Тәрбие сағаты

Отбасы – өмірдің тірегі.

Отбасы – әр адамның ең қымбат байлығы. Ол- сүйіспеншілік, сыйластық пен жылулықтың мекені.Әрбір адам өмірге келгенде, ең алдымен, отбасын таниды.Отбасы- бұл тек бір шаңырақ астында өмір сүретін адамдар ғана емес, бұл- бір-біріне қомқорлық көрсетіп, қолдау білдіретін жақын жандар.

Менің отбасым- менің мақтанышым.Біздің отбасымыз үлкен болмаса да, әрқайсысымыз бір-бірімізді қадірлейміз және түсінеміз. Анам мен әкем бізге дұрыс тәрбие беріп, әрдайым ақыл айтып отырады. Анам – мейірімді және қамқор жан.Ол үйіміздің жылулығымен жайлылығын сақтайды. Әкем- біздің тірегіміз, отбасымыздың қорғаушысы. Ал бауырларым- менің ең жақын достарым. Біз бірге ойнап, қуанышымызды бөлісіп,қиындықтарды жеңеміз.

Отбасы – бақыттың бастауы. Отбасылық қарым – қатынастың негізі- сыйластық пен түсіністік. Бір –бірімізді тыңдап,қолдау білдіріп, жанашырлық таныту – берік отбасылық байланыстың кепілі.Осындай ортада өскен адам мейірімді, жауапты әрі өмірге деген құштарлықпен қарайтын тұлғаға айналады.

Отбасы - адам болашағының айнасы. Біз отбасыдан өмірдің мәнін, достық пен сүйіспеншіліктің қадірін түсінеміз. Сондықтан әрбір адам өз отбасын қадірлеп,оның берекесін сақтауға тырысуы керек.Мен өз отбасымды шексіз жақсы көремін және олармен бірге болған әр күнімді бағалаймын.

Қорытындылай келе, отбасы – бұл өмірдің тірегі,адамға қуат беретін қасиетті орын. Бақытты отбасы- бақытты өмірдің кепілі. Әрбір адамның арманы – өз отбасын мақтан тұтып, оның жылулығын сезіну. Сол үшін отбасымызды қорғап, сүйіспеншілікпен айналдыру – біздің басты міндетіміз.