Тәрбие сағат Сам орта мектеп 1 сынып

Ана өмірдің – шуағы

Уақыты: 07.03.18

Мақсаты: 1. 8- наурыз халықаралық әйелдер мерекесін атап өту.

2. Оқушылардың ата- ана алдындағы парызы мен қарыздары туралы

түсініктеме.

3. Балаларды ата- анаға деген сүйіспеншілікке баулу, ана еңбегін

ардақтап, мейірімділікке, сый- құрмет көрсете білуге тәрбиелеу. Көрнекілігі: Суреттер, мақалдар, шарлар, тірек сөздер Сабақтың барысы: Ұйымдастыру Мұғалім: Ана, ана, ана! Не деген мейірлі, не деген шапағатты сөз еді. Осынау

үш әріптен құралған қасиетті сөздің түбінде ұлы сезім жатыр

десеңізші. Бар махаббатпен шапағатты сыйдырып тұрған ұлы ана

сезімін қадірлейік. Жақсылық атаулының барлығы да ана сүтімен

жаралған.

Олай болса, бүгінгі барлық жақсы тілектеріміз сіздерге арналады. Ардақты аналар, ару қыздар, төл мерекеміз, көктем шуағын алып келген

8 – наурыз мерекесі құтты болсын.

Айналайын «ана» деген асыл аттан,

Шуағын бар әлемге шашыратқан.

Ойнап жүрген құлынын даладағы

Үйде отырып дауысынан ажыратқан. Хормен балалар:

Жанымызды жайнатқан

Сіздерсіз ғой аналар

Зор денсаулық, мол бақыт

Тілейміз, біз балалар! Ән: Ана

Дүниедегі құдіреттің бәрі ананың тілегі, ананың махаббаты арқасында болады. Ал, ақ самайлы , аяулы да ардақты әжелеріміз болмаса, аналарымызға да бұл жарық дүние есігін ашпас еді. Ендеше, әжелерімізді де мерекемен құттықтаймыз.

Менің әжем, бұл әже

Айтқан сөзі дәл әже

Аман болса көреді

Қызығымды әлі әже. Ойын: Кімнің дауысы, табайық.

Ортаға 5 – 6 бала анасымен шығады. Балалар теріс қарап тұрады. Анасы «құлыншағым» немесе «ботақаным» - деп дауыстайды. Балалар тапса, менің мамам деп айту керек. Би: Ұлдар биі Мұғалім: Ақ анашым, аппағым,

Өзің жайлы тақпағым.

Арналады сіздерге,

Бар баланың тақпағы. 1. Анам менің сүйіктім,

Тек өзіңе табынам. 2 .Анаң болса қасыңда,

Басқа бақыт не керек.

3. Мен анамды сүйемін,

Құшағыңа енемін. 4. Қуанышы баланың,

Бізді өсірген анашым. 5. Құтты болсын анашым,

Құтты болсын мерекең. 6. Анам менің «күнім» дейді,

Мен қуансам күлімдейді. 7. Таң қалғандай ғалам,

Кім ең сұлу адам,

Ол – менің анам. 8. Айналайын, анашым ,

Көкте нұр боп жанасың. Ән: Қошақаным

Бала тілегі Би: Физруков Көрініс: Әже мен немере

Белі бүгіліп, бойындағы бар күшін тауысқан қарт әже еңкейе басып жүріп келеді. Мұны көріп, алдынан жүгіріп шыққан немересі

- Әже айтыңызшы не іздеп жүрсіз? Бір нәрсе жоғалтып алдыңыз ба? – депті. – Ия балам, жастығымды жоғалтып алып, соны іздеп жүрмін – деп әжесі жерге еңкейе түсті. (Сонда немересі қарсы алдына келіп, тұра қалды да.) - Жоғалтқаныңыз алдыңызда тұр ғой, әже – деді. – О құлыншағым! Менің жастық шағым сен екенсің ғой – деп басынан сипады әжесі. Ән: Ақ мамам Аналар қандай? (сипаттау, теңеу) Би: Паппури Мұғалім: Барлық ана баласымен бақытты, барлық бала анасымен бақытты –деп ортаға балаларды шақырамын. Ұлдар: Ана деген сөзді де,

Апа деген сөзді де,

Әке деген сөзді де,

Аға деген сөзді де,

Ойлап тапқан балалар. Қыздар: Күнім, жаным дегенді,

Құлыншағым дегенді,

Ботақаным дегенді,

Толған айым дегенді,

Айналайын дегенді,

Ойлап тапқан балалар. Ән: Біз өмірдің гүліміз Мұғалім: Бөбегіңнің сыйлығын,

Қабыл алшы анашым.

Ұзақ өмір, жүз жасап,

Ауырмашы анашым.

Аналарға сыйлық беру Құттықтау сөз: Мектебіміздің тәрбие ісінің меңгерушісі Бегешова Б.

Ата – ана Оқушылар: Бар әлемге, анаға

Басымызды иеміз. Қорытынды:

Анам менің жасыл бағым жайнаған. Сол бағыңда асыр салып ойнағам. Пәк жүрекпен жыр арнады перзентің – деп 1 «б» сынып оқушыларының дайындаған концерттік бағдарламасын жабық деп жариялаймыз. Келгендеріңізге рақмет, аман – сау болыңыздар.

Аябаева С