Апта дәйек сөзі

«Бірлігі күшті ел озады»

Мұғалімнің аты- жөні:

Күні:

2.12.24 ж

Сынып: 3

Қатысушылар саны:

Қатыспағандар саны:

Тәрбие тақырыбы:

«Табиғатқа қамқорлық жасаймыз!» акциясы/ «ЖҚЕ негізгі түсініктері мен терминдері» ЖЖЕ№3

Құндылық

«Бірлік пен ынтымақ»

Мақсаттары:

- Табиғатты қорғау, сақтау қажеттігі туралы ой, ынта туғызу;

- Табиғаттың адам өмірі үшін өте қажет екенін оқушылардың өз пікірлері арқылы
шешім шығарту, дүниетанымын кеңейту;

Қауіпсіздік сабағы 10 мин

«Не жөнінде үндемей қалуға және ата – аналардан жасыруға болмайды?»

Сабақтың кезеңі

Педагогтың әрекеті

Оқушының әрекеті

Бағалау

Ресурстар

Сабақтың басы

Шаттық шеңбері. «Менің көршім қандай?»
- Оқушылар айналып шеңберге тұрамыз. Сіздер бір - бірлеріңізді мектеп басталғалы бойы жақсы танып білдіңіздер. Ендеше, бүгінгі шаттық шеңберіміз «Менің көршім қандай адам?» деп аталады. Шеңберде қастарыңызда тұрған көршілеріңіздің бойындағы қасиеттерін айтасыздар.
(Мысалы: Білімді Аружан, Ақылды Айбат)

Жаңа тақырып.

Табиғат адам үшін жаралыпты.

Бар қызық табиғаттан таралыпты – деп ұлы ақынымыз С. Торайғыров жырлағандай, табиғат пен адам әрқашанда егіз. Олар бір — бірімен тығыз байланысты. Бүгін сіздер «Адам табиғат перзенті» атты білімпаздар бәйгесінде табиғаттың адам өміріндегі маңызы туралы білімдеріңізді сарапқа саласыздар

Парталасына сипаттама береді

1 — бөлім

Тапқыр, білгір дарынды,
Жарыс бар бүгін арынды,
Сүйсең туған жеріңді.

 Табиғат сөзіне анықтамалар беріп, табиғаттың адам өміріндегі маңызын көрсетіп «Табиғат» тақырыбына кластер құрастыру.

2 — бөлім “Кім жүйрік?” ойыны.
Сайысқа оқушы түгел қатысады. Табиғат құбылыстары туралы жұмбақтар шешеді. Берілген 10 жұмбақтың жауабын дұрыс шешкен 10 оқушы 2 — ші турға өтеді.

Жұмбақ айтам сіздерге,
Жауабын айт, білсеңіз.
Тура тапқан адамға,
Әділ баға береміз.

1. Шаруасы әр саласы, 12 баласы,
Бәйтеректей атасы бар.
Әр баласының отыздан серігі,
Өзіне лайықты көрігі бар. (Жыл он екі ай)
2. Жайғаным түкті кілем,
Ілгенім тықыр кілем. (Жер мен ай)
3. Жүк тасиды – есек емес,
Мүйізі бар, кесел емес. (Ұлу)
4. Аппақ болып балбырайды,
Жап — жасыл болып салбырайды,
Қып — қызыл боп құлайды. (Алма)
5. Қанаты бар ұшпайды,
Жұрт айламен ұстайды. (Балық)
6. Көлігі жоқ көшеді,
Өзін кезбе деседі. (Бұлт)
7. Аяқ оны басады,
Ауыз оны асады. (Жүзім)
8. Ішіне тамақ салынған,
Есігі тастай жабылған. (Жұмыртқа)
9. 12 айдың біреуі менің атымда
Деп жар салып жүреді. (Көкек)
10. Іші жұмсақ, сырты қатты,
Еті қызыл, сүті тәтті. (Қарбыз)
11. Инебел, қалқа мойын, қара батыр,
Қара тауды арқалап бара жатыр. (Құмырысқа)
12. Қанаты бар тышқан
Қараңғыда ұшқан. (Жарғанат)
13. Есек құлақты, мысық аяқты,
Түйе ерінді, ешкі құйрықты. (Қоян)
14. Ат басты, арқар мүйізді,
Бөрі кеуделі, бөкен санды. (Шегіртке)
15. Үстіне тігіп көк шатыр,
Астында қызғылт дәу жатыр. (Қызылша)
16. Күндіз бар, түнде жоқ,
Түнде бар, күндіз жоқ. (Күн мен ай)

3 — бөлім “Білгенге маржан”.

10 оқушы жұптасып, мақалдар айтып, жарысады.
Мақал — мәтел — сөз мәйегі, тілегі, әр сындарда асыл сөздің тірегі – деп табиғат тақырыбына арналған мақалдар айту жарысын бастаймыз.

Әр жұп бір — бірінің мақалын жалғастырады. Мысалы, Дала — көркі мал, /өзен — көркі тал. 10 оқушыдан 6 — уы келесі турға өтеді.

Табиғат туралы мақалдар.

1.Жері байдың елі бай.

2,Туған жердің топырағы да ыстық.

3.Көлдің көркі — бұлақ

Таудың көркі –құрақ.

4.Сулы жер-нулы жер.

5.Атаңнан мал қалғанша тал қалсын.

6.Бір тал кессең,он тал ек.

Серіту сәті. “Балғын дауыс”.

«Табиғатты қорғайық»
Оқушылар табиғат туралы ән орындайды.

4— бөлім “Ойлан, тап!” сайысы
“Ойлан, тап!” сайысында ойыншылар бір — бірінің дайындаған бас — қатырғыларын шешеді.Соңғы турға алты оқушыдан үш оқушы келесі кезеңге өтеді.

5- бөлім «Кім жылдам?»

Бұл сайыста оқушының ойлау дағдысы мен жылдамдығы анықталып шын жүйрік озып шығады. Сайыста кез келген үш сөйлем беріледі, өз ойлау қабілеті бойынша жылдам әрі нақты жауап беру керек.

а) « Егер табиғатқа тіл бітсе...» 
ә) «Егер мен суретші болсам...» 
б) «Егер мен ақын болсам...» 

«ЖҚЕ негізгі түсініктері мен терминдері» ЖЖЕ№3

http://www.bilimland.kz/index.php/kz/catalog/lesson/12027-zholdar_men_zhol_belgileri

бейнеролик көрсетіледі.

Бүгінде қалада да үлкен көшелер және онда жүйткіген автокөліктер көбеюде. Көше кеңейген сайын ерсілі-қарсылы жаяу жүргіншілер мен жүргізушілердің де көбейетіні даусыз. Соңғы жылдары еліміздің қай жерінде болмасын автокөліктердің барлық түрлері еселеп артып келеді. Мұның өзі машина жүргізушілер мен жаяулардың, әсіресе мектеп оқушыларының жол ережесін неғұрлым жете біліп, қатаң сақтауын қажет етеді. Көшенің тәртібін үйде ата-ана ескертсе, көше қиылысында күзет қызметкерлері мен бағдаршам қадағалайды. Балалар мен сендерге жұмбақ жасырайын, шешуін тауып көріңдерші.

Аяғы жоқ жүрмейді,

Аузы жоқ сөйлейді. (Бағдаршам)

Бағдаршам –өмірімізді апаттан сақтандыратын жалғыз көмекшіміз.Оның сырын біліп, тілін алу баршамыздың міндетіміз. Бағдаршам-жол элементтерінің ішіндегі ең ерте қолданыла бастағаны. Қазір бағдаршамның жасы жүзден асып кетті. Оның кескін келбеті де құрылысы да әлденеше рет жаңарды. Бағдаршамның жаяулар және автомашиналар жүрулеріне арналған түрлері болады. Олардың айырмашылықтары көздерінде: адамдарға арналған бағдаршамның екі көзі болады, қызыл да – тоқтайды, жасыл да – жүреді. Ал, жүргізушілерге арналған бағдаршамның 3 көзі болады: қызыл да – тоқтайды, сары да – әзірленеді, жасыл да – жүреді. Жол белгілері 4 топқа бөлінеді:

- Ескерту, тыйым салушы бұлар - қызыл түс

- Сілтеуші, рұқсат беруші белгілер – көк түс

Бағдаршам ойыны.

Қызыл көтерген де-тұр, сары –күт, жасыл-жүр.

Бағдаршамның сұрақтарына жауап беріп көрелік.

1.Жаяу адамға қай жермен жүруге болмайды?

2.Қала көшесінде келе жатқанда қандай жермен жүру керек?

3.Көше тәртібін не басқарады?

4.Жолдың қай жағымен жүру керек?

5.Бағдаршамның әр түсі нені хабарлайды?

Мұғалім:Енді бағдаршамның жұмбақтары бар екен, соны шешіп көрейік..

1. Сом дене, табаны бар сонша тісті,

Бір өзі бітіреді сонша істі. (Трактор)

2. Кеудесінде жаны жоқ,

Тамырында жаны жоқ,

Май жейді,

Су ішеді. (Машина)

3. Дыз-дыз етіп жүрегі,

Сымнан ұстап жүреді.

Өзіне адам мінеді,

Ол не, кім біледі? (Троллейбус)

4. Ала таяқ ұстаған

Жол тәртібін нұсқаған

Өміріңді күзеткен

Ысқырығы күшті адам. (Полиция қызметкері)

5.Көзін ашып жұмады,

Бағыт сілтеп тұрады. (Бағдаршам)

10 мин

Қауіпсіздік сағаты

«Не жөнінде үндемей қалуға және ата – аналардан жасыруға болмайды?»

Сабақтың мақсаты:балаларды буллингіге және психологиялық немесе физикалық зорлық-зомбылыққа қарсы тұруға үйрету.

Сабақтың барысы 1.Ұйымдастырукезеңі Сәлемдесу.

Жағымды мотивациялық көңіл күй орнату . 2.Мақсат қою. Бейнежазбаны қарау.

Сабақ тақырыбын анықтау.

- Бейнежазбадан не білдіңдер?

Не айтар едіңдер?

Сабақтың мақсаты: буллинг пен зорлық-зомбылыққа қарсы тұруға үйрету.

3.Білімді өзектендіру.

Өткенді қайталау - Г.Х.Андерсеннің «Ұсқынсыз үйрек» ертегісін еске түсірейік.

-Ертегінің қай бөлігінде буллинг пен зорлық-зомбылықты байқауға болады?

4.Негізгі бөлім. Оқу мақсатын орындаушешімдері (6 минут). -Үйрекке неге әлімжеттік жасады? -Үйректің қателігі неде? Оны ренжітпес үшін не істеуі керек еді? -Балалардың бір қиындыққа тап болғанын, біреудің оларды ренжіткенін атааналарынан жасырғанжағдай кездесті ме?

-Осы әңгімемізден қандай қорытынды шығаруға болады?

5.Бекіту. -Әлімжеттікке ұшыраған балаға қандай кеңес айтар едің?

6.Қорытынды. Рефлексия

Сөйлемдерді толықтыр: -Бүгінгі сабақтан мен............... білдім.

-Егер мен бір қиын жағдайға ұшырасам, онда мен міндетті түрде………………

-Егер мен басқалардың біреуді ренжіткенін көрсем, онда……

«Әлімжеттікке жол жоқ!» тақырыбында сурет сал.

Оқушыларға қауіпсіздік туралы түсіндіру

.Х.Андерсеннің «Ұсқынсыз үйрек» ертегісін еске түсірейік.

Түрлі жағдаяттарды ескере отырып,өзіндік әрекеттер жасайды

Пайдалы сілтеме:

https://youtu.be/AdGoe5qeIco

Қорытынды.

Сайыс нәтижесін қорытындылау, жеңімпазды анықтау.

Тіршілікте не дейсің ғой ең қымбат, 
Тіршілікте адам қымбат, сен қымбат. 
Ал адамға ауа қымбат бәрінен, 
Ауа қымбат, алатұғын дем қымбат.