Апта дәйек сөзі

«Бірлік болмай, тірлік болмас»

Педагогтің Т.А.Ә. (болған жағдайда)

Нұржанова А

Күні:

16.12.2024

Сынып: 3 сынып

Қатысушылар саны:

Қатыспағандар саны:

Тәрбие тақырыбы

«Тәуелсіздік – теңдесі жоқ байлығым»

Құндылықты дарыту

Өз Отанына, туған жеріне деген сүйіспеншілігін арттыра отырып, елжандылыққа, ұлтын сүюге, еліміздің рәміздерін қастерлеуге тәрбиелеу

Қауіпсіздік сабағы

«Бейтаныс адамдардың қулығы»

Сабақтың кезені/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

Республика! Ерікті ел – Қазақстан!
Келді ақыры көп күткен жаз алыстан.
Келді алыстан аңсатып, армандатып,
Торды бұзған мен де бір мәз арыстан.
Мен – айғақпын, ұстамын, ертегіге.
Мен басымды иемін бүгінге, ертеңіме.

«Ой ашар» кезеңі: Тәуелсіздік дегеніміз не?

Оқушылар мұғаліммен амандасады,түгенделеді, мектеп партасындағы қатарлары бойынша  орындарына отырады.

– Тәуелсіздік!

презентация

Сабақтың ортасы

Т – Тәуелсіз елде тұрағым, Тәуелсіздік жыр әнім

Ә – Әспеттеп салт пен әдетті, боламыз бала әдепті

У – Уәдеге берікболамыз, досқа серік боламыз

Е – Елім деп мен жар салам, еліммен мақтанам

Л – Лайым болсын ел аман, несібесі мол заман.

С – Сенімін елдің ақтаймыз, жақсы істер жасаймыз.

І – Ізгілік нұрын шашатын, жасасын Қазақстаным!

З – Зейінге бәрін тоқимыз, сабақты «5»-ке оқимыз

Д - Даламыздай кең пейілді, мақтан тұтам елімді

І - Ізетті бала боламыз, үлкеннің тілін аламыз.

К - Келешекке нық басқан, біз бақытты балдырған!

Қандай сөз шықты балалар?

Желтоқсан оқиғасын көрсету.

Қазақ елі Ресейге бағынышты болды. Елімізде Дінмұхаммет Ахметұлы Қонаев атамыз бірінші секретарь болды. 1986 ж. 16 желтоқсанда Қазақстан компартиясы ОК Пленумы өтті, ОК Бірінші хатшысы Д.А.Қонаев қызметінен босап, орнына осыған дейін Ульяновск облыстық партия комитетінің бірінші хатшысы Г.В.Колбин қойылды. Бірақ бұл жолы жергілікті халық оған көнген жоқ. Қарсылықты қазақ жастары бастады

Оған  Алматыда бір топ жастар қарсы болып,, Қазақ елін қазақ басқару керек деген ұранмен алаңға шыққан

Демонстрацияны үкімет қарулы күшпен таратты.

Оқиғаға қатысқандарды саяси тұрғыдан қуғындау басталды. 99 адам сотталды, 264 студент оқудан шығарылды. Тәуелсіздік  аңсаған жастар ұлттың намыс  құдіретін дүние жүзіне  танытқан бұл  оқиғаның  құрбандары  болған  Қ. Рысқұлбеков,

Л.Асанова,С.Мұхаметжанова,  Е.Сыпатаевтардың  жүректі  үні, ел  намысын  қорғаған ерліктері  мәңгі  өшпейді.

1 минут үнсіздікпен еске алу

«Поэзия минуты»

1. Егемендік – иесімін  деген сөз,
Көптен бері естілмеген ерен сөз.
Екі тізгін, бір шылбырын өзі алған,
Көркем жігіт болып осы келген кез.

2. «Тәуелсіздік» - ел болғанның белгісі,
Басқа жұртпен тең жұлдызы, тең күші,
«Тәуелсіздік» деген сөзден естілер,
Ата жұрттың арғысы мен бергісі.

3.Армандарды жақындатып тым алыс,
Біздің жаққа жеткен екен жылы ағыс.
Тәуелсіздік – ел бақыты, ертеңі,
О, халайық! Құтты болсын қуаныш!

Оқушыларға «Тәуелсіздік»жетістіктері туралы бейнематериал көрсетіледі

-Тәуелсіздік

Интербелсенді тақта/ компьютер

10 мин

№ 5 САБАҚ. «БЕЙТАНЫС АДАМДАРДЫҢ ҚУЛЫҒЫ» Сабақтың мақсаты: балаларды түрлі жағдайларда бейтаныс адамдармен өзін дұрыс ұстауға үйрету.

-Суреттерді қарап шығып, сабақ тақырыбы мен мақсатын анықтайық.

Сабақтың мақсаты: бейтаныс адамдармен қарым-қатынас жасамау дағдыларын қалыптастыру.

Білімді өзектендіру. Өткенді қайталау

- Сен көшеде бейтаныс адамдармен сөйлескен жағдайлар болды ма? Бұл жағдай қалай болды? - Неге ата-аналар мен педагогтер балаларға көшедегі бейтаныс адамдармен сөйлесуге, қарым-қатынас жасауға тыйым салады?

Негізгі бөлім.

Топтық жұмыс. Әр топ түрлі жағдаяттар жазылған карточкаларды алып, сахналап көрсетеді.

1. топ. Бейтаныс адам өзін баланың анасының танысымын деп, баланы өзімен бірге баруға көндіргісі келеді. Мысалы, «Менімен бірге дүкенге барасың ба, мен саған кәмпит сатып әперемін», «Менің үйімде тотықұс бар, сенімен достасқысы келеді».

2. топ. Сымбатты жас жігіт баланы өзінің жаңа машинасына отыруға шақырады: «Отыр! Үйдің жанында машинамен жүреміз. Рульге отырғың келе ме? Біз шамалы серуендейміз. Тіпті анаң да білмей қалады». Жауап беру үлгісі: «Рақмет, мен асығыспын!», «Кешіріңіз, мені анам күтіп отыр», «Бізде де дәл осындай машина бар», «Мен сізбен сөйлескім келмейді!».

3. топ. Бейтаныс адам пәтердің қоңырауын соғады. Жеделхат әкелгенін айтады. Балалар үйде жалғыз болады. Балалардың жауаптары: «Қазір мен анамды шақырамын (көршісіне телефон соғады), «Анам ваннада, кішкене күте тұрыңыз».

4. топ: Бала гипермаркетте адасып қалады. Ол не істеуі керек? Жүгіріп анасын іздейді. Адасқан жерінде тұрады. Полиция қызметкеріне көмекке жүгінеді. «Сенің анаңды жаңа ғана көрдім, жылап, сені іздеп жүр» деген бейтаныс адамға еріп кетеді. Қасында өтіп бара жатқан адамнан жақын жердегі полиция бөлімшесіне апаруды өтінеді. Сатушыдан көмек сұрайды. Қасынан өтіп бара жатқан адамнан полиция бөлімшесіне телефон соғып, оның адасып қалғанын және қай жерде екенін хабарлауды өтінеді.

Жағдаяттар қарастырылып, талқыланып, дұрыс шешімі таңдалады.

Сұрақтарға жауап береді.Тапсырманы орындайды

Топтық жұмыс орындайды

Пайдалы сілтеме:

https://www.youtube.com/watch?v=hftM9yB25r4&list=PLA5eCSY2FeoQLLocS-IEuEG9KjOrJzvPM&index=36

Сабақтың соңы

Туған халқымыздың тарихын, батыр ұл-қыздарымыздың ерлігін, жеріміздің байтақтығын, байлығын ақын ағаларымыз жырлап келеді. Сол жырларды жаттап, көкейге түйіп, елімізге лайықты азамат болып өсуге міндеттіміз, басқаша болуға біздің құқығымыз жоқ, бүгінгі бақытты күніміз үшін қаншама ерлер тер төкті, жанын қиды. Сол батырларымыздың армандаған ұрпағы біздің білімді, дені сау Отанымыздың лайықты ұл-қызы болып өсуі қажет. Апа - ағаларымыздың қайталанбас ерлігіне тағзым етеміз.

Ән: «Желтоқсан желі»

презентация