Қоршаған ортаны қорғау шаралары.

Қоршаған орта – бұл адамзаттың өмір сүруі мен табиғатпен үйлесімді тіршілік етуінің негізі. Алайда индустряландыру, урбанизация және адамдардың жауапсыз әрекеттері экологиялық мәселелерді туындатып, табиғи ресурстардың сарқылуына әкелуде.Сондықтан қоршаған ортаны қорғау- бүгінгі күннің маңызды мәселелерінің бірі.

1. Экологиялық мәселелердің негізгі себептері:

• Өнеркәсіптік қалдықтар: зауыттар мен фабрикалардан шығатын улы қалдықтар табиғат пен суды ластайды.

• Ормандардың жойылуы: ағаштардың заңсыз кесіліп, табиғи экожүйелердің бұзылуы өсімдіктер мен жануарлардың тіршілігін жояды.

• Көлік құралдарының зияны: автокөліктер мен ұшақтар атмосфераға зиянды газдарды бөліп,климаттың өзгеруіне әсер етеді.

• Қоқыс пен пластик: тұрмыстық қалдықтар,әсіресе пластикалық заттар,топырақ пен су көздерін ластап,биоәртүрлілікті жояды.

2. Қоршаған ортаны қорғаудың негізгі шаралары:

• Экологиялық білім беру Қоғамда экологиялық мәдениетті қалыптастыру маңызды. Мектептер мен жоғарғы оқу орындарында экология пәнін оқыту,бұқаралық ақпарат құралдарында табиғатты қорғау туралы насихат жүргізу-болашақ ұрпақтың экологиялық санасын арттыруға көмектеседі.

• Қалдықтарды қайта өңдеу:

Тұрмыстық және өндірістік қалдықтарды сұрыптау мен қайта өңдеу табиғи ресурстарды үнемдеуге және қоршаған ортаны тазартуға мүмкіндік береді.

• Жасыл аймақты көбейту:

Ағаш отырғызу, саябақтар мен орман алқаптарын көбейту ауа сапасын жақсартып,жаһандық жылынуды азайтуға үлес қосады.

• Су ресурстарын сақтау:

Таза ауыз су- табиғаттың ең маңызды байлығы.Су ресурстарын үнемдеп пайдалану және өзен-көлдерді ластанудан қорғау-экологиялық тұрақтылықтың негізі.

3. Қазақстандағы экологиялық бастамалар:

Қазақстанда қоршаған ортаны қорғау барысында бірнеше мемлекеттік және халықаралық бағдарламалар жүзеге асырылуда:

• «Жасыл экономика» тұжырымдамасы:

бұл бағдарлама табиғи ресурстарды тиімді пайдаланып,экологиялық таза технологияларды енгізуді көздейді.

• «Бірге- Таза Қазақстан» акциясы:

бұл бастама табиғатты қоқыстан тазарту мен халықты экологиялық белсенділікке шақыруды мақсат етеді.

• Арал теңізін қалпына келтіру жобалары:

Аралдың экологиялық ахуалын жақсарту бағытында су деңгейін тұрақтандыру шаралары қолға алынуда.

Қоршаған ортаны қорғау- тек мемлекеттердің немесе ұйымдардың ғана емес,әрбір адамның міндеті.Табиғатқа жауапкершілікпен қарау, ресурстарды үнемдеу және экологиялық мәдениетті насихаттау арқылы біз болашақ ұрпаққа таза және тұрақты орта қалдыра аламыз.

Экологияны қорғау- бұл біздің өмірімізді қорғау.