Тақырыптық сабақ. Ынтымағым-ырысым.

Тақырыптық сабақ: «Ынтымағым-ырысым»

Мақсаты: 1). Қазақстан Республикасында тұратын барлық ұлт өкілдерінің өмірі мен мәдениетіне қызығушылық қалыптастыру.Ұлы Жеңіс туралы түсіндіру.

2). Тіл байлығын,сөйлеу қабілетін,ойлау дағдысын қалыптастыру.

3). Балалардың өз туған еліне,жеріне деген сүйіспеншілік сезімдерін қалыптастыра отырып,адамгершілікке тәрбиелеу.

Көрнекі құралдар:тақырыпқа байланысты суреттер.

Әдісі: көрсете,түсіндіру,сұрақ-жауап.

Сабақ барысы: Ұйымдастыру,сабаққа даярлау.

Сәлемдесу шеңбері: Жарық болса күніміз,

Жарқын шығар үніміз.

Біз болашақ гүліміз,

Қайырлы таң балалар!

Бір-бірін құшақтап амандасады.

Тәрбиеші: - Балалар қазір жылдың кай мезгілі?

Балалар: Көктем.

Иә,балалар көктем мезгілі.Міне мамыр айы да келіп жетті.Осы айда біз

1-мамыр достық күнін және 7-мамыр Ұландар күнін, 9-мамыр Ұлы жеңіс күнін тойлаймыз.

Біз Қазақстан Республикасында тұрамыз.Қазақстан Республикасында көп ұлт өкілдері тұрады.Олар әр түрлі тілде сөйлеседі.Сонымен қатар олардың салт-дәстүрі,ұлттық киімдері және тағамдары бар.Біз осы ауылда екі ұлт өкілінен тұрамыз.Қазақ және ұйғыр.Олар бір-бірімен тату-тәтті ,туыс,бауыр болып өмір сүріп келеді.Біздің ұлттық тағамымыз,киіміміз бар.

Тағы бір мереке Ұландар күні.Бұл күнді барлық Отан қорғаушы азаматтар тойлайды.Сендер үлкен болғанда Отанын сүйетін,қорғайтын,гүлденуіне,көркеюіне үлес қосатын азаматтар болып өсулерің керек,ол үшін жақсы оқып,тәртіпті болу керек.

Тағы бір мереке-Ұлы Жеңіс мерекесі.Біздің бұл мерекеге 70жыл толып отыр.Біздің ата,әжелеріміз жаудан елді қорғап,осыдан 70 жыл бұрын соғыста болған.Міне,сол кісілердің жеңісі бізге бейбіт күн сыйлады.(,барлық мерекелерге қатысты суреттер көрсетіп,әңгімелеу). Өздері білетін тақпақтар айтқызу.

Елтаңба

Елтаңбасы елімнің,

Ортасында шаңырақ.

Көмкерген оны қос пырақ,

Төбесінде жұлдызы,

Тұр ғой әне жарқырап.

Ту

Көк аспанда арайлы күн,

Көк аспанда жас қыран.

Естілгендей біздің үн,

Сол ғарыштың астынан.

Сергіту сәті:Алақанмен жылуды,

Айналаға таратайық.

Бір-бірімізбен қол ұстасып,

Бақыт,күлкі сыйлайық.

Жүректі біз алайық,

Бақыт нұрын шашайық.

Барлық жақсы тілекті,

Балаларға арнайық.

Сұрақтар қойып,жауап алу.

1)Қандай Республикада тұрамыз?

-Қазақстан Республикасында.

2)Елбасы кім?

Н.Ә.Назарбаев.

3)Қазақстан Республикасының елордасы қандай қала?

-Астана қаласы.

4)Қандай мерекелерді тойлаймыз?

-(Балалардың жауабы)

Сабақты қорытындылап,бағалау,аяқтау.

Cадыр орта мектеп мемлекеттік мекеме

Ынтымағым - ырысым

Т ә р б и е ш і:

Шаяхметова Гүлнар Валиқызы