2017-2018 оқу жылындағы тәрбие жұмысының сараптамасы.

Мақсаты: Оқушылардың Қазақстан Республикасының азаматтары және патриоттары ретінде қалыптастыру, мемлекеттік рәміздерді құрметтеуге, халық дәстүрін дәріптеуге, әлемдік және отандық мәдениет жетістіктерін оқып-үйренуге, өзін - өздері танытуларына, құзіреттілікті қалыптастыру. Осы мақсатты жүзеге асыру барысында төмендегідей міндеттерді шешуге бүкіл жұмыс жүйесі бағытталды.

ҚР үздіксіз білім беру жүйесіндегі Тәрбие тұжырымдамасы тәрбие саласындағы мемлекеттік жалпы стратегиялық саясаттың мақсаты мен міндетін, тәрбие мазмұнының негізгі бағыттарын және оларды іске асыру шарттарын айқындайтын құжат болып табылады. Ондағы берілген 8 бағыт күнделікті қамтылып, мектептің дәстүрлі мерекелері мен әр ай сайын өтілетін айлықтарда көрініс тауып отыр. Бағыттардың әрқайсысына өткен оқу жылында мәлімет бере кеткен болатынмын. Биылғы жылы жеке-жеке тоқталмай, басты назарда ұстауды көздеп отырған бағыттарды атай кететін болсам:

1.Патриоттық сананы қалыптастыру.

2.Рухани -адамгершілік даму

3. Ұлттық тәрбие

4. Отбасы тәрбиесі

5. Еңбек, экономикалық және экологиялық тәрбие

6. Зияткерлік, ақпараттық мәдениеттік тәрбие

7. Көп мәдениетті, көркем-эстетикалық тәрбие

8.Салауатты өмір салтын қалыптастыру

Сыныпта 20 оқушы бар. Оның ішінде 11 ұл бала, 9 қыз бала. Әлеуметтік құрамы жақсы. Материалдық жағынан жеткілікті қамтылған. Сынып жаратылыстану-математикалық бағыттығы пәндерді тереңдетіп оқиды және эстетикалық тәрбиеге бағытталған.
Сыныптың осылай жан-жақтан жиналғандығына қарамастан, сынып оқушылары ұйымшыл, бір-бірімен жақсы араласады.
Сыныптың жалпы танымдық бағыты орташа. Оқу үздіктері -4,жақсы оқитын балалар саны – 9, орташа оқитын балалар саны – 7. Сынып математика жағынан көп қиналады, ал ауызша сабақтарға келгенде (биология, география, тарих, әдебиет) алдарына жан салмай бір-бірімен жарысып сабақ айтады. Алты қыз ғана биге қатысады.Қыздар аудандық,облыстық ,республикалық байқаулардан жүлделі орындарға ие болып ,бағалы сыйлықтармен марапатталған, атап айтсақ Талғатқызы А. ,Буркетбаева Қ.Битемір С.,Султанова А. Ал ұлдар спорттық үйірмелердің барлығына қатысады. Футболға 10ұл, штанга1 ұл,джи-ю- джитсу 4 ұл қатысады. Азиада чемпионатынан ,облыстық турнир джи-ю- джитсу Рыскелді Мейіржан - 1орын . Аудандық мектепаралық футболдан Қартайғанов Дастан «Үздік шабуылшы» номинациясы иегері атанды. Аудандық пән олимпиадасынан тарих пәнінен Рыскелді М.-3 орын ,Аудандық кіші ғылыми жобадан биология пәні бойынша Байборинова З .1-орынға ие болып облыстық байқауға қатысты.. Мектепішілік «Алтын күз» байқауын1-орын иеленді .Мектепішілік «Махаббат пен шығармашылық педагогикасы» атты онкүндігіне орай өткізілген футболдан 1- орын иеленді.Аудандық кітапхананың үйымдастыруымен өткізілген « Махамбет оқулары» 2-орын және 3-орын ,атап айтсақ Аубакиров Ж. 2-орын,Тұмарбаева М. 3-орын Халықаралық «Астана ЭКСПО-2017» жасөспірімдер арасындағы ІІІ-Халықаралық « Art Bayterek» байқауынан Исаханова А- бас жүлде және ақшалай сыйлыққа ие болды.

Мектепішілік «Қыз ару» байқауынан Буркетбаева Қ –бас жүлде, Талғатқызы Арай 1-ші орын, Битемір С 2-ші орын.

«Жігіт сұлтаны» сайысынан Болатов Жанкелді бас жүлдеге иеленді, және аудандық оқушылар арасында «Жас заңгер» номинациясына ие болды.

Сыныптан тыс жұмыстарды сынып әкімі мен тәрбие секторы ұйымдастырады. Барлығын жоспарлап алғаннан соң әрбір оқушыға тапсырмаларын бөліп беріп, орындалуын қадағалап отырады. Тапсырманы әр оқушының бейімділігін, жеке-дара ерекшелігін ескере отырып бөледі.
Сынып іші топ-топқа бөліну, бір-бірімен араласпай жүру деген сияқты жаман қылықтардан аулақ. Оқушылар ұйымшыл, бір-бірімен өте жақсы араласады. Сабақ үстінде бір-біріне үнемі көмектесіп отырады. Бірінші сыныптан бастап бірге оқып дос болып келе жатқан оқушылар да бар. Сыныптағы ұлдар мен қыздар арасындағы қарым-қатынас жақсы. Көбінесе ұлдар қыздарды сыйлап, олардың ырықтарына көніп отырады.
Оқудан тыс өмірде оқушылар әртүрлі шараларға қатысады, мысалы дөңгелек стол, кездесулер, атап айтсақ «Құқық бұзушылыққа қарсы күрес» дөңгелек столға №13 орта мектеп аясында өтті, өз мектебімізде «Діни экстремизмге қарсы күрес» аудандық бас имаммен кездесу, АӘД пәнінің мұғалімі Амирханов ауған соғысының ардагерлерімен кездесу үйымдастырды.Аудандық кітапханамен бірлесе ұйымдастырылған іс-шараларға қатысты, соңғы кездесуде аудандық Ж.Султанбаев өзіне бірнеше оқушылардың белсенділігі және дикциялары ұнағандығын айтты атап айтсақ,Тұмарбаева М. Исаханова А, Аубакиров Жәнібек . Сынып оқушылары сыныптан тыс жұмыстарға белсене, бірігіп ұйымдастырып, құштарлана қатысады