Тәрбие сағаты

Тақырыбы:«Математикалық көкпар»

Сынып:7«А»

Пән мұғалімі: Айланхан Жанболат

2018-2019 оқу жылы

Математикалық көкпар

Мақсаты:  

1. Қазақтың салт-дәстүрін еске түсіріп, математика пәнінен білім беруді қызықты  және ұтымды қылып атқару.

2. Оқушылардың ой-өрісін кеңейтіп, топпен жұмыс істеуге, логикалық ойлауды жеделдетуге баулу, танымдық қабілетін, математика пәніне деген қызығушылығын арттыру.

3. Оқушыларды ұлттық рухта тәрбиелеу, халықтың мұрасын жан-жақты түсіне білуге үйрету.

Түрі:  топтық сайыс

Әдісі:   ойын түрінде

Көрнекілігі:  Сайысқа қажет форматтағы материалдар, нақыл сөздер, суреттер.

«Ақыл –ойды тәртіпке келтіретін матеатика, сондықтан да оны оқу керек»

«Математиктердің өзіне ән тілі бар, ол формула»   /С.В. Ковалевская/

Оқушыларға бейнебаян көрсетіліді. Құрметті оқушылар бүгінгі біздің тәрбие сабағымыздын тақырыбы қандай? «Математикалық көкпар»

Жоспары:

1. Таныстыру, сәлемдесу рәсімі.

2. Бапкерлер жарысы

3. Шабандоздар жарысы

4. Көкпар

5. Сарапшылар пікірі.

Барысы :

Құрметті оқушылар, мұғалімдер! Ұлы даламыздың бізге қалдырған мұрасы – ұлттық ойынымыз көкпарды бастауға рұқсат етіңіздер.

Көкпар тарту – сайыс. Бұл қазақтың ұлттық ойыны. Көкпарда екі команда тартысқа түседі. Әр ойыншы көкпарға берілген серкені ат үстінен іліп алып, белгілі бір мәреге немесе сыйлы үйге әкеліп түсіреді. Осылайша сый алуды мақсат етеді.

Абай атамыз, Тегінде адам баласы адам баласынан ақыл,ғылым,ар,мінез деген нәрселермен озады»  деген екен. Біз бүгін шынайы көкпар тартпағанмен, білімімізді жарысқа саламыз

Шын жүйрік шабысынан танылады,

Нақты білім,терең ой сыналады.

Баға берер төрешілер ортамызда,

Сіздерге құрметпен қол соғылады. – дей келе бүгінгі көкпар ойынына өз төрелігін беретін төрешілермен таныссақ.

1. Таныстыру, сәлемдесу рәсімі.

Оқушылармен сәлемдесу, түгелдеу. Топқа бөлу және зейінін шоғырландыру мақсатында оқушыларды шеңбер үлгісінде тұрғызып, қолдарына жіп беріп ұлттық ойындарымызды айта отырып жіппен шеңбер жасайды. Парақшалар таратылып топқа бөлінеді.

Көкпарға қатысатын «Тұлпар»  және «Сәйгүлік» топтарын таныстыруына кезек берейік.

Оқушылар топ ұраның және топ жетекшілерін сайлайды, екінші топқа сәттілік тілейді.

Тұлпар тобы: Шақырып жарыстарға сан — салалы

Тұлпарлар топ жарғалы жар салады

Ту етіп достық пенен татулықты

Сәйгүлік командасын қарсы алады.

Сәйгүлік тобы: Құрметтеп тұлпарлады ой — саналы

Сәйгүлік сәлем беріп ән салады.

Бүгінгі сайыстан достарына

Қашанда тапқыр бол деп ой салады.

2. Бапкерлер сайысы.

Оқушылар, көкпар ойынын өткізу үшін басталған аттар және шабандоз жігіттер болуы керек.Ал баптаушыны бапкер деп атайды.Топ жетекшілерін «Бапкер» деп атаймыз.Олай болса ойынымыздың келесі кезеңі бапкерлер жарысына көшсек.Қай топтың бапкері атқа байланысты ұлтық ойынымызды жақсы білсе, сол топтың тұлпарлары жақсы бапталған болады.

Сонымен топ жетекшілерін ортаға шақырамыз.

3.Шабандоздар жарысы.

Алашына атымен әйгілі кім?

Алып келген бәрі де сәйгүлігін

Тұлпарлар да келіп тұр жер тарпыған

Қай шабандоз озады осы бір күн.

Шабандоздар қалай шыныққан екен соны байқайық.(Екі топтың шабандоздары сұраққа жауап беріп жарысады.)

«Тұлпар» тобы:

1. Тонна мақта ауыр ма? 1 тонна темір ауыр ма? (тең).

2. 6² нешеге тең?  (36).

3. Сағаттың 4/1 бөлігінде неше минут бар? (15 ).

4. Айдар өзінің туған күнін 4 жылда бір рет атап өтеді.Айдардың туған күні қашан? (29 ақпан).

5. Ең кіші төрт таңбалы сан неше? (1000).

«Сәйгүлік» тобы:

1. Неше рет арттырса да өзгермейтін қандай сан? (0).

2. 4 қойдың неше аяғы бар?  (16).

3. 1 м‑ де неше см бар? (100).

4. Қандай санды бір‑біріне көбейткенде олардың нәтижесі екі санның қосындысына тең болады? (2*2=4 2+2=4).

5. Қандай санның атының жазылуында қанша әріп болса, сонша цифр бар? (жүз 100).

4.Көкпар.

Құлагерін ел қалай елемесін!

Көлік мінсең гүл‑жырға бөленесің.

Қоздырады ат жарыс мына жұртты

Сол секілді жұрт аттың делебесін.

Балалар, көкпар тартысты бастайық.Қойылған сұраққа қай топ зандылықты анықтап бірінші әрі дұрыс жауап берсе, сол бірінші қазандыққа салған болып есептеледі.

9.Сарапшылар пікірі.

Жабылары шаң жұтып, өліп – талды,

Жүлдегерлер көмбеге келіп қалды.

Суырылып Құлагер шыға берді.

Кімдер қалды? Кім озды? Анықтаймыз.

1. Сарапшылар пікірі.

2. Жеңімпаздарды анықтау, марапаттау.

3. Қорытынды.