Тәрбие сағат."Қыздар,Көктем аруы" 4 -сынып

«Қыздар! Көктем аруы» атты Қыз сыны байқаудың жүру барысы.

Мақсаты: қыз балалардың жан дүниесіндегі көркемдік талғамын қалыптастыру,қазақ халқының салт дәстүріндегі қыз тәрбиесіне ерекше көңіл бөлу,инабаттылыққа,тәрбиелілікке,ізеттілікке,әдептілікке тәрбиелеу.

Көрнекілігі:»Қыздар! Көктем аруы»,»Өнер таусылмас азық» (қолөнер түрлері),мақал-мәтелдер.

1-жүргізуші:Армысыздар абзал аналар,ақ жаулықты әжелер,көктем гүліндей жайнаған апайлар,аяулы қыздар.

2-жүргізуші .Сіздерді көгілдір көктемнің шуақты күндерімен бірге келетін 8-наурыз халықаралық аналар мерекесімен шын жүректен құттықтаймыз.

1-жүргізуші:Бүгінгі күн сіздерге мерекелік көңіл-күй тілей отырып, «Қыздар!Көктем аруы»атты Қыз сыны байқауын тамашалауға шақырамыз.

2-жүргізуші:Арулар-аяулылар,ардақтылар.

Өмірге жылу болып қалмақ бұлар,

Арулар- тіршілікке күре тамыр.

Өмірді бір-біріне жалғап тұрар.

1-жүргізуші:Сұлулыққа қарап көз тоймайды

Сұлулыққа өзін-өзі баяндайды.

Естілер құдіретті бүгінгі сөз

Қыз жайлы,ана жайлы,келін жайлы.

2- жүргізуші: Той пердесін ашайық

Жырдан шашу шашайық,

Аналарды құрметтеп,

Ән маржанын шашайық.-деп ән жолдаймыз.

Ән : Орындайтын:

1-жүргізуші: Тіл байланып қалатындай көргенде,

Сұлулықты соған ғана берген бе?

Кім болса да бас иеді мойындап,

Қазақ қызы қарсы алдына келгенде,- деп бүгінгі сайысымызға қатысатын аруларды ортаға шақырып алайық.

№ 1аруымыз –Бақытжанқызы Жансезім

№2 аруымыз- Турсунова Ақбота

№3 аруымыз- Ермаш Аружан

№4 аруымыз-Искандер Диана

№5-аруымыз- Жолдасбек Адина

Әділдікккпен баға берер аруларға әділ қазылар алқасымен таныс болыңыздар.

Қазылар алқасы...............

2-жүргізуші:Сайыстың шарттары:

1-бөлім: Өзін-өзі таныстыру

2-бөлім: Өз өнері

3-бөлім: Сұрақ –жауап

4-бөлім:Мәнерлеп оқу

5- бөлім: Үй тапсырмасы «Ас мәзірі»

6- бөлім-Сән үлгісі-деп аталады.Бұл бөлімде аруларымыз бүгінгі заманға сай сән үлгісін көрсетеді.

1-жүргізуші: Баурап алар бір-ақ ауыз сәлемі

Қазақ қызы әдепті де әдемі,

Қазақ қызы ақылына көркі сай

Тұнып тұрған сұлулықтың әлемі,-дей отырып аруларымызды өзін-өзі таныстыруына рұқсат етейік.

Қарсы алыңыздар.

І бөлім «Өзін-өзі таныстыру»

2-жүргізуші: №1 аруымыз-Бақытжанқызы Жансезім

1-жүргізуші: №2-аруымыз-Турсынова Ақбота

2-жүргізуші: №3-аруымыз-Ермаш Аружан

1-жүргізуші: №4-аруымыз-Искандер Диана

2-жүргізуші: №5-аруымыз-Жолдасбек Адина

Қазылар алқасы 1-бөлімнің бағасын шығарғанша бір әсем ән жолдаймыз.

Ән. Көңілді күн. Орындайтын Серік Айару

1- жүргізуші: ІІ бөлім «Өз өнері» аруларымыз өз өнерлерін көрсетеді.

№1аруымыз Бақытжанқызы Жансезімнің өнерін тамашалаңыздар.

№2 аруымыз Тұрсынова Ақботаның өнерін тамашалаңыздар.

№3 аруымыз Ермаш Аружанның өнерін тамашалаңыздар.

№4-аруымыз Искандер Диананың өнерін тамашалаңыздар.

№5-аруымыз Жолдасбек Адинаның өнерін тамашалаңыздар.

2-жүргізуші: Әділқазылар 2-бөлімнің бағасын қойғанша ән тыңдаңыздар.

Ән: орындайтын Жасмина

Білім құйған бойына

Қанып өмір жайына

Салт-дәстүрдің әр сөзін

Сақтап жүрген ойына-деп сайыскерлерді ортаға шақырамыз.

1-жүргізуші:

ІІІ бөлім «Сұрақ-жауап» әр қатысушы келіп билет алу арқылы өздері таңдаған сұрақ парақтарын алып жауап береді.

2-ЖҮРГІЗУШІ: Әділқазылардың ІІІ бөлімге қойған бағаларын тыңдаңыздар.

ІV бөлім «Мәнерлеп оқу» аруларымыздың мәнерлеп оқуын

тамашалаңыздар.

1-жүргізуші: Әділқазылардың аруларымызға қойған бағасын тыңдайық.

V бөлім «Ас мәзірі» үй тапсырмасын әділқазылардың алдына алып барады.

2-жүргізуші: Әділқазылардың берген бағасын тыңдайық.

1- жүргізуші:

Қазақ қызы-тамсандырған талайды,

Тоғжан болып ғашық қылған Абайды.

Қазақ қызы күлкісі күн,тілі бал,

Ай секілді асқақ ару арайлы.-деп

VІ бөлім «Сән үлгісі» бөлімінде аруларымыз өздерінің сән үлгісін көрсетеді.

2-жүргізуші: Сән үлгісіне әділқазылардың берген бағасын тыңдайық.

Құрметті көрермендер! Бүгінгі «Көктем аруы» 2019 байқауы өз мәресіне жетті.Тамашалағандарыңызға рахмет,сау болыңыздар!