Шуағын шашқан - "Аяулы анашым"

Мақсаты: жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.Анаға деген сүйіспеншілік сезімдерін арттыру, Ананы құрметтеу, сыйлай білуге, оқушылар бойындағы 
Көңілді әуенмен балалар шығып, жарты шеңбер болып тұрады.

1 бала: Жігіттер мында не боп жатыр? Ерқұлан

2 бала: Неге ата-аналар жиналды екен? Мақсат
3 бала: Бүгін не мереке ме? Ерасыл
4 бала: Әрине, Аналар мерекесі ғой, қыздар қайда? Арлан

5 бала: Ой, қыздарды қайтесіндер, Олардың бәрі бұзық қой. Нұртас
6 бала: Қыздар бұзық емес, олар ерке. Ерқұлан
7 бала: Қыздар бізге керек. Арлан
8 бала: Онда қыздарымыз қайда екен? Нұртас
9 бала: Қыздарымыз сәнденіп жатқан шығар. Ерқұлан
1 бала: Онда қыздарымызды ортаға шақырайық. Арлан

Жүргізуші: 

Мерекеге арналады бүгін билер,

Көтерілсін қанекей, көңіл күйлер.

Алдарыңызда қазіргі өнер көрсетер,

Таң қалдырып қанекей би белендер.

Жүргізуші:

Қайырлы күн! Қымбатты аналар, ақ жаулықты әжелер, ардақты ұстаздар, аяулы қыздар!

Барлығыңызды көктемнің алғашқы мейрамы 8-наурыз Аналар мерекесімен құттықтаймыз!

Әрқашан дендеріңіз сау, көңілдеріңіз жайдарлы, жүздеріңіз жарқын болсын! Балалардың аналарына арналған тақпақтарына кезек берейік.

Тақпақтар:

ЕРҚҰЛАН:

Армысың мейірімді аналарым,

Мейірбан ашық көңіл даналарым,

Гүл көктемнің алғашқы мейрамымен,

Құттықтайды сіздерді балаларың

АРЛАН: Сенен өскен балалар 

Батырлар мен даналар

Құттықтаймыз мейраммен

Құрметті біздің аналар!

МАҚСАТ:

Наурыздың сегізі,
Сұлулықтың негізі.
Әдемі сөз баланың,
Анаға айтар лебізі

АИША:

Шашымды өріп тараған,
Қабағыма қараған
Үлкен кіші демейді,
Сыйлайды оны бар адам.

ЕРАСЫЛ:

Анам, анам ақ анам

Мен өзіңдей ақ балаң,

Айтқан тіліңді аламын,

Жұмсағанда барамын.

АҚЕРКЕ:

Аналарды сүйеміз
Ақылын ойға түйеміз
Әжені де ардақтап
Әдеппен бас иеміз.

АЛУА:

Ақ анашым, аппағым,
Өзің жайлы тақпағым,
Өзің жайлы әнім де,
Арнадым саған бәрін де.

ЯСМИНА:

Аялаған анашым,
Мәпелеген анашым.
Менің саған тілегім
Қартаймашы анашым

АРЛАН:

Анамды мен жақсы көрем,
Айтқан тілін алып жүрем.
Қасымда анам жүргенде
Шаттанып ойнап күлем.

САНИЯ:

Ақ анашым, аппағым,

Өзің жайы тақпағым,

Өзің жайлы әнім де,

Арнадым саған бәрін де.

ЕРАСЫЛ:

Біз доспыз гүлдермен,

Текке оны жұлмаймыз,

Той күні бір-бірден

Аналарға сыйлаймыз.

НҰРАЙЛЫМ:

Ақ қабақты анашым,

Күн сәулелі анашым,

Әлпештеген баласын,

Айналайын анашым.

АИША:

Бөбегіңнің сыйлығын,
Қабыл алшы анашым
Ұзақ өмір жүз жасап 
Ауырмашы анашым!

Жүргізуші:
Қандай бала болмайық, 
Анамызға балдаймыз, 
Көтерейікші көңілін 
Ән салайық бәріміз.

ХОР: «АНАШЫМ АНАЖАНЫМ»

Жүргізуші:

Ана – біздің күніміз,

Ананың біз гүліміз.

Ұландарды қуантып,

Ұзақ өмір сүріңіз.-деп аналарға арналған БИГЕ кезек берейік.

Қыздардың орындауында «ХОРОШЕЕ НАСТРОЕНИЕ» БИІ

НӘБИ:

Ақ жаулықты әжемді
Ай жүзіне теңедім
Мейірімін таусылмас
Күн нұрына теңедім.

Ән: «САҒЫНДЫМ ӘЖЕ»

Жүргізуші: 

Гүлдей жайнап тұр өңі
Мейірлене күледі
Үйдегі бар шаруаға
Үлгіреді бір өзі - дей келе аналарға арналған СЛАЙДҚА КЕЗЕК БЕРЕМІЗ!

Жүргізуші: 

Бишілер бар біздерде ҰЛДАР тобы,

Мерекеге өнерімен келген бүгін .

Таң қалдырып қанекей би билеші,

Қол соғып демеу берер қонақтарың.

Би: «ДЖЕНТЛЬМЕН»БИІ

Жүргізуші: Ілияс

Әже деген көп шығар

Әжемдей менің жоқ шығар

Мейірімді бұл кісі

Қандай ғажап күлкісі.

ЖҮРГІЗУШІ: Ойнаймыз күлеміз 
Жарқылдап жүреміз.
Ананы сыйлаймыз
Айтқанын тыңдаймыз.

Ойын: (аналармен)
1. «АНАҢДЫ ТАП» Ата - аналардың ҚОЛДАРЫНАН сипап, балаларЫ АНАЛАРЫН тауып алсын.

2. «АДАМ КЕЛБЕТІН ЖАСА!» ОЙЫНЫ.

ЕКІ КОМАНДА ШЫҒАДЫ, ШАРДЫ УРЛЕП, ОРАМАЛ КИГІЗІП, БЕТІН САЛУ КЕРЕК. КІМ ТЕЗ, ӘДЕМІ, ДҰРЫС САЛСА, СОЛ КОМАНДА ЖЕҢІМПАЗ АТАНАДЫ.

3. «МУМИЯ» ОЙЫНЫ

ТУАЛЕТНЫЙ БУМАГАҒА АНАСЫН ТЕЗ АРАДА ОРАУ КЕРЕК.

4. «СУРЕТ САЛУ» ЕКІ КОМАНДАҒА АТА АНАЛАР МЕН БАЛАЛАР БӨЛІНУ КЕРЕК. СУРЕТ САЛУ. АРБІР БАРГАН ССАЙЫН БІР ҚИМЫЛ ГАНА САЛУ КЕРЕК.

Жүргізуші:

Аялы да, алтын нұрлы анашым.

Жүрегіммен мәңгі бірге боласың

Сен асқарсың, сен аспансың биіксің.

Сен дархансың, сен жомартсың, данасың - деп бүгінгі шағын ғана мерекелік ертеңгілігімізді аяқтаймыз. Отбастарыңыз аман болсын. Жүздеріңізден күлкі кетпесін.

Жүргізуші:

Келіп тамашалағандарыңызға көп-көп рахмет. Енді балалар аналарымызға арнап ШАҒЫН сыйлықтарымызды тарту етеміз.