Тақырыптық оқу-іс әрекеті: «Тәуелсіз Қазақстан»

Мақсаты:Балаларға Тәуелсіздік күні жөнінде түсінік беру. Мемлекеттік рәміздерді

тануға үйрету. Ұсақ моторика, ойлау, есте сақтау қабілеттерін дамыту.

Патриоттық сезімге тәрбиелеу.

Оқу іс-әрекетінің кезеңдері:

1. Амандасу:

Тәрбиеші:Балалар, барлығымыз бір-бірімізге қарап, сыпайы түрде амандасып

алайық.

«Сәлеметсіздер ме, балалар!»

Балалар: «Сәлеметсіз бе, апай!»

Қазақстан Республикасының Мемлекеттік әнұраны.

Қысқа жылы әңгімелесу:

Тәрбиеші: Балалар көңіл-күйлеріңіз қалай?

Балалар:Күшті, керемет.

Тәрбиеші: Балалар, бүгінгі оқу іс-әрекетімізге дайынбыз ба?

Балалар:Ия, дайынбыз.

2. Шаттық шеңбері:

Балалар қол ұстасып шеңберге тұрады. Тәрбиеші оқуымен бірге балалар қимыл жасап айтады:

Қайырлы таң, алтын күн!

Қайырлы таң, көк аспан!

Қайырлы таң, достарым!

Қайырлы таң, Қазақстан,

3. Түсіндірме жұмысы:

Балалар , біздің еліміз-Қазақстан деп аталады. 16 желтоқсан- еліміздің туған күнін, Тәуелсіздік деп атаймыз. Тәуелсіздік күні-ліміздің үлкен мерекесі. Тәуелсіздік деген – өзіміздің ережемізбен өмір сүріп, өз тілімізді, өзіміздің жеріміз, дәстүрімізді, әнімізді, туымызды сақтап, өз бетімізше өмір сүру. Қазақстан – біздің Отанымыз.

Мемлекеттік рәміздермен таныстыру:

1. Ту:

– Көк түсті.

– Ортасында Күн мен Қыран.

– Ол – бейбітшілік пен ашық аспан белгісі.

2. Елтаңба:

– Ортада шаңырақ.

– Екі жағында тұлпар.

– Жоғарысында жұлдыз.

Сұрақ-жауап:

Тәрбиеші: Біздің Отанымыз қалай аталады?

Балалар:Қазақстан Республикасы.

Тәрбиеші: Елордамыз қай қала?

Балалар:Астана қаласы.

Тәрбиеші:Біздің президентіміз кім?

Балалар:Қасым-Жомарт Тоқаев.

Тәрбиеші:Балалар Қазақстан Республикасының Мемлекеттік рәміздерін атаңыз?

Балалар:Ту, елтаңба және әнұран.

Тәрбиеші: Жарайсыңдар, балалар. Сұрақтарға дұрыс жауап бердіңіздер. Келесі

4. Тақпақтар:

1-бала:Абдул-Хафиз.

Он алтыншы желтоқсан,

Тәуелсіздік алған күн.

Мерекеге ел тосқан,

Атамменен барған күн.

2-бала:Тілекші.

Мерекеге шығады,

Бүкіл халық, біліп қой.

Отандастар ұғады,

Тәуелсіздік- ұлық той.

5. Дидактикалық ойын: «Рәміздерді құрастыр»

Мақсаты: рәміздерді бөліктері құрастыру, топтық жұмыс. Балалар екі топқа бөлінеді:

1-топ: «Ту» құрастырады.

Үстелде дайын элементтер: Көк фон, күн, қыран, өрнек. Балалар оларды дайын макетке жапсырады.

2-топ: «Елтаңба» құрастырады.Элементтері:Шаңырақ, екі пырақты ат, жұлдыз, өрнек. Балалар дайын макетке бөліктерді орындарына жапсырады.

Тәрбиеші бағыт береді:

– Қай бөлік қай жерге қойылады?

– Кім көмектеседі?

Зерттеу, салыстыру, есте сақтау іске қосылады.

6. Ән: «Отаным – Қазақстан».

7. Сергіту сәті: «Бәріміз бір шаңырақ астында»

Мақсаты: қимыл-қозғалысты арттыру.

Қимылдармен өлең:

Шаңырақтай биікпіз,

Қолымызды көтереміз! (қол жоғары)

Керегедей кең болайық,

Жайылып біз айналайық! (айналу)

Уық болып түзу тұрып,

Жоғарыға созылайық! (созылу)

Балалар шаттанып орындайды.

8. Шығармашылық жұмыс: «Торсық».

Фетден жасалған торсықты тесіктері арқылы бау өткізу әдісімен біріктіру.

Бұл әдіс дамытады:

✓ саусақ моторикасын;

✓ шыдамдылық;

✓ қол-жұмыс үйлесімділігі;

Тәрбиеші әр балаға көмек көрсетеді.

9. Мадақтау:

– Жарайсыңдар, балалар!

– Бүгін бәрің өте белсенді болдыңдар!

– Тамаша рәміздер құрастырдыңдар, торсықты жасадыңдар!

– Әрқайсың – кішкентай патриотсыңдар!

10. Қорытындылау:

Қысқа сұрақтар:

– Бүгін қандай мереке туралы білдік?

– Қазақстанның Республикасының рәміздерін атаңыз?

Осымен, бүгінгі тақырыптық оқу іс-әрекетіміз аяқталды.

– Біздің еліміз – Тәуелсіз Қазақстан. Оны құрметтеп, жақсы көру – әр баланың міндеті!

Маңғыстау облысының білім басқармасының «№1 арнайы балабақшасы»КММ

Бекітемін:

№1 АБ директоры

Сырымбаева Н.Е_____

«___»_______2025 жыл

Тақырыптық оқу іс-әрекеті:

«Тәуелсіз Қазақстан»

№4 ересек топ тәрбиешісі:Оразова Ф

Сурет маманы:Эскуатова Ж

2025-2026 оқу жылы