзі тәрбиелеу, өзін-өзі жетілдіру арқылы болашаққа құштарлығын дамыту;
І жүргізуші: Өзіңді тану – ғаламды тану,Жақсы менен жаманды тану.Өзіңді - өзің талқыға салып,Адал менен арамды тану.
ІІ жүргізуші: Қателігіңді түсіне білу,Дұрыс жүріп, күтіне білу.Үлкенді сыйлап, кішіні сүю,Күлетін жерде жөнімен күлу.
І жүргізуші: Сабақты оқып, тәртіпті болу,Білімді жинап, дүниені шолу.Өзіңді өзің тану дегенің,Өз бойындағы мініңді жою.
ІІ жүргізуші: Армысыздар, құрметті ұстаздар мен оқушылар! Бүгінгі Жалпыадамзаттық құндылықтар күнін өткізу аясында «Сүйіспеншілік – әрбір жүректе » атты іс - шараның ашылу салтанатына қош келдіңіздер!
І жүргізуші: Көңілденіп тұрайық жылы жүзбен,Бізге келсін қуаныш, нұр іздеген.Мейірім толған жанымыз, жүрегіміз,Үлгі алсын көрген жан мына бізден.
ІІ жүргізуші: Нұрландырып ізгі жандар тілегімен,Күн күлер мейірімнің реңімен.Әлемдік сыйластықтың қызыл жібі,Өтеді әр адамның жүрегінен – дей келе «Құндылықтар еліне» саяхат жасайық.
/Көрініс/ Жалпыадамзаттық құндылықтар:1.АқиқатАқиқат – адамның шынайы болмысын іздеу және бұл ізденіс – өмірдің басты мақсаты. Адамның табиғаттан шындықты айтуға ұмтылу тумысынан берілген. Адам шындықты айтқан кезде оның сөздерінде күш пайда болады.Ал өтірік айтқанда,дәлелдерді бұрмалаған кезде оның сөздері күшін жоғалтады.Егер сөз ауыр болып, басқа адамның жүрегін жаралайтын болса, үндемеген дұрыс.Әр уақытта шындықты айту және ар-ожданыңмен әрекет ету-осы екеуі әр адам өзінің бойында дамытатын рухани адамгершілік қасиеттердің ең бастысы.
2. СүйіспеншілікСүйіспеншілік – өзін-өзі танудың негізін қалаушы құндылық. Сүйіспеншілік таңдамайды және талқыға салынбайды. Сүйіспеншілік – баға жетпес сый. Біз оны қанша сыйға тартсақ та, өзімізде таусылып қалмайды. Риясыз таза сүйіспеншілік болған жерде бақытсыздық, ауру-сырқау мен өлім де таңғажайып түрде адамдардың игілігіне айналады. 3. Дұрыс іс әрекетДұрыс әрекет-мақсатқа жеткізер жолды дұрыс таңдаудан басталады. Ол борыш пен жауапкершілікке, ішкі ар-ұждан дауысына сәйкес мінез-құлық. Дұрыс әрекет – жүректен шығып, сосын сөз ретінде бейнеленетін және іс жүзінде қолданылатын құндылық.
4. Қиянат жасамау Қиянат жасамау яғни басқаларға зиян келтірмей өмір сүру бұл сүйіспеншілік пен ынтымақтастық рухы, кешіре біліу, қайырымдылық,қоршаған орта мен өзгелерге қамқорлық, бауырмалдық және теңдік сезімі, ұлттық сана, өзгелердің мәдениеті мен түрлі діни дәстүрлеріне деген құрмет. Қиянат жасамау құндылығы шын мәнінде, барлық төрт құндылықтың жиынтығынан тұрады. Қиянат жасамау, Ақиқат, Сүйіспеншілік, Дұрыс әрекет ету және жан тыныштығы құндылықтары бар жерде ғана болады. Бойында қиянат жасамау құндылығы бар адамдар заңды құрметтейді, табиғат заңдарын бұзбайды.Осылайша олар барлық адамдарды, жан – жануарлар мен қоршаған ортаны сүйеді.
5. Ішкі тыныштықІшкі тыныштық- тұлғаның үйлесімді дамуының нәтижесі. Адам ақиқатты танып, сүйіспеншілікпен дұрыс әрекет еткенде оның жан дүниесінде ішкі тыныштықтың хош иісті гүлі шешек атады. Бақыт құсын қолмен ұстау мүмкін емес, егер де сіздің ішкі тыныштығыңыз орнаған болса, ол өзі келіп иығыңызға қонады.
/Хор/ «Бес құндылық» әні
І жүргізуші: Осымен бүгінгі іс-шарамызды аяқтаймыз. Көңіл қойып тыңдағандарыңызға көп-көп рахмет.Келесі кездескенше қош сау болыңыздар!
ҚР Білім және Ғылым министірлігінің стандартымен жасалған
01 Ақпан 2019
1140
1 рет жүктелген
